Esra 1:3 - O Debleskro Drom 2021 (Sinte)

³ Koon kanna mank tumende leskre menshendar hi, koleha te well peskro Dewel! Un job nai djal pral an o foro Jerusalem an o them Juda, un nai tchiwell o baro Debleskro kheer pre! Kowa hi o Israeleskro Dewel. Un job rodas peske o foro Jerusalem win, te well lo kote an-mangedo.

O Debleskro Lab 2024 (Sinte-Manouche)

³ Koon kanna mank t'mende leskre menshendar hi, koleha te vell peskro Devel! Oun yob nay djal pral an o foro Yerusalem an o them Youda, oun nay čivell o baro Debleskro kheer pre! Kova hi o Israeleskro Devel. Oun yob rodas peske o foro Yerusalem vin, te vell lo kote an-mangedo.

Esra 1:3 ပူးပေါင်းရင်းမြစ်များ

1. Rajengro liil 18:39

Har i tsele menshe kowa dikan, peran le ap pengre muja un dan gole: “O baro Dewel, job hi o Dewel! O baro Dewel, job hi o Dewel!”

1. Rajengro liil 8:23

un penas: Baro Dewel, tu o Dewel pral o Israel, kek dewel hi har tu pral an o bolepen, witar gar tele ap i phub. Tu rikreh tiro lab, hoi tire menshende dal, un hal lenge latches, kolenge, kai djiwenn glan tute pengro tselo djijeha.

1. Familjakro liil 28:20

Un o David penas ap peskro tchaweste, o Salomo: “Ab sorelo, ma traash un kre tut ap i budi! Ma dare tchi un ma traash kekestar! O baro Dewel, maro rai, kai miro Dewel hi, hi pash tute un well tuke ap i rig. Un job mukell tut gar, bis te tu kai tseli budi ap o baro Debleskro kheer kral.

Esra 1:4

Un hakeno, kai pral atchas o Debleskre menshendar, kai lo ninna djiwell an kau them, koleske hunte wenn kolla ap i rig, pash kolende job djiwell, un hunte denn les rup un sonakai un vieche un wawar latcho koowa. Un hoi hakeno pestar kamell te dell, te well o baro Debleskro kheer pre-tchiddo an o foro Jerusalem, kowa hi hakeneskro koowa kokres.

Esra 4:3

Kote penan lenge o Serubbabel un o Jeshua un i familjengre pralstune: “Kowa hi gar mishto, te krenn tumer un mer khetne o Debleskro kheer. Mer kokres kamah o kheer te krell o baro Debleske, kai o Israeleskro Dewel hi. Kowa penas menge jaake o baro rai pral o them Persia, o Kirus.”

Esra 5:13

An o ersto bersh, kai o Kirus o baro rai pral o them Babilonia was, mukas lo te penell, te well kau Debleskro kheer pale pre-tchiddo.

Esra 5:3

An ko tsiro wan mursha pash lende: o Tattenai, ko his o pralstuno pral o them ap i wawar rig o panjestar Eufrat, un o Shetar-Bosnai un lengre mala un penan: “Koon penas tumenge, te tchiwenn kau kheer pale pre un te krenn kal massurja pale newo?”

Esra 6:7

Mukenn o pralstunes i biboldendar un lengre phureden pengri budi te krell ap o Debleskro kheer, te nai tchiwenn le les kote pale pre, kai lo tardo his.

Debleskri gili 132:13

O baro Dewel rodas peske i berga Zion win. Un leske hi shukar te djiwell lo kote.

Debleskri gili 83:18

An ladj un traash ap lende hako tsireske, te merenn le an i ladj.

Jesaja 37:16

“Baro Dewel, tu rai pral o bolepen un i phub, tu hal o Israeleskro Dewel, un hal pral i bolepangre beshdo. Tu kokres hal o Dewel pral i tsele themma ap kai phub. Tu kral o bolepen un i phub.

Jesaja 44:28

Me hom kowa, hoi ap o Kirus penell: “Tu dess garda ap mire menshende har i bakrengro ap peskre bakre.” Un job krell lauter, hoi kamau, te krell lo. Pral o foro Jerusalem penell lo: “Tchiwenn les pale pre!” Un pral o Debleskro baro kheer penell lo: “Tchiwenn leskre barra pale pre!”

Jesaja 45:5

Me hom o baro Dewel un dell kek wawar. Me kokres hom o Dewel. Me dom tut bari soor, ninna te prindjral man gar,

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Daniel 2:47

Un o baro rai penas ap o Daniel: “Tchatchepah tumaro Dewel hi o Dewel pral i tsele debla, un o rai pral i tsele bare raja ap kai phub. Job sikrell kowa, hoi khatedo his un kek djinas. Jaake nai penal tu menge, hoi koi suni kamas te penell.”

Daniel 6:26

Palle mukas o baro rai Darius i liil te tchinell ap i menshende dran hako them un rakepen ap i phub: Bari bacht tumenge!

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Bičepangre 10:36

Job mukas i biboldenge o latcho lab te penell, te hi o Jesus Kristo kowa, kai anell len pash o Debleste. Job hi gar lengro rai kokres, na-a, job hi o rai pral halauter.

5. Mose 32:31

Kolengre debla hi gar har maro Dewel. Kowa djinenn un penenn ninna kolla, kai kuran pen mentsa.

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”