Efesarja 6:5 - O Debleskro Drom 2021 (Sinte)

⁵ Tumer budepangre, kai hunte budrenn tumare rajenge, ap tumende penau: Shunenn ap tumare rajende! Darenn lendar un budrenn lenge, har te budrans o Jesus Kristeske!

O Debleskro Lab 2024 (Sinte-Manouche)

⁵ T'mer boudepangre, kay hounte boudrenn t'mare rayenge, ap t'mende penau: Shounenn ap t'mare rayende! Darenn lendar oun boudrenn lenge, har te boudrans o Yezous Kristeske!

Efesarja 6:5 ပူးပေါင်းရင်းမြစ်များ

1. Mose 16:9

Penas o bolepaskro ap late: “Dja pale pash tiri rani! Un shun ap late!”

1. Familjakro liil 29:17

Miro Dewel, djinau, te dikeh an o dji. Un tuke hi mishto, te hi i menshes i tchatcho dji. Doleske dom tut kawa lauter mandar dran i tchatcho dji, un hom bachtelo te dikau, kai tire menshe, kai kate glan tute tardo hi, tute ninna lauter pendar win dan.

Debleskri gili 123:2

Jaake har i budepaskro ap o wast peskro rajestar dikella, un i budepaskretsa ap i wasta peskri ranjatar dikella, jaake dikah mer ap maro baro Debleste, bis te krell lo menge peskro dji pre.

Debleskri gili 86:11

Baro Dewel, sike man tiro drom, te djap an tiro tchatchepen. Rike miro dji pash tute, te krap, hoi tu kameh!

Maleachi 1:6

O baro Dewel, ko rai pral o bolepen un i phub, penell: I tchawo hunte hadell peskro dades, un i budepaskro hunte dikell pre ap peskro rajeste. Me hom tumaro dad – hoske hadenn man gar? Me hom tumaro rai – hoske dikenn gar pre ap mande? Tumer rashaja, tumer dikenn tele ap mande. Un tumer putchenn: Hoi kram, kai peneh ‘tumer dikan tele ap mande?’

Mateo 6:22

O mensheskro jak hi har i momeli an i kheer. Te dikeh kokres ap o Debleste, hi kowa jaake, har te chatchell koi momeli mishto.

Mateo 6:24

Kek budrell nai dui rajenge. Te wals kowa jaake, budrals lo ko jekeske mishto, un ko wawareske gar mishto. Ko jekes kamals job gar, kol wawares kamals job o djijestar. Tu nai budreh gar o Debleske un rodeh tiro brawlepen.

Mateo 8:9

Jaake har me ninna hunte shunap ap mire pralstunende, jaake hi man ninna lurde, kai hunte krenn, hoi me penau. Me te penau ap jekeste: Dja koi! palle djal lo. Me te penau ap i wawareste: Am kai! palle well lo. Me te penau ap miro budepaskro: Kre kowa! palle krell job kowa.”

Bičepangre 2:46

Hako diwes wan le khetne an o Debleskro baro kheer. Jon chan o maro khetne an i khera. Un jon his bachtelo, te dan jon nai i phralen ninna te chal. Kowa kran le o djijestar.

1. Korintarja 2:3

Un har me pash tumende homs, his kek soor an mande, un man his traash.

1. Korintarja 7:22

Koon i pandlo budepaskro his ap ko tsiro, har o Jesus Kristo les gole das, kowa hi glan leste buder kek pandlo budepaskro. Un koon kek pandlo budepaskro his ap ko tsiro, har o Jesus Kristo les gole das, kowa hi kanna o Jesus Kristeskro budepaskro.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

2. Korintarja 7:15

Kanna hi leskro kamlepen gomme bareder tumenge. Job dikas tumari traash har tumer les pre lan, ninna dikas lo, kai kran tumer lauter, hoi me tumenge penom.

Efesarja 5:22

Tumer djuwja, ma hadenn tumen pral tumare romende! Jaake sikrenn tumer, kai hi o Jesus Kristo tumaro rai.

Efesarja 6:24

O Debleskro latchepen well pral lauterende, kai kamenn maro rajes, o Jesus Kristes, o tselo djijeha! Job dell len o djipen, hoi gar pre-herella!

Filiparja 2:12

Mire kamle phrala un phenja, tumer shunan hako tsiro ap kowa, hoi me tumenge penom, har pash tumende homs, ninna kanna, kai gar pash tumende hom. Me penau tumenge: Krenn lauter, te atchenn ap o Debleskro drom, bis te han pash leste! Shunenn ap o Debleste, un trashenn lestar!

Filemon 1:16

Kanna hi lo tuke buder gar kokres i budepaskro. Na-a. Job hi budeder har kowa. Job hi i latcho phraal. Kowa hi lo mange, un har bud budeder hi lo kowa kanna tuke: Job hi tiro budepaskro un ninna tiro phraal an o patsepen.

Josua 24:14

Un o Josua penas dureder: “Pash halauter, hoi krenn, rikrenn tumenge o baro Debles glan i jaka! Mangenn les an i djudjo un tchatcho djijeha! Tchiwenn i chochene deblen krik, kolen tumare phure an-mangan, har his le ap i wawar rig o panjestar Eufrat un an o them Egiptia. Mangenn kokres o baro Debles an!