Esra 3:11 - O Debleskro Drom 2021 (Sinte)

¹¹ Un jon giwan, sharan un parkran pen pash o baro Debleste: “Job hi latcho un leskro kamlepen hi an hako tsiro pral Israel.” Un i tsele menshe dan gole i bachtjatar, har parkran le pen pash o baro Debleste doleske, kai i telstune barra leskro khereske tchiddo his.

O Debleskro Lab 2024 (Sinte-Manouche)

¹¹ Oun yon givan, sharan oun parkran pen pash o baro Debleste: “Yob hi lačo oun leskro kamlepen hi an hako tsiro pral Israel.” Oun i tsele menshe dan gole i barhtyatar, har parkran le pen pash o baro Debleste doleske, kay i telstoune barra leskro khereske čiddo his.

Esra 3:11 ပူးပေါင်းရင်းမြစ်များ

1. Familjakro liil 16:34

Sharedo well o baro Dewel! Parkrenn tumen pash o baro Debleste! Job hi i latcho Dewel. Leskro latchepen atchella hako tsireske.

1. Familjakro liil 16:41

Ninna atchan kote wi-rodede gipangre, kai pengro labeha pre kharedo wan, te parkrenn le pen pash o baro Debleste, kai leskro latchepen an hako tsiro kai hi. Mank lende his o Heman un o Jedutun.

2. Familjakro liil 7:3

Un i tsele Israelitarja dikan, har i jag dran o bolepen peras un o baro Debleskro railepen ap o kheer his. Un jon djan ap pengre tchanga pengro mujeha ap i barra ap i phub, un mangan les an, un sharan o baro Debles kal labentsa: “Job hi kamlo, un leskro latchepen hi hako tsiro menge koi.”

Nehemia 12:24

Un i pralstune pral i Levitarja his: o Hashabja, o Sherebja, o Jeshua, o Binnui, un o Kadmijel. Lengre phrala, o Mattanja, o Bakbukja, un o Obadja his tardo wergel lende, har giwan le o Debleske. Lentsa khetne giwan le sharepaskre gilja o Debleske jaake, har o Debleskro mursh, o David penas. Kol jek giwan glan un kol wawar giwan pal. Pash i bare wudja, kai i khera hi, kai o chapen dren hi, dan kolla mursha jak: o Meshullam, o Talmon un o Akkub.

Nehemia 12:40

Jaake wan i gipangre i tchatchi rigjatar un i serwi rigjatar, un atchan tardo pash o Debleskro kheer. Me ninna un ko paash kol pralstunendar, kai mantsa djam, wam un atcham koi tardo.

Debleskri gili 100:5

Kamlo hi o baro Dewel. Leskro latchepen atchell hako tsireske. Un leskro tchatchepen herell gar pre.

Debleskri gili 103:17

O latchepen o baro Deblestar hi gar jaake. Kowa atchella hako tsireske. An kek tsiro lell lo les krik kolendar, kai djiwenn leha. Ninna lengre tchawenge un kolengre tchawenge rikrell job peskro lab,

Debleskri gili 106:1

Sharedo well o baro Dewel! Parkrenn tumen pash o baro Debleste! Job hi i latcho Dewel. Leskro latchepen atchella hako tsireske.

Debleskri gili 107:1

Sharenn o baro Debles. Job hi latcho. Leskro latchepen atchell hako tsireske.

Debleskri gili 118:1

Parkrenn tumen pash o baro Debleste! Job hi kamlo, un leskro latchepen atchella hako tsireske.

Debleskri gili 131:1

I gili o Davidestar te giwell ap o drom an Jerusalem. Baro Dewel, me hom gar pre-phurdo, un mire jaka dikenn gar tele ap i wawarende. Me kamau gar baro koowa, witar gar sawo koowa, hoi dur pral mande hi.

Debleskri gili 135:3

Sharenn o baro Debles! Latcho hi o baro Dewel. Hadenn les tumaro bashepah. Kamlo hi lo menge.

Debleskri gili 47:1

I gili o rajeske pral i gipangre. Kai gili hi jekestar dran i familja Korach.

Debleskri gili 47:5

Job rodas menge o them win, un das les mende, te djiwas kote. Pral kowa ham bachtelo, mer, i tchawe o Jakobestar, kolen job bud kamell.

2. Mose 15:21

Un i Mirjam giwas lenge glan: Me kamau te giwap i gili o baro Debleske. Baro un sorelo hi lo! Graja un mursha witsras lo an o baro pani.

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jesaja 44:23

Tu bolepen, gib kolestar, hoi o baro Dewel kras! Tu telstunepen i phubjatar, de gole i bachtjatar! Tumer berge, giwenn! Tu weesh tire tsele rukentsa, gib! O baro Dewel las o Jakobes dran o merepen win, un o Israel sharell les.

Jesaja 6:3

Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

Jeremia 33:11

kote well pale sapen shunlo un bachteli gole. O pirno un leskri pirni, kai i bijab krenn, giwenn pale. Un wawar anenn viechen an miro kheer, te parkrenn le pen pash mande, un giwenn koi pashel: Parkrenn tumen pash o baro Debleste, ko rajeste pral o bolepen un i phub; job hi kamles ap mende. Hako tsiro hi leskro latchepen menge koi. Me krau te djal kau themeske pale jaake mishto, har leske glan kowa djas.

Haggai 2:3

Koon tumendar hi gomme koi, kai dikas kau kheer, har lo an peskro shukester tsiro win dikas? Un har dikenn les tumer kanna? Hi tchi leskro shukapen pral!

Zakarie 4:7

“Un hoi hi kol dui djeteskre ruka”, penom me, “hoi tchatches un serwes pash i momelengri tardo hi, un hoi hi lengre dui kashta, kolengro djet an kol dui sonakangre koola nashell?”

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Louka 1:50

Job kras peskro dji pre kol phurenge un kolengre tchawenge, lauterenge, kai shunenn ap leste, un darenn lestar.

Josua 6:10

O Josua penas i lurdenge: “Ma denn i kurepaskri gole! Un kek tumendar well shunlo. Kek lab well dran tumaro mui bis ap ko diwes, kai me ap tumende penau: ‘Kanna denn i kurepaskri gole!’ Palle denn i kurepaskri gole!”

Josua 6:16

Un har le o eftato kopo trujel djan, un i rashaja an i phurdepangre phurdan, koi penas o Josua i murshenge: “Kanna denn i kurepaskri gole! O baro Dewel das tumen kau foro.

Josua 6:5

Te shunenn i lurde, har i rashaja lengsto an pengre phurdepangre phurdenn, hunte denn le halauter i bari kurepaskri gole. Palle perenn i pre-tchidde barra trul o foro an pende khetne. Un i tsele lurde nai djan haki rigjatar an o foro dren.”