Esra 2:1 - O Debleskro Drom 2021 (Sinte)

¹ Kalla hi kol menshe, kai an o them Juda djiwenn. Kolla wan pale dran o pandepen, kai o baro rai pral Babilonia, o Nebukadnezar, len krik anas. Kolla wan pale pale an o foro Jerusalem un an o them Juda, hakeno an peskro foro.

O Debleskro Lab 2024 (Sinte-Manouche)

¹ Kalla hi kol menshe, kay an o them Youda djivenn. Kolla van pale dran o pandepen, kay o baro ray pral Babilonia, o Neboukadnezar, len krik anas. Kolla van pale pale an o foro Yerusalem oun an o them Youda, hakeno an peskro foro.

Esra 2:1 ပူးပေါင်းရင်းမြစ်များ

2. Rajengro liil 25:11

Un kol menshen, kai pral atchan an o foro Jerusalem, anas o Nebusaradan pandles krik an o them Babilonia, ninna kolla, kai dan pen an o wast o baro rajestar pral o them Babilonia, khetne kolentsa, kai pral atchan kol budendar, kai glan i tsiro koi djiwan.

1. Familjakro liil 9:1

Un i tsele Israelitarja wan pengro labeha dren tchinlo an familjengre lila. Kal lila hi khetne lino an o liil i bare rajendar pral Israel. Un i menshe dran o them Juda mukan pengro Debles un wan doleske pandles anlo an o them Babilonia.

1. Familjakro liil 9:2

Un mank kol erste menshe, kai pale wan, un pale an pengro them un pengre forja djiwan, his Israelitarja, rashaja, Levitarja un sawe, kai budran an o Debleskro kheer.

Esra 1:11

Kol tsele koola dran sonakai un rup his khetne 5.400 (pantch-serja-star-sheel). Halauter anas o Sheshbazar pral an o foro Jerusalem. Un pash leste his kol tsele menshe, kai wan krik anlo an o them Babilonia, un djan kanna leha pale an o foro Jerusalem.

Esra 2:2

Jon wan khetne kol murshentsa: O Serubbabel, o Jeshua, o Nehemja, o Seraja, o Reelaja, o Mordokai, o Bilshan, o Misperet, o Bigwai, o Rehum un o Baana. Kolla hi i laba kol familjendar, kai wan pale an Israel un kitse mursha an lende his:

Esra 2:70

Un mank lende, kai an o foro Jerusalem djiwan, his i rashaja, un i Levitarja. I gipangre un kolla, kai jak dan ap o foreskre wudja, ninna kolla, kai budran an o Debleskro kheer, jon djan an penge forja un djiwan kote. Ninna kol tsele wawar Israelitarja djiwan hakeno an peskro foro.

Esra 5:8

Mer kamah tuke te penell, kai mer nasham an o them Juda, pash o kheer o baro Deblestar. Ko kheer well bare barrentsa kerdo. Un kasht well an i massurja dren tchiddo. Un i budi well mishto kerdo, un djal an lengro wast sik dureder.

Esra 6:2

Koi was i liil hatslo an o foro Ekbatana an o them Media. Ap ko liil his tchinlo: Laba, hoi hunte wenn gar bistedo:

Esra 8:35

Un kol menshe, kai wan pale dran o pandepen, anan viechen o Israeleskro Debleske, un maran len leske: 12 (deesh-te-dui) terne gurma i tsele menshenge an Israel, 96 (enja-deesh-te-shob) mursh bakre, 77 (efta-deesh-te-efta) terne bakre. Ninna anan le 12 (deesh-te-dui) mursh busja, kai wan maredo, te well i doosh i menshendar krik lino. Un kol tsele vieche wan pre chatchedo o baro Debleske.

Nehemia 12:1

Un kalla hi i rashaja un i Levitarja, kai wan pale dran o pandepen khetne kol dui murshentsa, o Serubbabel, koleskro dad o Shealtijel his, un o Jeshua: o Seraja, o Jirmeja, o Esra,

Ester 1:1

His an ko tsiro, har o Ahasveros o baro rai his pral 127 (jek-sheel-te-biish-te-efta) themma, hoi djan o themestar India bis pash o them Etiopia.

Ester 1:3

Har job o triinto bersh o baro rai his, kras job i baro festo i tsele pralstunenge un barenge: kolenge, kai his pralstune pral kol bud lurdende an i themma Persia un Media, ninna kol brawelenge un themeskre rajenge dran peskre tsele themma.

Ester 1:8

Job penas i pralstunenge pral peskro kheer, te nai pijell hakeno jaake bud har job kamella. Doleske penas kek o wawareske, har bud te pijell lo.

Ester 8:9

Jaake wan kol murshen kharedo, kai o baro rajeskre lila tchinenn. Kowa his an o triinto tchon, – kowa hi o tchon Siwan – ap o biish-te-triinto diwes. Un i lila wan jaake tchinlo, har o Mordekai penas: ap i biboldende, un ap i pralstunende ko themestar, ap i themeskre rajende un i pralstunende pral i tsele themma mank o pani Indus un o pani Nil. Kolla his 127 (jek-sheel-te-biish-te-efta) themma. Un tchinlo was jaake har an hako them tchinlo was, un an o rakepen kol menshendar, kai kote djiwan, un ninna ap i bibolde jaake har jon tchinenn un rakrenn.

Jesaja 48:20

Djan win dran Babilon! Sik, nashenn dran o them Kaldea! Denn win gole i bachtjatar, un penenn kawa dureder, jaake te shunenn le kowa ap i tseli phub. Penenn: O baro Dewel las peskro budepaskres, o Jakobes, win dran o pandepen!

Jeremia 50:19

O Israel anau me pale khere, te djiwenn le pale ap i berga Karmel un an o them Bashan, un hatsenn doha chapen, un wenn tchalo ap i berge Efrajim un an o them Gilead.

Ropaskre gilja 1:3

I menshe dran Juda hi pandle budepangre, hunte budrenn tel dawa, un djiwenn an wawar themma. Ninna kote hunte well len daar. Halauter, kai len palla lenn, wenna un rikrenn pengro wast ap lengri meen.

Ropaskre gilja 1:5

Kolla, kai kamenn o foreske tchilatchepen te krell, len hi kanna penepaske pral leste, un lenge djal mishto. O baro Dewel anas koi bibacht pral o foro te dell lo les i phagi leskri bud doshake. Un kolla, kai lan o foro dren, lan i tchawen pandles, un tradan len glan pende win dran o them.

Ropaskre gilja 4:22

Tumer an o foro Zion, palle hi tumari doosh tumendar krik lino! O baro Dewel mukell tumen buder gar pandles krik te anell. Palle anell job tumari doosh, tumer Edomarja, ap tumare sherja pale, un tchakrell ko tchilatcho koowa pre, hoi kran.

Zefanja 2:7

Kau kotar them pash o baro pani well kolende dino, kai atchan djido dran o kheer Juda. Jon mukenn pengre bakre kote te chal. Un rati sowenn le an kol khera an o foro Ashkelon. Awa, lengro baro Dewel krell peskro dji lenge pre, un anell len dran lengro pandepen pale win.

Bičepangre 23:34

O Felix draweras ko liil, un putchas o Paulestar dran hawo them job hi. Un har job shunas, kai o Paulo dran o them Cilicia hi, penas job ap leste: