Efesarja 5:7 - O Debleskro Drom 2021 (Sinte)

⁷ Rikrenn tumen kolendar pale, kai kowa lauter krenna!

O Debleskro Lab 2024 (Sinte-Manouche)

⁷ Rikrenn t'men kolendar pale, kay kova lauter krenna!

Efesarja 5:7 ပူးပေါင်းရင်းမြစ်များ

Debleskri gili 50:18

Hako kopo, kai dikeh tu i tchorepaskres, kreh tu tut leskro maal, un hal beshdo khetne kolentsa, kai djan i wawar romjentsa.

Gosewe laba 13:20

Kowa, kai khetne hi kolentsa, kai gosewo hi, kowa well ninna gosewo. Kowa kai i maal hi i dinelentsa, kowa well bibachtelo.

Gosewe laba 9:6

Ma dja kolentsa, kolen tchi an o shero hi! Palle djiweh. Dja kolentsa, kai gosewe hi!

4. Mose 16:26

Un job penas ap i tsele menshende: “Djan krik kol plachtene kherendar kol menshendar, kai shunenn gar ap o Debleste! Un taprenn ap tchi, hoi len hi, te merenn tumer gar ap ko tselo tchilatcho koowa, hoi jon kran!”

2. Korintarja 6:14

Ma tchiwenn tumen khetne kolentsa, kai patsenn gar ap o Jesus Kristeste. Kolla, kai djiwenn an o tchatchepen un kolla, kai djiwenn gar an o tchatchepen, nai djiwenn gar khetne. O diwes un i rati nai wenn gar khetne. Jaake nai well o latchepen un o tchilatchepen witar gar khetne.

Efesarja 3:6

Job sikras len, te nai wenn ninna kolla o Debleskre tchawe, kai kek bibolde hi, te djiwenn le leha khetne. O latcho lab o Jesus Kristestar hi ninna lenge, jaake har o Dewel glan i rah tsiro penas.

Efesarja 5:11

Ma djan ap o tchilatcho drom kolentsa, kai krenna, hoi tchi moldo un tchilatcho hi! Sike lende, har tchilatcho kowa hi!

1. Timoteo 5:22

Ma tchip sik tire wasta ap jekeste pre! De jak, te well i doosh i wawarestar gar ap tute! Rike tiro dji djudjo!

Debleskro tsiro 18:4

Un me shunom, har jek wawar dran o bolepen rakras un penas: “Mire menshe! Djan dran ko foro win, te lenn tumer gar leskri doosh un leskri bibacht ap tumende!