Efesarja 5:26 - O Debleskro Drom 2021 (Sinte)

²⁶ te wenn le erligo un djudjo glan leste. Job thowas lengri doosh lendar tele, har patsan le leskro lab, un wan leske an o pani thodo.

O Debleskro Lab 2024 (Sinte-Manouche)

²⁶ te venn le erligo oun djoudjo glan leste. Yob thovas lengri doosh lendar tele, har patsan le leskro lab, oun van leske an o pani thodo.

Efesarja 5:26 ပူးပေါင်းရင်းမြစ်များ

Ezekiel 16:9

Un me thowom tut an pani, un thowom o rat tutar tele, un makom tut djeteha.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

3. Mose 14:11

Ko rashai anell koles, kai sasto was, un kau tselo koowa glan o baro Debleste, glan o wudar koleskro plachteno kherestar.

3. Mose 16:30

Ap kau diwes well tumari tseli doosh un ko tselo pale-tchiddo koowa, hoi ap tumende hi, krik lino. Un lauter well pale mishto mank o baro Debleste un tumende.

3. Mose 8:6

Un job mukas o Arones un leskre mursh tchawe glan te well, un thowas len o panjeha.

Zakarie 13:1

“An ko tsiro nashell i pani an o foro Jerusalem, hoi nashell i menshenge dran o kheer David un i wawar menshenge an Jerusalem, te thowell lo lengri doosh un kowa krik, hoi kras len pale-tchiddo glan mire jaka”, penell o baro Dewel.

Johanni 13:10

Penas o Jesus ap leste: “Koon tseles thodo hi, hunte well buder gar thodo. Job hi djudjo. Leskre pire kokres hunte thowell lo. Tumer han djudjo. Jek kokres hi gar djudjo.”

Johanni 15:3

Tumer han djudjo. Mire laba, hoi penom tumenge, kran tumen djudjo.

Johanni 15:8

Te well bud latchepen dran tumende, well miro dad sharedo. Un tumer wenn mire mala.

Johanni 17:7

Jon djinenna kanna, kai halauter, hoi tu man dal, tchatchepah tutar well.

Johanni 3:5

Penas o Jesus ap leste: “Tchatchepah, me penau tuke: Te well jek gar newes boldo dran o pani un dran o Debleskro Ducho, nai djiwell lo gar khetne o Debleha.

Bičepangre 22:16

Un kanna ste pre! De leskro lab an-gole! Un muk tut te taufrell, un tiri doosh tele te thowell!”

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

Remarja 10:8

Tu hunte rodess buder gar, har te nai weh pash o Debleste. O Debleskro lab penell tuke: Kowa, hoi o Dewel tuke penas, hi pash tute: an tiro mui un an tiro dji. Kau lab rakrell pral o patsepen. Kowa penah mer i menshenge.

1. Korintarja 6:11

Hi menshe mank tumende, kai kran sawo koowa. Kanna was tumari doosh tele thodo. Un tumer wan erligo kerdo glan o Debleste, un han tchatcho glan leskre jaka. Kowa lauter kras maro rai, o Jesus Kristo, un o Debleskro Ducho tumenge.

2. Korintarja 11:2

Jaake har o Dewel kamell, kamau me ninna o tselo djijestar, te djan tumer gar o Jesus Kristestar krik. Tumer han mange har i tchai, kai dom jek mursheste, te well li leskri pirni. Ko jek mursh hi o Jesus Kristo. Kamau te anap leske i djudji terni djuwel ap ko diwes, kai romedinerell lo lat.

Efesarja 6:17

Ma bistrenn, te las tumen o Jesus Kristo dran o tchilatchepen un o merepen win! Kowa hi tumenge har i sasterni stadi ap tumaro shero. Lenn ninna o Debleskro lab an tumaro wast. Kowa hi har i charo, hoi dell tumen o Debleskro Ducho.

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Hebrearja 10:10

Har o Jesus Kristo ap o trushel menge meras, kras lo kowa, hoi o Dewel kamas. Un mari doosh las lo jek kopo hako tsireske mendar, un job kras men jaake djudjo un erligo glan o Debleste.

Hebrearja 10:14

Jek kopo meras o Jesus Kristo kolenge, kai wenna pash o Debleste, un kras len hako tsiro tchatcho un erligo glan leste.

Hebrearja 10:22

Leskro rat thowas mari doosh mendar, un kras mare djia djudjo. Un mer wam an o djudjo pani tele thodo. Doleske djas kanna o latcho un tchatcho djijeha glan o Debleste an i sorelo patsepen!

Hebrearja 10:29

Te his kowa jaake koleha, kai kras gar, hoi o Mose penas, kitse sorleder well o Debleskri choli pral koleste, kai o Debleskro tchawes pestar stakrella, un krella, har te wals o Jesus Kristeskro rat tchi moldo. Un kau rat lals peskri doosh krik, un krals les erligo glan o Debleste. O Debleskro Ducho his leske latches, un job dukras les.

Hebrearja 13:12

Jaake meras o Jesus ninna win glan o foro, te krell lo peskro rateha i menshen erligo glan o Debleste.

Hebrearja 4:12

O Debleskro lab hi djido un sorelo, un tchinell sorleder har i charo, hoi tchinell ap dui rigja. Jaake har tchinell i charo dur dren an o mass, ninna an i kokale, jaake tchinell o Debleskro lab dur dren an o mensheskro dji, un sikrell leste, hoi hi latcho un tchilatcho an leskro djipen.

Hebrearja 9:14

kitse sorleder hi o Jesus Kristeskro rat. O Debleskro Ducho, kai djiwella hako tsiro, das o Jesus Kristeste i soor, te nai das lo peskro djipen an o merepen. Un job meras o Debleske jaake har i bakro, ap koleste kek doosh hi. Kowa kras lo, te lell lo mari doosh mendar, jaake te djiwas mer buder gar pal kol laba, hoi tchi moldo hi un i menshe an o merepen anenna. Kanna hi maro dji djudjo, un mer nai wah tchatchepah o djido Debleske koi.

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!

1. Petro 3:21

Jaake har wan kol ochta menshe win lino dran o merepen, jaake djas tumenge kanna ninna, har wan tumer taufedo. Kote was gar koi tchik tumendar tele thodo. Na-a! Koon mukell pes te taufrell, kowa mangell o Debles, te dell lo les i djudjo dji. Kowa nai dell o Dewel leste doleske, kai stas o Jesus Kristo i mulendar pre un djas an o bolepen. Kanna hi lo beshdo ap i tchatchi rig o Deblestar, un hi o rai pral i tsele bolepangre, un pral i tsele pralstune un sorele an o bolepen.

2. Petro 1:9

I patslo, kai krell kowa gar, kowa hi korelo, un djiwell an o tamlepen. Job bistras, kai was leskri tseli doosh lestar krik lino, hoi job kras.

1. Johanni 5:6

O Jesus Kristo was pash mende. Job was taufedo an o pani un meras ap o trushel. Har meras lo, ratas lo peskro rat. Hi gar kokres leskro thopen an o pani, na-a, ninna leskro rat sikrell mende, kai job o Debleskro tchawo hi. Un o Debleskro Ducho penell menge kowa ninna. Un o Debleskro Ducho penell o tchatchepen.

Judas 1:1

Me, o Judas, tchinau kau liil ap tumende, kolen o Dewel peske win rodas. Job hi tumaro dad un kamell tumen o djijestar. Un o Jesus Kristo dell garda ap tumende. Me hom o Jesus Kristeskro budepaskro un o Jakobeskro phraal.