Esra 3:10 - O Debleskro Drom 2021 (Sinte)

¹⁰ Un har tchiwan i budepangre i telstune barra pre o baro Debleskro khereske, his i rashaja koi tardo an pengre rashajengre ripja un phurdan an pengre phurdepangre. Un i Levitarja, kolengro phuro dad o Asaf his, kolen his pengre bashepangre, hoi kharenn Zimbale, ninna pashel, te nai sharenn le o baro Debles, jaake har o David, ko baro rai pral Israel kowa penas.

O Debleskro Lab 2024 (Sinte-Manouche)

¹⁰ Oun har čivan i boudepangre i telstoune barra pre o baro Debleskro khereske, his i rashaya koy tardo an pengre rashayengre ripya oun phourdan an pengre phourdepangre. Oun i Levitarya, kolengro phouro dad o Asaf his, kolen his pengre bashepangre, hoy kharenn cimbale, ninna pashel, te nay sharenn le o baro Debles, yaake har o David, ko baro ray pral Israel kova penas.

Esra 3:10 ပူးပေါင်းရင်းမြစ်များ

1. Familjakro liil 15:24

Glan o mochton djan i rashaja: o Aba, o Shebanja, o Josafat, o Netanel, o Amasai, o Secharja, o Benaja, un o Elijeser. Jon phurdan an bare phurdepangre. Un o Obed-Edom un o Jechija djan pal o mochton un dan jak ap leste.

1. Familjakro liil 15:27

Un o Davides his i plaashka dran bijalo laintikro than ap peste. Un jaake his ninna i tsele Levitarja an-rido, kai o mochton hidjrenn, ninna i gipangre un o Kenanja, ko pralstuno pral i gipangre. Un o David his ninna i laintikri damdira ap peste, har i rashaja hidjrenn.

1. Familjakro liil 16:37

Un jaake har o David lenge penas, atchan o Asaf un leskre phrala glan o mochton o baro Debleskre deesh labentsa, te krenn le kote koi budi, hoi hako diwes hunte kerdo well.

1. Familjakro liil 16:42

Jon sharan o Debles pengro bashepah, un bashran ap i phurdepangre un dorjengre bashepangre un wawar bashepangre. I tchawen o murshestar Jedutun das o David koi budi, te denn le garda ap i wudja.

1. Familjakro liil 23:5

4.000 (star serja) mursha wan wudjengre mursha, kai hunte denn garda ap i wudja. Un 4.000 (star serja) mursha wan gipangre, kai giwenn gilja o baro Debleske, un bashrenn koi pashel ap kol bashepangre, hoi mukas o David koleske te krell.

2. Familjakro liil 35:14

Un koi pal kran i Levitarja o chapen penge un i rashajenge; i rashajen dran o kheer Aron his jaake bud budi kol tsele viechentsa, hoi wan tseles chatchedo un ko thulepah, hoi was chatchedo, te kran i Levitarja penge un i rashajenge ko chapen.

2. Familjakro liil 35:15

Un i gipangre dran o kheer Asaf atchan ap penge platse tardo. Jaake penas kowa o David un o Asaf un o Heman un o Jedutun, kowa his o baro rajeskro dikepaskro. Ninna kol mursha, kai dan garda ap i tsele wudja, mukan gar pengre platse. Un i Levitarja kran ninna lenge o chapen.

Esra 2:41

dran o kheer Asaf: 128 (sheel-biish-te-ochta); kolla his i gipangre;

Esra 5:16

Kote was o Sheshbazar un tchiwas i telstune barra pre o Debleskro khereske kate an Jerusalem. Jaake rah budrah ap o Debleskro kheer, un kowa hi gomme gar tseles kerdo.”

Debleskri gili 150:5

Sharenn les o bashepah ap i zimbale, hoi denn sawi gole, har te giwell i djuwel un har te giwell i mursh.

Haggai 2:15

Un kanna denn garda, har djal tumenge kau diwes, un an ko tsiro, hoi wella! Glan kau diwes kai tchiwan tumer jek bar ap o wawar ap o baro Debleskro kheer, his jaake:

Zakarie 4:10

Job penas: “Kolla hi kol dui wi-rodede mursha, kolen o rai pral i tseli phub o djeteha dren makas, te krenn le leskri budi.”

Zakarie 4:6

“Kol efta momlia hi o baro Debleskre jaka, hoi lauter dikenn, hoi ap i phub djala.”

Zakarie 4:7

“Un hoi hi kol dui djeteskre ruka”, penom me, “hoi tchatches un serwes pash i momelengri tardo hi, un hoi hi lengre dui kashta, kolengro djet an kol dui sonakangre koola nashell?”

Zakarie 6:12

Un pen leske: Kowa penell o baro Dewel, ko rai pral o bolepen un i phub: Ko mursh, kai well kharedo ‘newo ruk’, well baro ap peskri platsa. Un job krell o baro Debleske i newo kheer.

1. Samuel 22:18

Kote penas o baro rai ap o Doeg: “Ab tu, un de len mulo!” Un o Doeg, ko Edomari, was glan un das kol rashajen mulo. Un ap ko diwes meran 85 (ochta-deesh te pantch) mursha, kai an i rashajengri laintikri damdira rido his.