Efesarja 5:13 - O Debleskro Drom 2021 (Sinte)

¹³ Te sikrah len lengro tchilatcho koowa, hi kowa jaake, har te anams ko koowa pash i momeli. Un jon dikenn les ninna.

O Debleskro Lab 2024 (Sinte-Manouche)

¹³ Te sikrah len lengro čilačo koova, hi kova yaake, har te anams ko koova pash i momeli. Oun yon dikenn les ninna.

Efesarja 5:13 ပူးပေါင်းရင်းမြစ်များ

Ropaskre gilja 2:14

Kolla, kai hunte penans tuke o Debleskre laba, penan tuke chocheno koowa glan-wi, hoi tchi moldo hi. Un sikran tuke gar tiri doosh. Kowa te krans le, perals gar jaake har kanna peral. Na-a, jon mukan tut chochene laba te shunell, un anan tut o tchatcho dromestar tele.

Hosea 2:10

Joi kamas gar te haiwell, kai me homs kowa, kai dom lat djob, mool un djet, ninna bud rup un sonakai. Un kowa das li o mulo debleske, o Baal.

Hosea 7:1

Hako kopo, kai kamau mire menshenge lauter pale mishto te krell, palle sikrell pes, hawi doosh o Efrajim ap peste anas, un har baro o tchilatchepen kol menshendar an o foro Samaria hi. Jon hi chochepangre. Tchorepangre phagenn an i khera dren. Un randepangre tchorenn i menshen win ap o drom.

Micha 7:9

Djinau, me mukom o baro Debleskro drom. Doleske was leskri choli ap mande. Me hidjrau lat, bis te lell job miro koowa an leskro wast, un dell man miro tchatchepen. Job sikrell man peskri momeli, te dikap, har latcho job ap mande hi.

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

Efesarja 5:12

Kowa, hoi jon tchorchanes krenna, hi jaake djungelo, te hunte ladjell kowa pes, kai kolestar rakrella.

Hebrearja 1:13

Ap kekeste peskre bolepangre penas lo kowa, hoi job ap peskro tchaweste penas: Besh tut ap miri tchatchi rig! Un me krau, te wess tu o rai pral kolende, kai chan pen ap tute.