Efesarja 6:4 - O Debleskro Drom 2021 (Sinte)

⁴ Tumer dada, ma choirenn tumare tchawen! Penenn lenge, hoi o Dewel lendar kamella, un sikrenn lende, har te djan le ap o Debleskro drom!

O Debleskro Lab 2024 (Sinte-Manouche)

⁴ T'mer dada, ma rhoyrenn t'mare čaven! Penenn lenge, hoy o Devel lendar kamella, oun sikrenn lende, har te djan le ap o Debleskro drom!

Efesarja 6:4 ပူးပေါင်းရင်းမြစ်များ

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

1. Familjakro liil 28:20

Un o David penas ap peskro tchaweste, o Salomo: “Ab sorelo, ma traash un kre tut ap i budi! Ma dare tchi un ma traash kekestar! O baro Dewel, maro rai, kai miro Dewel hi, hi pash tute un well tuke ap i rig. Un job mukell tut gar, bis te tu kai tseli budi ap o baro Debleskro kheer kral.

1. Familjakro liil 29:19

Un miro tchaweste Salomo de i tchatcho dji, te rikrell lo tire laba, un krell, hoi tu lestar kameh, un djiwell pal tiro tchatchepen; te krell job ninna lauter, te well tuke kau kheer kerdo, koleske kau tselo koowa khetne anom.

Gosewe laba 19:18

Tchinge tiro tchaweha jaake rah har job terno hi, un ap tute shunella. De jak, te dess les gar jaake, te merell lo.

Gosewe laba 22:15

Tikne tchawe krenn dinelo koowa. Te chan le dawa, krenn le kowa buder gar.

Gosewe laba 22:6

Sike i tikno tchawes peskro drom, palle djal job gar kolestar krik, ninna te well lo phuro.

Gosewe laba 29:15

Te lell i tchawo i phagi un well leske penlo, hoi lo gar mishto kras, palle well lo gosewo. I tchawo, kai ap peste kokres jak hunte dell, sawo anell ladj ap peskri date.

Gosewe laba 29:17

Sike tiro tchawes soreles, hoi lo gar mishto kras. Palle krell lo tut bachtelo. Un tu hunte ladjess leske gar.

Jesaja 38:19

Kolla, kai djiwenn, awa, i djide hi kolla, kai sharenn tut, jaake har me sharau tut kau diwes. I dada penenn pengre tchawenge, kai tu tiro lab rikreh.

5. Mose 4:9

Denn soreles jak ap tumende, te bistrenn gar – jaake rah har djiwenn, – hoi tumare jakentsa dikan! Un penenn tumare tchawenge un lengre tchawenge,

5. Mose 6:7

un peness len ninna tire tchawenge, te bistrenn le len gar. Rake lendar, te hal khere beshdo, un te djah ap o drom, un te tchiweh tut tele un te steh pale pre.

Kolossarja 3:21

Tumer dada, ma awenn gar jaake chojedo ap tumare tchawen, te darenn le tumendar an o dji!

2. Timoteo 1:5

Dikom tiro patsepen, an koleste kek chochepen hi. Kau patsepen his ninna an tiri mamjate Lois, un an tiri date Eunike. Un me djinau, kai djiwell kau patsepen ninna an tute.

2. Timoteo 3:15

Tu prindjreh o Debleskro lab fun tiknes pre. Un ko lab das tut o goswepen, te hatsal o drom pash o Jesus Kristeste un haiwal, tu hunte patsess ap o Jesus Kristeste, te less ko djipen, hoi gar pre-herella.

Josua 24:15

Hi tumenge gar mishto an tumare jaka, te mangenn o baro Debles an, palle rodenn kau diwes kate win, kones tumer kamenn an-te-mangell: Kol deblen, kolen tumare phure an-mangan, har jon gomme ap i wawar rig o lengsto panjestar his, oder kol chochene deblen, kolen i Amorarja an-mangenn, an kolengro them tumer kanna djiwenn. Me un miro kheer, mer kamah o baro Debles an-te-mangell.”

Čačepangre 13:12

Un o Manoach penas: “Te well kowa jaake, har tu les penal, hoi hunte kras pale leha? Hoi nai krell lo, un hoi nai krell lo gar?”