Efesarja 5:21 - O Debleskro Drom 2021 (Sinte)

²¹ O Jesus Kristo hi tumaro rai. Un tumer penenn Rai ap leste. Doleske hunte hadell pes kek tumendar pral o wawareste.

O Debleskro Lab 2024 (Sinte-Manouche)

²¹ O Yezous Kristo hi t'maro ray. Oun t'mer penenn Ray ap leste. Doleske hounte hadell pes kek t'mendar pral o vavareste.

Efesarja 5:21 ပူးပေါင်းရင်းမြစ်များ

1. Mose 16:9

Penas o bolepaskro ap late: “Dja pale pash tiri rani! Un shun ap late!”

1. Familjakro liil 29:24

Un i tsele pralstune un sorele kurepangre, ninna o Davideskre wawar tchawe, tchiwan pen tel leste.

2. Familjakro liil 19:7

Un kanna rikrenn o baro Debles glan tumare jaka, rikrenn tumen ap o tchatchepen un denn hakeneste peskro tchatchepen. Ma bistrenn, pash maro baro Debleste hi kek chochepen. Un job dikell witar gar ap kowa koon glan leste tardo hi. Un job mukell pes gar te ginell.

Nehemia 5:15

Kol wawar themeskre raja glan mande tchiwan pharo koowa ap i menshende. Hako diwes lan le lendar maro un mool un kote pashel gomme 40 (star-deesh) rupene beme. Un kolengre budepangre kran pen ninna rai pral i menshende, jaake har le kaman! Me krom kowa gar jaake, djinom, o Dewel dikell man!

Nehemia 5:9

Un me penom: “Gar mishto hi kowa, hoi tumer kai krenna! Tumer hunte djiwans glan o baro Debleskre jaka, un krans, hoi mishto hi, te nai praassens men kol wawar menshe gar, kai trul mende djiwenn un maro merepen kamenn.

Gosewe laba 24:21

Miro tchawo, djib glan o baro Debleskre jaka un kre, hoi o baro rai tutar kamella! Ma dja kolentsa, kai wawaren ap lende pre anenn!

1. Korintarja 16:16

shunenn ap kolende un ap sawende har jon, kai budrenn o Debleske pengri tseli sorjah!

2. Korintarja 5:11

Mer djinah, har trashas maro rajestar. Doleske rakrah i menshenge an o dji, te patsenn le ap leste. O Dewel djinell, te djah mer o tchatcho drom. Kamoms, te djinenn an tumare djia kowa ninna.

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

Galatarja 5:13

Mire phrala, o Dewel das tumen gole, te djiwenn i djipen, kai han buder gar pandlo ap tchomone. Kal labentsa penau gar, te krenn tumer nai, hoi kamenna, un djiwenn nai tumaro phuro djipen. Na-a, awenn jek o wawareske koi! Krenn kowa dran o kamlepen!

Efesarja 5:22

Tumer djuwja, ma hadenn tumen pral tumare romende! Jaake sikrenn tumer, kai hi o Jesus Kristo tumaro rai.

Efesarja 5:24

Jaake har kol tsele patsle ap o Jesus Kristeste shunenna, jaake hunte shunenn ninna i romja ap pengre romende an hako koowa.

Filiparja 2:3

Kek te krell tchomone, hoi leske kokres mishto hi, witar tchi, te well lo sharedo pash i menshende! Kek te krell, har te wals lo feteder har ko wawar! Na-a, ap hakeneste penau: Dik jaake ap o wawareste, har te wals lo bareder har tu!

1. Timoteo 2:11

Te well o Debleskro lab i patslenge penlo, hunte shunenn i djuwja ap kowa, hoi penlo wella. Jon hunte rakrenn gar peha.

1. Timoteo 3:4

Job hi i latcho rai pral peskro kheer. Leskre tchawe shunenn ap leste.

Hebrearja 13:17

Shunenn ap kolende, kai sikrenn tumen, har te djan ap o Debleskro drom! Krenn kowa, hoi jon tumenge penenna! Lengri budi hi, te denn le jak ap tumende. Un jon hunte penenn o Debleske, har jon kran pengri budi. Djiwenn jaake, te krenn le pengri budi i bachtelo djijeha! Te rowenn jon pral tumende, palle wals kowa tumenge gar mishto.

1. Petro 2:13

Shunenn ap kowa, hoi kol pralstune ap kai phub penenna! Kowa kamell o Dewel, maro rai, jaake. Shunenn ap o baro rajeste pral o them!

1. Petro 2:17

Awenn latches ap hako mensheste! Kamenn i patslen o djijestar! Sharenn o Debles, un krenn, hoi job kamella! Shunenn ap o baro rajeste pral o them!

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.