Efesarja 6:10 - O Debleskro Drom 2021 (Sinte)

¹⁰ Ninna kamau tumenge te penell: Awenn soreles an o patsepen ap o rajeste, o Jesuseste! Les hi i bari soor tumenge.

O Debleskro Lab 2024 (Sinte-Manouche)

¹⁰ Ninna kamau t'menge te penell: Avenn zoreles an o patsepen ap o rayeste, o Yezouseste! Les hi i bari zoor t'menge.

Efesarja 6:10 ပူးပေါင်းရင်းမြစ်များ

1. Familjakro liil 28:10

Doleske de tut jak, o baro Dewel rodas tut win, te kress i kheer leske. Ab sorelo, un kre tut ap i budi!”

1. Familjakro liil 28:20

Un o David penas ap peskro tchaweste, o Salomo: “Ab sorelo, ma traash un kre tut ap i budi! Ma dare tchi un ma traash kekestar! O baro Dewel, maro rai, kai miro Dewel hi, hi pash tute un well tuke ap i rig. Un job mukell tut gar, bis te tu kai tseli budi ap o baro Debleskro kheer kral.

2. Familjakro liil 15:7

Tumer, awenn sorelo, ma mukenn tumen daar te krell! O baro Dewel plaissrell tumen koleske, hoi krenn!”

Debleskri gili 138:3

Ap ko diwes, hoi me ap tute gole dom, shunal tu man, un dal man pale bari soor.

Jesaja 40:28

Haiwan tumer gar? Shunan tumer gar? O baro Dewel hi i Dewel kai atchell hako tsireske. Job kras i tseli phub. Khino well lo gar, un lestar djal i soor gar krik. Leskro goswepen hi jaake baro, te nai hatsell les kek win.

Jesaja 40:31

Kolla, kai ap o baro Debleste dikenn, lenn newi soor. Jon hadenn pen har bare tchirkle hadenn pen pengre mussjentsa. Jon nashenn un lengri soor djal gar krik. Jon djan trujel un wenn gar khino.

Haggai 2:4

Kanna penell tumenge o baro Dewel: Awenn soreles, tu, Serubbabel, un tu Jeshua, un tumer halauter, un budrenn! Me hom tumentsa, penell o baro Dewel, ko rai pral o bolepen un i phub.

Zakarie 8:13

Tumer menshe dran o them Juda un dran o them Israel, hans i menshenge an wawar themma har menshe, ap kolende i bibacht tchiddo hi. Kanna krau tumentsa jaake, te dikenn le miri bacht ap tumende. Doleske ma darenn! Krenn tumare wasta soreles!”

Zakarie 8:9

Kowa penell o baro Dewel, ko rai pral o bolepen un i phub: “Krenn tumare wasta soreles, tumer, kai kanna shunenn kal emlige laba, hoi mire rakepangre penan an ko tsiro, kai i telstune barra pre-tchiddo wan miro newo khereske!

1. Korintarja 16:13

Denn garda, te atchenn an o patsepen! Ma trashenn! Atchenn soreles!

2. Korintarja 13:11

Kanna, mire phrala, awenn bachteles, un awenn pale pale ap o tchatcho drom! Shunenn ap kol laba, hoi me tumenge penom. Rikrenn khetne un tchingrenn tumen gar! Un o Dewel, kai dell kamlepen un bacht an o dji, well tumentsa!

Efesarja 1:19

Un me mangau lestar ninna, te haiwenn tumer, har bari leskri soor hi, hoi an mende hi, kai patsah. Koi soor hi i emligi bari soor,

Efesarja 3:16

Un leskri soor hi bari. Doleske mangau lestar, te krell leskro Ducho tumare djia soreles.

5. Mose 31:23

Un o baro Dewel penas ap o Josua, koleskro dad o Nun his: “Ab sorelo un ma traash! Tu aness i Israelitarjen an ko them, koleske me man sowel dom, te anau len koi. Un me kamau tuha te well.”

Filiparja 3:1

Mire phrala, awenn bachtelo, kai tumer ap o rajeste, o Jesuseste, patsenn! Me wau gar khino, te tchinap tumenge pale te pale ko emligo koowa, te wenn tumer soreles an o dji.

Filiparja 4:13

O Jesus Kristo dell man i soor, te djiwap jaake te jaake.

Filiparja 4:8

Pale penau tumenge, mire phrala, rakrenn pral kowa, hoi latcho un tchatcho hi, hoi djudjo hi, hoi kamlo hi, hoi mishto hi pash i menshende! Awa, rakrenn pral lauter kowa, hoi shukar hi un well sharedo!

Kolossarja 1:11

Lestar mangah, te dell lo tumen peskri bari soor, te wenn tumare djia soreles, te djan bachteles dureder ap leskro drom, ninna an ko tsiro, kai hi tumaro djipen pharo.

2. Timoteo 2:1

Tu, miro tchawo Timoteo, wess soreles an o patsepen! O Jesus Kristo dell tut koi soor.

2. Timoteo 4:17

O rai Jesus his ap miri rig, un das man i soor, te nai penap kote o tselo latcho lab lestar, jaake te shunan les ninna kolla, kai hi kek bibolde. Un job las man jaake dran lengre wasta win, har te woms dran i leweskro mui win lino.

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”

1. Petro 3:8

Ap tumende lauterende penau: Rikrenn khetne! Hakenes te well i dji o wawareske! Tumer lauter han phrala un phenja. Awenn latches jek ap o wawareste! Ma krenn tumen bares!

1. Petro 4:11

Das tut o Dewel gole, te rakress o Debleskro lab, palle rake o Debleskro lab! Das tut o Dewel i soor, te budress i patslenge, palle kre kowa an o Debleskri soor! Jaake sharah mer o Debles an halauter, hoi o Jesus Kristo men das. Les hi o railepen un i soor kanna un hako tsiro. Amen!

1. Petro 5:10

I tikno tsiro well pharo koowa ap tumende. An kau tsiro lenn tumer i soor, te atchenn ap o Debleskro drom. O Dewel, kolestar well o tselo latchepen, job das tumen gole, te djiwenn hako tsiro khetne o Jesus Kristeha un lenn leskro railepen. Job dell tumen ninna i soor, te atchenn soreles an o patsepen un an o djipen.

1. Johanni 2:14

Tchowale, tumenge tchinom kau lab, te bistrenn gar, kai hi o Dewel tumaro dad. Phure murshale, tumenge tchinom kau lab, te bistrenn gar o Jesuses, kai hako tsiro koi hi. Terne murshale, tumenge tchinom kau lab, te han tumer soreles. Un o Debleskro lab atchell an tumende. Un tumer kran gar, hoi o beng tumendar kamas.

1. Samuel 23:16

Kote kras pes o Sauleskro tchawo, o Jonatan, ap o drom, un djas pash o David pre an Horesha, un kras leskro dji sorelo an o patsepen ap o Debleste.