Efesarja 6:1 - O Debleskro Drom 2021 (Sinte)

¹ Tumer tchawe, shunenn ap tumaro dadeste un ap tumari date! Kowa hi mishto glan o Debleste.

O Debleskro Lab 2024 (Sinte-Manouche)

¹ T'mer čave, shounenn ap t'maro dadeste oun ap t'mari date! Kova hi mishto glan o Debleste.

Efesarja 6:1 ပူးပေါင်းရင်းမြစ်များ

1. Mose 28:7

Job dikas ninna, kai o Jakob shunas ap peskro dadeste un ap peskri date un djas an o them Paddan-Aram.

1. Mose 37:13

Un o Israel penas ap o Josefeste: “Tire phrala denn garda ap i bakrende pash o foro Sichem. Kamau te bitchrap tut pash lende.” “Mishto”, penas o Josef, “me krau, hoi peneh.”

1. Mose 48:12

Un o Josef las len lestar krik un witsras pes glan leste tele, peskro mui ap i phub.

1. Mose 50:12

Un o Jakobeskre tchawe kran leha jaake, har o Jakob lenge penas.

Nehemia 9:13

Un ap i berga Sinai wal tu tele, un dran o bolepen rakral tu lentsa. Un tu penal lenge tchatchepaskre laba, hoi mishto hi, un sikral len tchatche dromma, un dal len latche laba, hoi penan lenge, hoi te krenn le.

Ester 2:20

I Ester shunas ap o Mordekai jaake har an ko tsiro, har joi gomme pash leste his. Un jaake har lo lake penas, penas li gar dran hawo them un hawe menshendar joi hi.

Hiob 33:27

Ko mensho giwell palle glan i menshende un penell: “Me lom doosh ap mande, un rissrom mange o tchatchepen jaake har me kamom. Un miro Dewel mukas kowa gar ap miro shero pale te well.

Debleskri gili 119:128

Tire tsele laba, hoi menge penal, hi mange mishto. Kamau tchi te djinell i chocheno dromestar.

Debleskri gili 119:75

Baro Dewel, me djinau, tu te deh i phagi, djah tu pal o tchatchepen. Tuke his tchatcho har dal man i phagi.

Debleskri gili 19:8

O baro Debleskre laba hi lauter tchatcho un krenn mare djia sorelo. O baro Debleskro rakepen hi latcho, un krell i dinelen gosewo.

Gosewe laba 1:8

Miro tchawo, shun ap i laba, hoi tiro dad tuke penell! De jak ap kowa, hoi tiri dai tutar kamell!

Gosewe laba 23:22

Shun ap tiro dadeste un tiri date! Jon dan tut o djipen. Ma dik tele ap lende, te wan le phuro.

Gosewe laba 30:11

Hi menshe koi, kai rakrenn pral pengro dad bibacht win, un penenn kek latcho lab pral pengri date.

Gosewe laba 30:17

Kowa, kai praassell peskro dades, un kamell gar ap peskri date te shunell, koleske hunte dens i korake i jaka win, un i bare tchirkle hunte chans len.

Gosewe laba 6:20

Miro tchawo, rike tut ap i laba tiro dadestar! Ma biste ko drom, hoi tiri dai tute sikras.

Jeremia 35:14

Kol laba, hoi penas o Jonadab, koleskro dad o Rechab his, peskre menshenge, kai pal leste wenna, rikrenn jon dren bis ap kau diwes, un pijenn kek mool, jaake har lengro dad lenge penas. Me mukom tumenge pale te pale mire laba te penell, un tumer shunenn gar, hoi me penau.

Jeremia 35:18

I menshenge dran o kheer Rechab penas o Jeremia: Kawa penell o baro Dewel, ko rai pral o bolepen un i phub, kai o Israeleskro Dewel hi: Tumer shunan ap tumaro dadeste Jonadab, un rikran tumen ap leskre tsele laba, un kran halauter jaake, har job tumenge penas,

Jeremia 35:8

Jaake shunam ap o rakepen maro dadestar Jonadab an halauter, hoi job menge penas, te pijas kek mool maro tselo djipen, mer gar, mare romja witar gar, un mare tchawe un tcha witar gar.

Hosea 14:9

Palle penell o Efrajim ap mande: Hoi te krap kanna i mule deblentsa? Me shunau un dikau ap tute. Me hom har i baro senelo ruk. Kowa, hoi ap mande bares well, well tutar.

3. Mose 19:3

Hakeno tumendar hunte dikell pre ap peskri date un ap peskro dadeste, un hunte rikrell o Debleskro diwes! Me, o baro Dewel, hom tumaro Dewel.

Louka 2:51

Palle djas lo lentsa pale an o foro Nazaret, un kras lauter, hoi jon penan leske. Leskri dai rikras kol tsele laba, hoi o Jesus penas, an peskro dji.

Remarja 12:2

I menshe ap kai phub djiwenn pal pengro shero. Ma djiwenn jaake har jon! Mukenn tumen o Deblestar newes te krell, te haiwenn tumer, hoi job kamella: kowa, hoi hi latcho un mishto un tchatcho.

Remarja 7:12

Mer djinah: O Moseskre laba wenna o Deblestar. Lauter, hoi job mendar kamella, well lestar, un hi tchatcho un latcho.

1. Korintarja 15:58

Doleske, mire kamle phrala, atchenn soreles an o patsepen! Ma mukenn tumen kekestar o Debleskro dromestar tele te anell! Awenn hako tsiro o Debleske koi, un budrenn leske mishto! Tumer djinenna: Kai budi, hoi leske krenna, hi gar tchitcheske.

5. Mose 21:18

Te hi i romes i mursh tchawo, kai hi bipandlo, un krell halauter pal peskro shero un shunell gar ap peskro dadeste un peskri date, ninna te tchingrenn le ap leste un denn les dawa,

1. Timoteo 5:4

Te hi kol djuwjen tchawe, tchawengre tchawe, hunte wenn kolla lenge koi. Jaake sikrenn jon, te patsenn le ap o Debleste. Un jon parkrenn pen pash pengri dai un pengri mami, hoi kolla lenge lauter kran. Kowa hi mishto glan o Debleskre jaka.

1. Petro 2:13

Shunenn ap kowa, hoi kol pralstune ap kai phub penenna! Kowa kamell o Dewel, maro rai, jaake. Shunenn ap o baro rajeste pral o them!

Ruth 3:5

Un joi penas: “Lauter, hoi tu penal, kamau me te krell.”

1. Samuel 17:20

Kote stas o David sik taissarlakro pre, un mukas i wawares ap i bakre jak te dell. Un las ko tselo chapen peha, un djas koi, jaake har o Isai leske penas. Un was pash koi lurdengri platsa ap ko tsiro, har i tsele lurde win djan hakeno ap peskri platsa o marepaske. Un jon dan i bari kurepaskri gole.