Efesarja 4:31 - O Debleskro Drom 2021 (Sinte)

³¹ Awenn ap kekeste tchilatcho un chojedo! Tchingrenn ap kekeste, un praassenn kekes!

O Debleskro Lab 2024 (Sinte-Manouche)

³¹ Avenn ap kekeste čilačo oun rhoyedo! Čingrenn ap kekeste, oun praasenn kekes!

Efesarja 4:31 ပူးပေါင်းရင်းမြစ်များ

1. Mose 27:41

Kol latche laba, hoi o Isaak pral o Jakobeste rakras, kran, te was o Esau chojedo ap o Jakobeste. Doleske penas o Esau ap peste: “Ko tsiro wella sik, kai rowenn le pral miro dadeskro merepen. Te hi lo mulo, dau miro phrales mulo.”

1. Mose 37:21

Har shunas o Ruben kowa, kamas job les win te lell dran lengre wasta, te well job gar maredo, un penas ap lende: “Mer dah les gar mulo!

1. Mose 37:4

Har leskre phrala dikan, kai lengro dad les budeder kamas har len, wan le tchilatcho ap pengro phraleste un rakran nai buder gar latches leha.

1. Mose 4:8

O Kain penas ap peskro phraleste Abel: “Am! Djas win ap o them!” Un har jon win ap o them his, hadas pes o Kain ap peskro phraleste Abel un das les mulo.

2. Samuel 13:22

O Absalom rakras gar peskro phraleha, o Amnon, gar tchilatches, witar gar latches, jaake midjak his lo ap leste, doleske, kai job ap leskri phenjate bari ladj anas.

2. Samuel 19:27

“Miro baro rai”, penas job, “tu djineh, kai hom bango. Me penom ap miro budepaskro Ziba, te tchiwell lo i ledertikri plachta ap i esla, te beshap koi pre un klissap pash o baro rajeste. Un miro budepaskro chochras man.

2. Samuel 19:43

Koi penan kol tsele mursha dran o them Juda ap kolende dran Israel: “O baro rai hi jek mare menshendar. Hoske han tumer koi pral chojedo? Mer cham an kek tsiro o baro rajeskro chapen. Un job was menge gar latcheder har tumenge?”

Debleskri gili 101:5

Koon rakrell tchorchanes djungelo koowa pal o dumo kolendar, kai trul leste hi, koles pandau leskro mui. Kamau koles gar, kai pre-phurdo hi, un ap wawar menshende tele dikell.

Debleskri gili 140:11

Muk jagakre barra ap lende te perell! Witse len an i jag! Muk len te perell an o telstunepen, jaake te nai stenn le buder gar pre!

Debleskri gili 15:3

witar kek djunglepen pral jekeste penella. Kowa, kai peskro maleske kek tchilatchepen krella, un kolen gar praassella, kai pash leste djiwenna.

Debleskri gili 37:8

Muk tele i choljatar! Ma choje tut pral o tchilatchepen, hoi i wawar krenna! Kowa nai anell tut jaake dur, te kreh tu ninna o tchilatchepen.

Debleskri gili 50:20

Tu rakreh djungeles pral tire phralende. Pral tiri dakro tchaweste aneh tu chochepen pre.

Debleskri gili 64:3

Kol tchilatche wenn khetne un rakrenn, har jon nai krenn mange tchilatchepen. Khate man, miro Dewel, glan lengri choli!

Gosewe laba 10:12

Dran choli well tchingepen. Koon o wawares o djijestar kamell, bistrell leskro tselo tchilatcho koowa.

Gosewe laba 10:18

Koles hi i chocheno mui, kai peskri choli ap i wawareste khatrell. Un kowa, kai chochepen pral i wawareste rakrell, hi i dinelo.

Gosewe laba 14:17

Koon sik an i choli well, krell jek dinelo koowa pal o wawar. Un koon lell pes tchilatchepen glan, pral koleste hi le chojedo.

Gosewe laba 18:8

Te shunah djungelo rakepen pral i wawarende, hi kowa menge har shukar chapen, un djal menge tele har djet.

Gosewe laba 19:12

Har koi gole, hoi i lewo dell, hi i choli o baro rajestar. Un leskro latchepen hi har o brishin ap i phub, hoi krell lat pale sapeno.

Gosewe laba 25:23

I phurdepen un kale wolke anenn brishin, un i tchip, hoi pal o wast rakrell, anell choli.

Gosewe laba 26:20

Kote, kai buder kek kasht hi, kote djal i jag win, un kote, kai kek buder hi, kai chochepen ap wawarende pre anell, kote djal o tchingepen krik.

Gosewe laba 29:22

I mursh, kai hako tsiro an i choli hi, sawo krell tchingepen, un anell bud doosh ap peste.

Gosewe laba 29:9

Te well i gosewo khetne i dineleha pash o tchatchepaskro mursheste, te well o tchatchepen wi-kerdo, palle well o dinelo diwjo un sal. Tchi dikell lo dren.

Gosewe laba 6:19

jek, kai tchomone ap i wawareste pre anell, hoi gar tchatcho hi; jek, kai anell tchingepen mank phralende.

Sikepaskro 7:9

De garda te wess gar sik chojedo! Koon choirell pes pral halauter, hi dinelo.

Jeremia 6:28

Jon djan lauter penge krik mandar, un rakrenn djungeles jek pral o wawareste. Djia dran saster hi len. Jon lauter djiwenn an o chochepen.

Jeremia 9:4

Jon lauter chochenn pengre malen. Un kek rakrell laba, hoi tchatcho hi. Jon penan pengre tchipja, te rakrenn le chochepen. Pale te pale krenn le tchilatchepen ap i wawarende,

Bičepangre 21:30

I tsele menshe an o foro Jerusalem wan chojemen ap o Pauleste, nashan khetne, tapran o Paules, un tserdan les dran o Debleskro baro kheer win. Har jon win his, pandan le sik i wudja an o Debleskro baro kheer.

Remarja 3:14

Jon hi pherdo koshepen un praassepen.

1. Korintarja 14:20

Mire phrala, ma awenn har tikne tchawe, kai gomme gar bud djinenna. Awenn gosewo har i phure! Pash tchilatcho koowa, awenn har tikne tchawe, hoi o tchilatchepen gar haiwenna!

1. Korintarja 5:8

Un jaake har tchiwan jon ko shutlo jarro krik un chan sau maro, kai kek shutlo jarro dren his, jaake hunte djiwas mer maro newo djipen an o djudjepen un an o tchatchepen. Mer hunte mukas maro phuro djipen, un djiwas buder gar an o tchilatchepen.

2. Korintarja 12:20

Me trashau, te wau pash tumende, dikau sawo koowa pash tumende, hoi kamau gar. Palle hom me witar gar jaake har tumer kamenna. Me trashau te dikau tchingepen mank tumende, ninna silwepen, choli, praassepen, djungelo rakepen pral o wawareste, pre-phurdepen, bipandlo djipen, un jek kamell feteder te well har ko wawar.

Galatarja 5:20

Jon mangenn wawar koowa an har o Debles. Jon durkrenna. Jon kurenn pen un tchingrenn pen. Jon silwerenna, un len hi choli ap i wawarende. Jon dikenn ap pende kokres, te djal lenge mishto, un dikenn gar ap i wawarende, te djal lenge ninna mishto. Jon mukenn pengre phralen un djan wawarentsa khetne.

Efesarja 4:22

Ma djiwenn buder gar tumaro phuro djipen! An tumaro phuro djipen was o tchilatcho koowa baro an tumare djia, un tumer kran, hoi tumenge gar mishto hi. Sawo koowa krell tumaro djipen paash.

Efesarja 4:25

Ma chochenn buder! Mer ham lauter phrala un phenja. Doleske rakrenn o tchatchepen jek o wawareha!

Efesarja 4:26

Te wenn tumer an i choli, palle denn garda, te krenn kek tchilatcho koowa! Mukenn o kham gar tele te djal pral tumari choli!

Kolossarja 3:19

Tumer mursha, awenn kamlo ap tumare romjende, un gar chojedo!

Kolossarja 3:8

Kanna djiwenn tumer buder gar tumaro phuro djipen. Doleske tchiwenn i choli tumendar krik, ninna o tchilatchepen, o djungelo rakepen pral o wawareste, wi-ladjede laba! Ma chochenn tumen!

1. Timoteo 3:11

I djuwja, kai hi i patslenge koi, hunte djiwenn ninna latches glan i menshengre jaka. Jon rakrenn kek chocheno koowa pral i wawarende. Jon rakrenn kek dinelo koowa. Jon krenn pengri tseli budi mishto.

1. Timoteo 3:3

Job hi kek pipaskro. Job hi kek marepaskro. Les hi i baro dji i wawarenge. Job hi kek tchingepaskro. Job hi gar pal i lowe.

1. Timoteo 5:13

Kal terne djuwja kamenn buder gar te budrell, un jon djan dran jek kheer an o wawar, un tchamrenn bud. Jon kamenn lauter feteder te djinell, un rakrenn jaake, hoi gar mishto hi.

2. Timoteo 2:23

Te tchingrenn i menshe pral i laba, ma muk tut an ko dinelo rakepen dren tserdell, hoi tchi molella! Tu djineh, kowa anell tchingepen.

2. Timoteo 3:3

Len hi kek dji i wawarenge. Jon wenn gar pale latches pal o tchingepen. Jon rakrenn chochepen pral o wawareste. Jon hi bipandlo un dukrenn i wawaren. Jon kamenn kek latchepen.

Tito 1:7

I pralstuno pral o Debleskro kheer hunte djiwell jaake, te dikell kek i tchilatcho koowa ap leste. Job djal gar pal peskro shero, un well gar sik chojemen! Job well kek pipaskro un kek tchingepaskro! Job nashell gar pal i lowe!

Tito 2:3

Pen i phure djuwjenge, te djiwenn le jaake, har o Debleskre tchawe djiwenna, te rakrenn le gar djungeles pral i wawarende, te pijenn le pen gar mato! Jon hunte sikrenn i wawaren, hoi latcho hi.

Jakobo 1:19

Mire kamle phrala, djinenn: Hako mensho hunte lell peske tsiro, te shunell lo. Job te kamell te rakrell, palle hunte putchell lo pestar, te hi kowa mishto, hoi job kamell te penell. Un job hunte well witar gar sik chojedo.

Jakobo 3:14

Te silwerenn tumer un hadenn tumen pre pral i wawarende, ma penenn, kai han gosewo! Kowa wals i chochepen un gar o tchatchepen.

Jakobo 4:11

Mire phrala! Ma rakrenn djungeles pral o wawareste! Koon pral peskro phraleste djungeles rakrella un o gushteha ap leskri doosh sikrella, kowa tchiwell pes pral kowa, hoi o Dewel penas. Tu te kreh kowa, hal tu buder gar jek, hoi o Debleskro tchatchepen krella. Na-a, tu tchiweh tut pral o tchatchepen.

1. Petro 2:1

Doleske mukenn hako tchilatcho koowa! Ma chochenn! Ma rakrenn dui tchipjentsa! Ma silwerenn! Rakrenn kek djungelo koowa pral kekeste!

1. Johanni 3:12

Mer hunte was gar har o Kain. Kowa his o bengestar un maras peskro phrales. Hoske maras lo les? Leskro phraal kras, hoi latcho his. Un o Kain kras, hoi tchilatcho his. Doleske maras o Kain peskro phrales.

1. Johanni 3:15

Djinenn, hakeno, kai krell peskro phraleske tchilatchepen, kowa hi har jek, kai marell peskro phrales. Un kowa, kai marell peskro phrales, koles hi gar ko djipen an leste, hoi gar pre-herella.

Debleskro tsiro 12:10

Un me shunom i sorelo rakepen an o bolepen, hoi penas: Kanna las men maro Dewel dran o bengeskro wast win. Maro Dewel sikras peskri soor, un was o rai pral i tsele menshende ap i phub. Un job das peskri tseli soor koles, kai job win rodas, te well lo o baro rai pral halauter. Tele witsedo hi ko phukepaskro, kai anas i doosh ap mare phralende glan o Debleste o diwes un i rati.