Efesarja 6:2 - O Debleskro Drom 2021 (Sinte)

^2-3 O Dewel penell menge: Dik ap tiro dadeste un ap tiri date, te djal lenge mishto! Koon kowa krella, koleske djal mishto, un job djiwell i rah djipen ap i phub.

O Debleskro Lab 2024 (Sinte-Manouche)

^2-3 O Devel penell menge: Dik ap tiro dadeste oun ap tiri date, te djal lenge mishto! Koon kova krella, koleske djal mishto, oun yob djivell i rah djipen ap i phoub.

Efesarja 6:2 ပူးပေါင်းရင်းမြစ်များ

2. Mose 20:12

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

Gosewe laba 20:20

Kowa, kai pral peskro dades un peskri date bibacht win rakrell, koleske djal har jek, koleskri momeli win djal an i kali rat.

Jeremia 35:18

I menshenge dran o kheer Rechab penas o Jeremia: Kawa penell o baro Dewel, ko rai pral o bolepen un i phub, kai o Israeleskro Dewel hi: Tumer shunan ap tumaro dadeste Jonadab, un rikran tumen ap leskre tsele laba, un kran halauter jaake, har job tumenge penas,

Jeremia 35:7

witar gar tchiwenn tumenge khera pre, tchiwenn kek djob an i phub, witar gar drakengre ruka. Tumen hunte well kek drakengro them. An plachtene khera hunte djiwenn tumer tumaro tselo djipen, te djiwenn i lengsto djipen an kau them, an koleste tumer trujel djan.

Ezekiel 22:7

Kolla, kai an Jerusalem djiwenn, dikenn tele ap pengro dadeste un ap pengri date, un chochenn i wi-themarjen, kai pash lende djiwenn. Un kol djuwjen, kolengro rom meras, un kol tchawen, kolengro dad meras, kolen rikrenn le sorjah tele.

Maleachi 1:6

O baro Dewel, ko rai pral o bolepen un i phub, penell: I tchawo hunte hadell peskro dades, un i budepaskro hunte dikell pre ap peskro rajeste. Me hom tumaro dad – hoske hadenn man gar? Me hom tumaro rai – hoske dikenn gar pre ap mande? Tumer rashaja, tumer dikenn tele ap mande. Un tumer putchenn: Hoi kram, kai peneh ‘tumer dikan tele ap mande?’

Remarja 13:7

Denn hakeneste kowa, hoi leske hi: themeskre lowe, ninna wawar lowe, hoi jon tumendar mangenna. Shunenn ap kolende, kai hi len penepaske, un dikenn pre ap lende!

5. Mose 27:16

“Praassedo well kowa, hoi ap peskro dadeste un peskri date tele dikell!” Un i tsele menshe hunte penenn: Amen!

5. Mose 5:16

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

1. Timoteo 5:4

Te hi kol djuwjen tchawe, tchawengre tchawe, hunte wenn kolla lenge koi. Jaake sikrenn jon, te patsenn le ap o Debleste. Un jon parkrenn pen pash pengri dai un pengri mami, hoi kolla lenge lauter kran. Kowa hi mishto glan o Debleskre jaka.