Esra 3:1 - O Debleskro Drom 2021 (Sinte)

¹ Un har o 7. (eftato) tchon was un i Israelitarja an pengre forja his, wan i tsele menshe har jek mursh khetne an o foro Jerusalem.

O Debleskro Lab 2024 (Sinte-Manouche)

¹ Oun har o 7. (eftato) čon vas oun i Israelitarya an pengre forya his, van i tsele menshe har yek morsh khetne an o foro Yerusalem.

Esra 3:1 ပူးပေါင်းရင်းမြစ်များ

Nehemia 7:72

Un lauter djan an pengre forja, te djiwenn le kote: I rashaja un i Levitarja, kolla, kai ap o foreskre wudja jak dan, i gipangre, wawar menshe, kolla kai an o Debleskro kheer budran, un i tsele Israelitarja.

Nehemia 8:1

Un har o eftato tchon was, un i Israelitarja pale an pengre forja his, wan i tsele menshe khetne har jek mursh ap i platsa glan o Panjeskro Wudar. Un jon penan ap o Esra, te anell job o Moseskro liil, kai dren tardo hi, hoi o baro Dewel penas, hoi i Israelitarja hunte krenn un rikrenn. O Esra his i sikepaskro, kai prindjras mishto o Debleskro lab.

Nehemia 8:14

Un an ko liil hatsan le kol laba, kai penas o baro Dewel ap o Moseste, te hunte rikrenn i Israelitarja kol bare diwessa, kai kharenn ‘Patjengre Khera’ an o eftato tchon. Un an kol diwessa hunte djiwenn le an tikne khera, hoi jon penge dran patria krenn.

3. Mose 16:29

Kawa lauter hunte well kerdo ap o deshto diwes an o eftato tchon. Un jaake hunte krenn tumer hako tsireske. Ma chan ap ko diwes! Ma krenn i budi, tumer gar un witar gar i wi-themarja, kai mank tumende djiwenn.

3. Mose 23:24

Pen ap i Israelitarja: Ko ersto diwes an o eftato tchon hunte well tumen sawo diwes, kai budrenn gar. Ap ko diwes phurdenn an i phurdepangre, un awenn khetne glan o baro Debleste.

Zefanja 3:9

Pal kowa dau i menshen an i wawar themma djudje muja, te kharenn le halauter o baro Debleskro lab an, un mangenn les khetne an.

Bičepangre 2:46

Hako diwes wan le khetne an o Debleskro baro kheer. Jon chan o maro khetne an i khera. Un jon his bachtelo, te dan jon nai i phralen ninna te chal. Kowa kran le o djijestar.

Bičepangre 4:32

Kol tsele patslen his jek dji un jek djipen. Kek lendar penas: Ko brawlepen, hoi man hi, hi mange kokres. Na-a, kowa his lauterenge koi!

1. Korintarja 1:10

Mire phrala, me shunom, kai hi tchingepen mashkral tumende. Kowa penan mange kolla dran i familja koi djuwjatar Kloe. Kanna mangau tumen an o lab maro rajestar, o Jesus Kristestar: Ma tchingrenn tumen buder! Atchenn khetne un rikrenn khetne an kowa, hoi tumer krenna un patsenna!

5. Mose 16:16

Triin kope an o bersh hunte wenn tumare tsele mursha glan tumaro baro Debleste ap koi platsa, hoi job peske win rodell: ap kol bare diwessa, kai chan kek maro dran shutlo jarro, un ap ko baro diwes, kai anenn o baro Debleske o newo djobestar, hoi tumer dren anan, un ap kol diwessa, kai djiwenn an patjengre khera. Un kek well, koles tchi pash peste hi, hoi job o baro Debleske anella.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.