Esra 10:9 - O Debleskro Drom 2021 (Sinte)

⁹ Kote wan i tsele mursha i menshendar Juda un Benjamin an o foro Jerusalem khetne. Ap o triinto diwes his le lauter koi. Kowa his o 20. (biishto) diwes an o 9. (enjato) tchon. Un i tsele menshe his beshdo ap i platsa glan o Debleskro kheer un trissan i trashatar pral kau koowa, hoi jon kran, un ninna o baro brishinestar.

O Debleskro Lab 2024 (Sinte-Manouche)

⁹ Kote van i tsele morsha i menshendar Youda oun Benyamin an o foro Yerusalem khetne. Ap o triinto dives his le lauter koy. Kova his o 20. (biishto) dives an o 9. (enyato) čon. Oun i tsele menshe his beshdo ap i platsa glan o Debleskro kheer oun trissan i trashatar pral kava koova, hoy yon kran, oun ninna o baro brishinestar.

Esra 10:9 ပူးပေါင်းရင်းမြစ်များ

Esra 10:10

Un o Esra, ko rashai, stas pre un rakras lentsa un penas: “Tumer peran o Deblestar tele, kai lan tumenge romjen kol menshendar, kai gar tumendar hi, un jaake anan tumer budeder doosh ap Israel.

Esra 10:3

Mer kras maro Debleha win, te bitchras mer kol tsele djuwjen un lengre tchawen mendar krik, jaake har penan tumer – tu, miro rai, un kolla, kai rikrenn maro Debleskre laba. Mer kamah les jaake te krell, har an o Moseskre lila tchinlo hi.

Esra 10:8

Un koon gar well an triin diwessa, jaake har i pralstune un i phureder penan, koleskro brawlepen un halauter hoi les hi, hunte well lestar krik lino. Un job te well infam kerdo un nai djiwell buder gar mank peskre menshende, kai wan win dran o pandepen an o them Babilonia.”

Esra 9:4

Un pash mande wan halauter kolla khetne, kai an i traash his, hoi o Dewel pral o them Israel penella, kai leskre laba wan i pirentsa stakedo kolendar, kai wan dran o them Babilonia pale pale. Un me homs koi beshdo har mulo, bis te was rati - ko tsiro, kai o Debleske i viecho anlo un maredo well.

Ester 2:16

Un jaake was i Ester pash o baro rajeste Ahasveros an leskro rajeskro kheer anlo. Un kowa his an o deshto tchon, har job an o eftato bersh o baro rai his. Kau tchon kharas Tebet.

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Jeremia 10:13

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Jeremia 36:22

His an o wend un o baro rai his beshdo an peskro wendeskro kheer glan i jag.