Esra 10:4 - O Debleskro Drom 2021 (Sinte)

⁴ Kanna ste pre! Ap tute hi kau koowa tchiddo. Un mer ham halauter tuha. Ab kanna soreles un kre kowa!”

O Debleskro Lab 2024 (Sinte-Manouche)

⁴ Kanna ste pre! Ap toute hi kava koova čiddo. Oun mer ham halauter touha. Ab kanna zoreles oun kre kova!”

Esra 10:4 ပူးပေါင်းရင်းမြစ်များ

1. Familjakro liil 22:19

Kanna denn tumaro djipen un tumaro dji o baro Debleste, kai tumaro Dewel hi! Un stenn pre un krenn leske i kheer, kai leske kokres hi. Kote te well o mochton o baro Debleskre deesh labentsa dren tchiddo, ninna ko wawar Debleskro koowa. Kau kheer krenn tumer, te well o baro Dewel sharedo.”

1. Familjakro liil 28:10

Doleske de tut jak, o baro Dewel rodas tut win, te kress i kheer leske. Ab sorelo, un kre tut ap i budi!”

1. Familjakro liil 28:20

Un o David penas ap peskro tchaweste, o Salomo: “Ab sorelo, ma traash un kre tut ap i budi! Ma dare tchi un ma traash kekestar! O baro Dewel, maro rai, kai miro Dewel hi, hi pash tute un well tuke ap i rig. Un job mukell tut gar, bis te tu kai tseli budi ap o baro Debleskro kheer kral.

1. Familjakro liil 28:21

Dik, i rashaja un i Levitarja wan jaake khetne lino, har jon khetne budrenn an o Debleskro kheer. Haki budjake hi rashaja un Levitarja koi. Ninna koi tseli wawar budjake ap o kheer hi tut budepangre, kai gosewo hi, un haiwenn pengri budi mishto te krell. Koi pashel hi tut i pralstune mursha un menshe, te krenn le halauter, hoi tu lenge peneh.”

Esra 10:5

Kote stas o Esra pre, un las i sowel i pralstune rashajendar un i Levitarendar un i tsele Israelendar, te krenn le pal kau lab. Un jon dan pen sowel.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Markus 13:34

Kowa hi jaake har pash i mursheste, kai djas ap o them. Job mukas peskro kheer un das peskre budepangren lauter an o wast, hakeneste das lo leskri budi. Un penas ap koleste, kai pash o wudar beshdo hi: De garda ap miro kheer! Ma sob!

Hebrearja 10:24

Das jak jek ap o wawareste, te kamell jek o wawares o djijestar, un te krell hakeno latcho koowa!