Esra 3:6 - O Debleskro Drom 2021 (Sinte)

⁶ O ersto kopo har anan le viechen, te wenn le chatchedo o baro Debleske, his ap o ersto diwes an o eftato tchon. An ko tsiro his i telstune barra o baro Debleskro khereske gomme gar tchiddo.

O Debleskro Lab 2024 (Sinte-Manouche)

⁶ O ersto kopo har anan le firhen, te venn le rhačedo o baro Debleske, his ap o ersto dives an o eftato čon. An ko tsiro his i telstoune barra o baro Debleskro khereske gomme gar čiddo.

Esra 3:6 ပူးပေါင်းရင်းမြစ်များ

Esra 3:5

Pal ko tsiro anan le hako diwes kol viechen, kai wan taissarlake un ratsjake chatchedo o baro Debleske. Un ninna ap hako newo tchon un ap i wawar bare diwessa anan le viechen o baro Debleske. Un dan ninna kowa, hoi jek pestar kamas te dell o baro Debleste.

Esra 3:7

Un jon dan lowe kol murshen, kai budrenn i barrentsa un kol murshen, kai budrenn o kashtentsa. Ninna dan le chapen un pipen un djet kol murshen dran Sidon un Tirus, te nai anenn le Zedertikro kasht dran o Libanon pral o baro pani an ko foro Jafo. Kowa lauter kran le jaake har les lenge o Kirus, ko rai pral Persia penas.

3. Mose 23:24

Pen ap i Israelitarja: Ko ersto diwes an o eftato tchon hunte well tumen sawo diwes, kai budrenn gar. Ap ko diwes phurdenn an i phurdepangre, un awenn khetne glan o baro Debleste.

3. Mose 23:25

Krenn kek budi, un anenn o baro Debleske viechen un chapen, hoi well leske chatchedo ap leskri chatchepaskri.

4. Mose 29:1

Un ap o ersto diwes an o eftato tchon hunte wenn khetne glan o baro Debleste. Kek budi hunte krenn ap ko diwes. Kawa hunte well tumenge i diwes, kai phurdenn i phurdepaskri.

4. Mose 29:2

Un tumer hunte chatchrenn viechen o Debleske. Un ko latcho sungepen, hoi pre djal, te wenn le chatchedo, sungella mishto o baro Debleske. Kolla hi kol vieche, hoi hunte chatchrenn leske tseles: jek terni mursh grumni, jek mursh bakro, un efta jek-bershengre bakre, kai gar nasselo hi.