Efesarja 5:3 - O Debleskro Drom 2021 (Sinte)

³ Tumer han o Debleskre menshe. Doleske krenn kek wi-ladjedo un djungelo koowa! Nashenn witar gar pal i lowe! Hi gar mishto, te well pral sawo koowa mank tumende rakedo!

O Debleskro Lab 2024 (Sinte-Manouche)

³ T'mer han o Debleskre menshe. Doleske krenn kek vi-ladjedo oun djoungelo koova! Nashenn vitar gar pal i love! Hi gar mishto, te vell pral savo koova mank t'mende rakedo!

Efesarja 5:3 ပူးပေါင်းရင်းမြစ်များ

Debleskri gili 10:3

Job sharell pes pral kowa, hoi lo kamell te krell. Un kowa, kai i meen gar pherdo lell, praassella o baro Debles un sal pral leste.

Debleskri gili 119:36

Kre te dikap ap tire laba, hoi mange sikrenn, har te djiwap, un dikap gar ap o brawlepen!

2. Mose 18:21

Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

2. Mose 20:17

Ma rode, har nai less tu kowa tuke, hoi i wawares hi: leskro kheer, leskri romni, budepaskro, budepaskretsa, grumni, burika, tchi, hoi i wawares hi.

2. Mose 23:13

Denn jak un rikrenn ap lauter, hoi me tumenge penom! Ma mangenn wawar deblen an! Lengre laba hunte wenn gar dran tumare muja win!

Gosewe laba 28:16

I rai, kai haiwell gar mishto peskre menshentsa trujel te djal, krell bud doosh. Koles, kai kamell gar chochepah braweles te well, koles well i lengsto djipen.

Jeremia 22:17

Jojakim, tire jaka un tiro dji dikenn ap tchi wawares, har te wess brawleder tiro chochepah. Tu mareh kolen, kai kek tchilatchepen kran, un rikreh i menshen sorjah un dawentsa tele.

Jeremia 6:13

Kol baren un kol tiknen hi bok ap brawlepen, hoi gar lengro hi. Un o Debleskre rakepangre un i rashaja chochenn i menshen,

Jeremia 8:10

Lengre djuwjen dau wawar murshende. Un lengre kotja them dau kolende, kai tradan len krik. Halauter, tikne un bare, chochenna, te wenn le brawelo. Ninna i Debleskre rakepangre un rashaja chochenn i menshen,

Ezekiel 33:31

Un jon wenn pash tute jaake, har menshe khetne wenn, un beshenn pen pash tute, un shunenn, hoi peneh. Kowa, hoi penal, krenn le gar. Pengre mujentsa penenn le, te kamenn le man. Lengro dji djal koleske palla, har le bud lowe nai krenn.

3. Mose 15:18

Te sowell i mursh i djuwjah, un leske djal jek tele, hunte thowenn pen kol dui, un hi pale-tchiddo, bis te well rati.

Micha 2:2

Kamenn le jekeskro kotar phub, randenn le les, un lenn penge khera wawar menshendar, har jon kamenna. Tchilatchi sorjah djan le ap jekeste, un lenn penge leskro kheer un kowa, hoi les peskro dadestar was.

4. Mose 25:1

Un i Israelitarjen his pengre plachtene khera pash o foro Shittim. Kote mukan pen i mursha dren kol tchentsa dran o them Moab.

Mateo 15:19

Dran o mensheskro dji well o tchilatcho koowa, hoi an leskro shero trujel djal. Dran leskro dji well, te dell lo i wawares mulo. Te chochell i mursh peskri romjat, well kowa dran leskro dji. Te chochell i djuwel peskro romes, well kowa dran lakro dji. Dran o dji wella o wi-ladjedo koowa, o tchorepen, o chochepen, un o praassepen.

Louka 12:15

Palle penas o Jesus ap kolende, kai trul leste tardo hi: “Denn garda! Ma nashenn bud brawlepen palla! O tselo brawlepen, hoi i mensho khetne anas, krell o mensheskro djipen gar braweles.”

Louka 16:14

Kol Farisarja shunan kowa lauter. Jon his pal i lowe, un jon san pral o Jesuseste.

Bičepangre 15:20

Mer tchinah lenge i liil, un penah lenge, te chan le kek mass, hoi was glan i figura anlo, hoi i menshe an-mangenn, har te wals li o Dewel; te sowenn i mursha gar wawar djuwjentsa, witar gar i djuwja wawar murshentsa; te chan le kek mass i viechendar, kai o rat gar win nashas, te pijenn le lendar witar kek rat.

Bičepangre 20:33

Tumer djinenna: Me mangom kekestar tumendar tchomone: kek sonakai, kek rup, kek an-ripaske. Mire wastentsa budrom, te well man un kolen, kai pash mande hi, te chal.

Remarja 1:29

Jon hi pherdo tchilatchepen, djunglepen, ninna bok pal i lowe. Jon hi tchilatcho un silwerenn, tchingrenn, chochenn, marenn, un dukrenn i wawaren. Jon rakrenn djungeles pral i wawarende,

Remarja 6:13

Denn jak, te krenn tchi tumare wastentsa, herjentsa, jakentsa un mujentsa, hoi krell o tchilatchepen ap kai phub sorleder! Djiwenn o tselo djijeha o Debleske, har sawe, kai his mulo, un wan pale djido. Krenn kowa lauter, hoi krell o latchepen sorleder!

1. Korintarja 10:8

Mer te lubras witar gar trujel. Mank kolende his sawe, kai kran kowa, un lendar meran biish-te-triin serja menshe ap jek diwes.

1. Korintarja 5:1

Me shunom, te hi pash tumende i mursh, kai peskri dadeskri romjah sowella. Sawo tchilatcho koowa shunom me gomme gar pash kolende, kai gar patslo hi.

1. Korintarja 6:13

O chapen hi koi, te djal lo an o per. Un o per hi o chapaske koi. Well jek diwes, kai krell o Dewel, te hi o chapen un o per buder gar koi. O Dewel kras men gar, te lubras mer trujel. Mer ham koi o Jesuseske, maro rajeske. Un job hi ninna o rai pral maro mass.

1. Korintarja 6:18

Doleske penau tumenge: Ma lubrenn trujel! Te kreh tu sawo koowa, tchineh tu tuke kokres an o mass. Hako wawar tchilatchepen kreh tu ap i wawarende. Te lubreh trujel, kreh tu o tchilatchepen ap tute.

2. Korintarja 12:21

Me trashau te ladjap man tumenge glan o Debleste ap ko diwes, kai wau pale pash tumende, un te well mange ropaske pral budende, kai kamenn pengro phuro djipen gar pre te dell, un djiwenn an djungelo un wi-ladjedo koowa un lubrenn pen trujel jaake har kran le an ko tsiro, har jon gomme gar patslo his.

Efesarja 5:12

Kowa, hoi jon tchorchanes krenna, hi jaake djungelo, te hunte ladjell kowa pes, kai kolestar rakrella.

Efesarja 5:5

Tumer hunte djinenn: An o bolepen, kai hi o Jesus Kristo un o Dewel i raja, kote wenn kek mursha dren, kai sowenn wawar djuwjentsa, witar kek djuwja, kai sowenn wawar murshentsa, witar kek, kai krell djungelo koowa, witar kek, kai nashell pal i lowe. Kowa, kai nashell pal i lowe, koleske hi o brawlepen peskro dewel.

Filiparja 1:27

Kanna, krenn lauter, te djan jaake ap o Jesuseskro drom, har kowa tumende siklo was! Krenn kowa ninna, te hom gar pash tumende! Te dikau tumen gar, kamaus te shunap, te rikrenn tumer lauter khetne an o patsepen, un te krenn i tseli sorjah lauter, te well o patsepen ap o Jesus Kristeste sorelo pash tumende.

Kolossarja 3:5

Ma krenn buder kowa, hoi kran an tumaro phuro djipen: Ma lubrenn trujel! Ma krenn djungelo un wi-ladjedo koowa! Ma mukenn tchilatcho koowa an tumaro shero trujel te djal! Ma nashenn pal i lowe! Koon pal i lowe nashella, koleske hi peskre lowe har leskro dewel.

1. Tessalonikarja 4:3

O Dewel kamell, te djiwenn tumer i djudjo djipen, te sowell kek rom i djuwjah khetne, kai hi gar peskri romni, un kek djuwel i mursheha, kai hi gar peskro rom.

1. Tessalonikarja 4:7

O Dewel das men gole, te djiwas i djudjo djipen. Job das men gar gole, te kras djungelo koowa.

1. Timoteo 2:10

Lakro shukapen sikrell pes an ko latcho koowa, hoi joi krella. Jaake hi kowa pash kol djuwjende, kai ap o Debleste patsenna.

1. Timoteo 3:3

Job hi kek pipaskro. Job hi kek marepaskro. Les hi i baro dji i wawarenge. Job hi kek tchingepaskro. Job hi gar pal i lowe.

1. Timoteo 6:10

Koon pal i lowe hi, perell an hako tchilatchepen. His menshe koi, kai kaman i lowe jaake bud, kai peran le o Debleskro dromestar tele, un dukran pen kokres.

2. Timoteo 3:2

An ko pharo tsiro dikenn i menshe ap pende, te djal lenge kokres mishto. Jon hi pal i lowe. Jon krenn pen bares. Jon dikenn tele ap i wawarende. Jon rakrenn djungeles pral o Debleste. Jon shunenn gar ap pengro dadeste un ap pengri date. Jon parkrenn pen gar ko latchepaske, hoi i wawar lenge kras. Jon djiwenn jaake, har te dals kek Dewel.

Tito 1:11

Tu pandess lengro mui! Jon sikrenn i menshende i drom, hoi gar tchatcho hi. Kowa krenn le, te well len budeder lowe. Jaake djinenn tsele familje buder gar, hoi te patsenna.

Tito 1:7

I pralstuno pral o Debleskro kheer hunte djiwell jaake, te dikell kek i tchilatcho koowa ap leste. Job djal gar pal peskro shero, un well gar sik chojemen! Job well kek pipaskro un kek tchingepaskro! Job nashell gar pal i lowe!

Tito 2:3

Pen i phure djuwjenge, te djiwenn le jaake, har o Debleskre tchawe djiwenna, te rakrenn le gar djungeles pral i wawarende, te pijenn le pen gar mato! Jon hunte sikrenn i wawaren, hoi latcho hi.

Hebrearja 12:16

Denn garda, te krell kek tumendar wi-ladjedo koowa, witar gar, te djiwell jek har o Esau, koleske o Debleskro latchepen tchi moldo his! Job his o phureder tchawo, un les hi o tchatchepen, te lell lo peskro dadeskro brawlepen pal koleskro merepen. Was i diwes, kai was les bok, un job bikras ko tchatchepen, te lell lo i tcharo latcho chapen.

Josua 7:21

Mank ko tselo koowa, hoi lam lendar, dikom i shukar plaashka dran o them Shinar, un 200 (dui-sheel) rupeni kotja un i baro lengsto sonakaskro kotar, hoi jek paash kilo phares hi. Un me nai rikrom man gar pale un lom kowa. Un halauter hi an miro plachteno kheer, an i phub khatemen. Un o rup hi tel o wawar.”

1. Petro 5:2

Denn garda ap i patslende, kai o Dewel peske khetne anas! Tumer han har i bakrengre. Un o Debleskre tchawe hi har bakre, hoi o Dewel an tumare wasta das. Denn len kowa, hoi len hunte wella, te atchell lengro patsepen djido! Krenn kowa o tselo djijestar! Jaake kamell les o Dewel. Krenn kowa gar, har te wals i phari budi, hoi hunte krenn! Krenn koi budi dran o kamlepen un gar, te wenn tumer plaissedo!

2. Petro 2:10

Palle well i phagi soreles pral kolende, kai djiwan i fullo djipen, un kaman kek rajes pral pende. Kolla chochene sikepangre hi pre-phurdo, un krenn pen bares. Jon darenn gar, te rakrenn le djungeles pral kolende, kai hi an o bolepen.

2. Petro 2:14

An lengre jaka dikeh, kai dikenn le pal haki djuwjate. Hako tsiro hi len bok pal tchilatcho koowa. Un jon anenn kolen o tchatcho dromestar tele, kai hi gar sorelo an o patsepen. Lengro dji hi pherdi bok pal i lowe. Praassedo hi le!

2. Petro 2:3

Kol chochene sikepangre kamenn tumen chochene labentsa ap pengri rig te anell, te lenn le lowe tumendar. O Debleskri choli well tchatchepah pral lende, un lengri bibacht wella sik.

Debleskro tsiro 2:14

I tikno koowa pash tumende hi gar mishto. Mashkral tumende hi sawe menshe, kai djan ap ko drom, koles o Bileam glan i rah tsiro i menshende sikras. Job sikras o baro rajeste pral o them Moab, – leskro lab his Balak, – har te anell lo nai i Israelitarja ap i tchilatcho drom. Jaake chan i Israelitarja ko mass kol viechendar, hoi kol wawar menshe glan pengro debleste anan. Ninna djan le pash wawar djuwjende.

Debleskro tsiro 2:21

Me dom lat tsiro, te nai mukell li peskro tchilatcho drom. Un joi kamell gar peskro djungelo koowa te mukell.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.

Debleskro tsiro 9:21

Un jon mukan gar pengro bengeskro koowa un pengro wi-ladjedo koowa, un mukan gar tele te marell un te tchorell.

1. Samuel 8:3

Jon djan gar o drom har lengro dad, un rodan kowa, hoi lenge o feteder his, un lan tchorchanes lowe, un phagan o tchatchepen.