Efesarja 6:11 - O Debleskro Drom 2021 (Sinte)

¹¹ O beng kamell tumen an peskro wast te lell. Doleske riwenn kol koola ap tumende, hoi dell o Dewel tumende, te atchenn nai soreles tardo an o kurepen o bengeha!

O Debleskro Lab 2024 (Sinte-Manouche)

¹¹ O beng kamell t'men an peskro vast te lell. Doleske rivenn kol koola ap t'mende, hoy dell o Devel t'mende, te ačenn nay zoreles tardo an o kourepen o bengeha!

Efesarja 6:11 ပူးပေါင်းရင်းမြစ်များ

Nehemia 4:13

Un me penom ap i pralstunende un tchatchepangre murshende un ap lauterende, kai kote his: “Hi gomme bud budi te krell, un hakeno mendar hi tardo ap i massuri dur krik o wawarestar.

Markus 13:22

Chochene mursha wenna un penenna ap tumende: Me hom o Kristo. Un i chochene rakepangre penenna: Me wom o Deblestar bitchedo. Un jon krenna baro un sorelo koowa, hoi i mensho nashte krell gar dran peskri soor. Te djals kowa, anans le kolen o Debleskro dromestar tele, kolen o Dewel peske win rodas.

Remarja 13:12

Kau tsiro kanna hi har i rati. Sik hi i rati buder gar kai. Un o diwes wella. Dran kowa djiwas gar har i menshe, kai djiwenn an i rati. Te kras buder gar tchilatcho koowa! Kanna hunte kras mer kowa, hoi mishto hi, te well o tchilatchepen gar o rai pral mende.

Remarja 13:14

Djiwas jaake har maro rai, o Jesus Kristo, djiwas! Te kamell o djungelo koowa an tumaro shero te well, palle penenn: Na-a!

1. Korintarja 10:13

Della sawo koowa, hoi kamell tumen o Debleskro dromestar tele te anell. Dikenn, sawo koowa was ninna ap wawar menshende. Te well pharo koowa ap tumende, dell o Dewel tumen koi soor, te nai hidjrenn kowa. Job hatsell i drom, te wenn pale kote win.

2. Korintarja 10:4

An maro budi o Debleske lah mer kek charo an o wast, har i menshe ap kai phub krenna. Na-a, o Dewel dell men i soor, te nai rakras jaake kol menshentsa, kai chocheno koowa pral leste patsenna, te dikenn le, kai kowa, hoi jon jaake rah patsan, tchi moldo hi.

2. Korintarja 11:3

Me darau, te was wawar koowa an tumaro shero, un tumer djiwenn buder gar djudjes un kokres o Jesus Kristeske. Me darau, te djas tumenge har i Evake, har o gosewo sap chochras lat, un joi mukas o tchatcho drom.

2. Korintarja 2:11

Me kamau gar te taprell men o beng. Mer djinah mishto, hoi koles hi an leskro shero.

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

2. Korintarja 6:7

Mer penah i menshenge o Debleskro tchatchepen un rakrah dran leskri soor. Kowa, hoi krah un rakrah, hi tchatcho. Jaake hi maro djipen un maro rakepen har i charo, koleha i kurepaskro kurell pes peskro rajeske.

Efesarja 4:14

Palle ham buder gar har tikne tchawe, kai lauter patsenna, kau diwes jaake un ko wawar diwes wawartchandes. Un mer shunah buder gar ap kolende, kai chochenna, un kamenn men o tchatcho dromestar tele te anell.

Efesarja 4:24

Djiwenn kanna o newo djipen, hoi tumen o Dewel das! Palle han tumer an o tchatchepen tardo, un han tchatchepah leske koi.

Efesarja 6:13

Doleske riwenn kol koola ap tumende, hoi dell tumen o Dewel, te kurenn tumen mishto ap ko diwes, kai well o beng ap tumende. Palle han sorleder har job, un atchenn soreles tardo.

Kolossarja 3:10

Djiwenn kanna o newo djipen! Mukenn tumen o Deblestar bud un budeder newes te krell, jaake te prindjrenn o Debles feteder un djinenn, hoi job kamella! Palle wenn tumer jaake har job, kai tumen o newo djipen das.

1. Tessalonikarja 5:8

Mer djiwah ap o diwes. Doleske das jak, har te djiwas! Jaake har i kurepaskro riwell i sasterno gad ap peste, te nai dukrell les kek, jaake riwas mer o patsepen un o kamlepen ap mende har i ripen. I kurepaskro tchiwell ninna i sasterni stadi ap peskro shero, te dukrell les kek ap leskro shero. Jaake nai dukrell men kek, te dikah mer ap o Jesus Kristeste, un djinah soreles, te lell men o Jesus Kristo dran o tchilatchepen un o merepen win.

Hebrearja 7:25

Doleske nai krell lo, te djal kek kolendar nashedo, koon job pash o Debleste anas. Job djiwell hako tsireske, un mangell o Debles lenge.

Jakobo 4:7

Doleske, shunenn ap o Debleste! Krenn lauter, hoi job kamella! Ma krenn, hoi o beng kamella! Jaake nashell o beng tumendar.

1. Petro 5:8

Denn garda, un awenn gar khino! O beng kamell tumen te marell. Un job djal trujel har i diwji bari margodja, hoi hi lat bok, un rodella, kones joi nai chal pre.

Judas 1:24

Maro Debles hi i soor, te rikrell lo tumen ap leskro drom, te hatsell lo kek doosh ap tumende ap ko diwes, kai han glan leste tardo, un dikenn leskro railepen, un han bachteles.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.

Debleskro tsiro 2:24

Tumer wawar patsle an o foro Tiatira, kai gar pal kol chochene laba djiwan, un ko bengeskro drom gar prindjrenna, ap tumende penau me: Me penau tumenge tchi wawar koowa, hoi tumer hunte krenna,