Efesarja 4:30 - O Debleskro Drom 2021 (Sinte)

³⁰ Te krenn tumer i tchilatcho koowa, palle dukrenn o Debleskro Ducho an tumare djia. O Dewel das les tumende, te sikrell lo, kai leskro han ap ko diwes, kai lell lo tumen dran o tselo tchilatchepen win.

O Debleskro Lab 2024 (Sinte-Manouche)

³⁰ Te krenn t'mer i čilačo koova, palle doukrenn o Debleskro Dourho an t'mare djia. O Devel das les t'mende, te sikrell lo, kay leskro han ap ko dives, kay lell lo t'men dran o tselo čilačepen vin.

Efesarja 4:30 ပူးပေါင်းရင်းမြစ်များ

1. Mose 6:3

Koi penas o baro Dewel: “Miro djipaskro ducho atchell gar hako tsiro an o mensheste. Job hi mass. Job well gar phureder har 120 (sheel-te-biish) bersha.”

1. Mose 6:6

Kowa dukas les an leskro dji. Un o baro Debles khaitas, kai kras job i menshen ap i phub.

Debleskri gili 78:40

Bud kope hadan le pen ap leste an o mulo tato them, un dukran leskro dji.

Debleskri gili 95:10

Star-deesh bersha was mange djungeles, te dikom ap kol menshende, un penom: “Kalla hi menshe, kai peran ap pengre sherja un djinenn gar, hoi tchatcho hi. Ap miro drom kamenn le gar te djal.”

Jesaja 43:24

Mange ginal tu gar lowenge gudlo sungepaskro khass, witar gar chatchral o viechengro thulepen, te wap tchalo. Na-a, mange kral bud budi tiri doshah. Ko tselo tchilatchepen, hoi kral, kras man khino.

Jesaja 63:10

Ninna te his lo lenge jaake latches, kaman le gar ap leste te shunell, un dukran les an leskro dji. Kote was lo chojedo ap lende, un kuras pes lentsa.

Jesaja 7:13

Kote pre penas o Jesaja: “Shunenn, tumer, kai wenna o Davideskre tchawendar! Hi tumenge gar doha, te krenn menshen khino? Krenn kanna ninna miro Debles khino?

Ezekiel 16:43

Tu bistral, hoi tuke krom, har terno hals. Un choiral man ko tselo koweha, hoi kral. Bud djungelo koowa kral, un koi pashel kral wi-ladjedo koowa. Doleske anau kowa lauter, hoi kral, ap tiro shero pale, penell o baro Dewel, maro rai.

Hosea 13:14

Ginap me len win dran i soor, hoi o mulengro themes hi? Lap me len win dran o merepen? Tu, merepen, kai hi tut ko nasslepen, ap koleste i menshe merenn? Tu, mulengro them, kai hi tut ko pharo nasslepen, hoi anell i menshen pash tute? Kal menshe khaitenn man buder gar.

Markus 3:5

Kowa dukas les, kai lengro dji har i bar his. Un job dikas chojemen ap lende un penas ap ko mursheste: “Sike tiro wast!” Un job sikras peskro wast. Un ko wast was sasto.

Louka 21:28

Te dikenn tumer, har kowa lauter wella, awenn soreles un trashenn gar! I tsiro hi palle koi, kai o Dewel lell tumen dran o tchilatchepen un dran o merepen win.”

Johanni 3:33

Koon patsell ap leste, kowa sikrell jaake, kai halauter tchatcho hi, hoi o Dewel penella.

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.

Remarja 8:11

O Dewel kras o Jesus Kristes i mulendar djido. Te djiwell leskro Ducho an tumende, palle krell lo tumen ninna djido. O Debleskro Ducho, kai an tumende hi, krell kowa.

Remarja 8:23

Un gar kolla kokres, na-a, men ninna hi duka un dikah o tselo djijeha ap ko tsiro, kai wah tchatchepah Debleskre tchawe un merah buder gar. Ninna te hi men kanna o Debleskro Ducho an mende, dikah ap ko tsiro, kai merah buder gar.

1. Korintarja 1:30

O Dewel kras, te wan tumer ap o Jesus Kristeskro drom. Kanna djinah, hoi tchatchepah goswepen hi. O Jesus Kristo kras men tchatcho glan o Debleste. Job rodas men win, te was leske koi, un las mari doosh mendar krik.

1. Korintarja 15:54

Te hi ko tsiro koi, kai i mule djido wenna, un i djide buder gar merenna, palle well kowa tchatcho, hoi an o Debleskro lab tchinlo hi: O merepen nashras peskri soor. Lestar trashah mer buder gar.

1. Tessalonikarja 5:19

Mukenn o Debleskro Ducho mashkral tumende te budrell!

Hebrearja 10:29

Te his kowa jaake koleha, kai kras gar, hoi o Mose penas, kitse sorleder well o Debleskri choli pral koleste, kai o Debleskro tchawes pestar stakrella, un krella, har te wals o Jesus Kristeskro rat tchi moldo. Un kau rat lals peskri doosh krik, un krals les erligo glan o Debleste. O Debleskro Ducho his leske latches, un job dukras les.

Hebrearja 3:10

Doleske wom me chojedo ap lende, un penom: Hako tsiro djan le pal pengro shero. Miro drom kaman le gar te djal.

Hebrearja 3:17

Pale putchau tumendar: Pral koneste was o Debleskri choli star-deesh bersha? Leskri choli was ap kolende, kai kaman buder gar ap leskro drom te djal. Kolla meran an o mulo them, un atchan kote tchiddo.

Čačepangre 10:16

Un jon witsran kol wawar deblen pendar krik un mangan o baro Debles an. Koi khaitas les, te well o Israeleske jaake pharo kerdo.”