Efesarja 5:16 - O Debleskro Drom 2021 (Sinte)

¹⁶ Hako kopo, kai krenn nai latcho koowa, krenn kowa! Kau tsiro, kai djiwah, hi tchilatcho.

O Debleskro Lab 2024 (Sinte-Manouche)

¹⁶ Hako kopo, kay krenn nay lačo koova, krenn kova! Kava tsiro, kay djivah, hi čilačo.

Efesarja 5:16 ပူးပေါင်းရင်းမြစ်များ

1. Mose 29:7

Koi penas job: “O tselo diwes hi glan mende. Ko tsiro, kai wenn i bakre khetne tradedo, hi gar koi. Denn i bakren te pijell un djan lentsa koi, kai hi len te chal.”

Debleskri gili 37:19

An i tchilatcho tsiro mukell lo len gar, un an i boklo tsiro dell job len doha te chal.

Sikepaskro 11:2

Phage tiro maro an kotja, un de les efta, ochta menshenge; tu djineh gar, hawi bibacht well pral kai phub.

Sikepaskro 12:1

Jaake rah har terno hal, ma biste koles, kai tut kras! Un djin, te wenn kol tchilatche diwessa un kol bersha, kai tu peneh: “Jon hi mange gar mishto”!

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Daniel 2:8

Un o baro rai penas: “Tchatchepah, me dikau, tumer rakrenn jaake, te well tumen budeder tsiro. Tumer djinenn, kowa hoi me penom, krau ninna tumentsa.

Amos 5:13

An sau tchilatcho tsiro hi ko mensho gosewo, koon penell kek lab koi pral.

Mateo 25:17

Un ninna kowa, kai kol dui gone peskro rajestar las, kowa las dui wawar gone pashel.

Johanni 12:35

Penas o Jesus ap lende: “Koi momeli hi gar buder rah pash tumende. Djan tumaro drom jaake rah, har koi momeli pash tumende hi, te well gar i rati pral tumende! Koon an i rati djala, djinell gar, kai job djala.

Remarja 13:11

Denn jak, te krenn kowa! Tumer haiwan, hawo tsiro kanna hi. O diwes well sik, kai well o Jesus Kristo pale. Har wan tumer patslo, his ko tsiro dur tumendar. Kanna hi ko diwes buder gar dur tumendar. Doleske hunte was gar har menshe, kai sowenna.

1. Korintarja 7:26

Me penau tumenge: An kau pharo tsiro hi feteder, te atchell hakeno jaake, har job hi.

Galatarja 1:4

Job meras, te lell lo mari doosh ap peste. Kowa kras lo, te lell lo men win dran ko tchilatcho tsiro, an hoi mer djiwah. Kowa kamas o Dewel, maro dad jaake.

Galatarja 6:10

Doleske kras latcho koowa jaake bud, har krah nai, hake menshenge, budeder kol patslenge.

Efesarja 6:13

Doleske riwenn kol koola ap tumende, hoi dell tumen o Dewel, te kurenn tumen mishto ap ko diwes, kai well o beng ap tumende. Palle han sorleder har job, un atchenn soreles tardo.

Efesarja 6:15

Djan pash i menshende, un penenn lenge o latcho lab, te kras o Jesus Kristo i drom, kai o Dewel un i menshe mala wenna! Kowa hi jaake, har te riwenn tumer sorele kircha.

Kolossarja 4:5

Djiwenn tumaro djipen jaake, te dikenn i wawar, kai tumer patsle han! Rodenn i drom, te rakrenn lentsa pral o Debleste!