Esra 2:68 - O Debleskro Drom 2021 (Sinte)

⁶⁸ Un har i pralstune pral pengre familjen pash o baro Debleskro kheer an o foro Jerusalem wan, dan jon pendar lowe, te nai well o Debleskro kheer pre-tchiddo kote kai lo tardo his.

O Debleskro Lab 2024 (Sinte-Manouche)

⁶⁸ Oun har i pralstoune pral pengre familyen pash o baro Debleskro kheer an o foro Yerusalem van, dan yon pendar love, te nay vell o Debleskro kheer pre-čiddo kote kay lo tardo his.

Esra 2:68 ပူးပေါင်းရင်းမြစ်များ

1. Familjakro liil 21:18

Un o baro Debleskro bolepaskro penas ap o Gad: Pen o Davideske: “Dja koi pral ap koi djobeskri platsa ko murshestar Arauna, ko Jebusari! Un kre kote o baro Debleske i chatchepaskri!”

1. Familjakro liil 22:1

Un o David penas: “Kate te well o kheer o baro Debleske tardo. Kate krah leske i chatchepaskri, kai i Israelitarja nai chatchrenn viechen leske.”

2. Familjakro liil 3:1

Un o Salomeskre budepangre kran pen ap i budi te krenn le o kheer o baro Debleske an o foro Jerusalem ap i berga Morija, ap i platsa, hoi o Salomeskro dad, o David, win rodas. Koja his koi djobeskri platsa, hoi o murshes Arauna his. Kowa his i Jebusari. Glan i tsiro mukas pes kote o baro Dewel o Davidestar te dikell.

Esra 2:67

435 (star-sheel-te-trijanda-te-pantch) khamele un 6.720 (shob-serja-efta-sheel-te-biish) burike.

Esra 2:69

Un jon dan pash ko lowe, hoi o khereske koi his, jaake bud jon nai denna. Kowa his khetne: 61.000 (shob-deesh-te-jek-serja) sonakangre lowe un 5.000 (pantch serja) funto rup un sheel rashajengre baja.

Esra 3:3

Un ninna te hi len daar i wawar menshendar an o them, tchiwan le i sasterni chatchepaskri pre ap peskri phuri platsa, un anan kote viechen o baro Debleske, un chatchran len koi pre. Kowa kran le taissarlake un ratsjake.

Esra 9:9

Mer hams pandle budepangre, un tu, maro Dewel, mukal men gar kokres an maro pandepen. Tu kral, te dikan i raja pral o them Persia latches ap mende, un dal men newi soor, te nai tchiwas mer tiro kheer pale pre, jaake te was dran kol paash dine un chatchede barra i newo kheer tuke. Kowa kral tu, te djiwas mer pale an o them Juda un an o foro Jerusalem kek trashah.

Debleskri gili 110:3

Tu te deh tire lurden gole, wenn le lauter o djijestar tuha. Shukar an-rido hi kol terne mursha, kai wenn pash tute ap o Debleskri berga, railo har o diwes, te djal o kham pre.

2. Mose 25:2

Pen ap i Israelitarja: Hakeno, hoi les an o dji chatchella, te dell lo man pestar tchomone, kowa anell les pash tumende.

2. Mose 35:21

Halauter, kolengre djia chatchan, un kai kaman pendar tchomone te dell, wan un anan tchomone o baro Debleske, te well leske i plachteno kheer kerdo, kai i rashaja nai budrenn leske, un te nai krenn le ripja kolenge.

2. Mose 35:29

Jaake anan i Israelitarja, mursha un djuwja, kolengre djia chatchan, bud koowa pendar, te well koi tseli budi kerdo, hoi o baro Dewel o Moseske penas.

2. Mose 36:3

Un o Mose das len ko tselo kutch koowa, hoi i Israelitarja anan, te krenn le o baro Debleske i kheer. Un hako diwes taissarlakro wan le pale te pale pash o Moseste un anan leske budeder kutch koowa pendar.

2. Korintarja 8:12

Te dell jek o djijestar jaake bud har nai dell lo, dikell o Dewel latches ap leste. Job kamell gar, te dell lo budeder, har les hi.

2. Korintarja 8:3

Kowa hi tchatcho, hoi penau: Jon dan jaake bud har djala, ninna budeder. Kowa kran jon pendar o tselo djijestar.

2. Korintarja 9:7

Hakeno hunte dell jaake bud lowe, har leskro dji leske penella. Les hunte khaitell kowa gar, hoi job das! Job dell kowa pestar un gar, har te kaman le les lestar. O Dewel kamell kol menshen, kai denn o djijestar.