Efesarja 4:3 - O Debleskro Drom 2021 (Sinte)

³ O Debleskro Ducho anas tumen khetne. Jaake denn garda, te well kek tchingepen mashkral tumende, un te rikrenn tumer lauter khetne!

O Debleskro Lab 2024 (Sinte-Manouche)

³ O Debleskro Dourho anas t'men khetne. Yaake denn garda, te vell kek čingepen mashkral t'mende, oun te rikrenn t'mer lauter khetne!

Efesarja 4:3 ပူးပေါင်းရင်းမြစ်များ

1. Rajengro liil 16:21

An ko tsiro peran i menshe an Israel an dui kotja, kolla ap koi jek rig nashan o Tibni palla, koleskro dad o Ginat his, te well job lengro baro rai, un kol wawar rikran ap o Omri.

2. Mose 28:32

Pral mukess tu lat pre, te nai well kote o shero win. Ko kotar trul i meen siwess tu jaake soreles har pash i ledertikri baja, te nai djal li gar paash.

Sikepaskro 4:12

Jek te hi lo kokres, nai well sik khetne dino. Dui te hi khetne, nai wenn le sorleder har kowa, kai djal ap lende pre. Triin pesse thaba krenn i dori, hoi djal gar sik paash.

Markus 3:24

Te kurenn pen i bare raja an jek them, palle djal ko them paash.

Johanni 13:34

Kowa hi newo, hoi me tumenge kanna penau: Te kamell jek o wawares o djijestar, jaake har me kamau tumen o djijestar!

1. Korintarja 1:10

Mire phrala, me shunom, kai hi tchingepen mashkral tumende. Kowa penan mange kolla dran i familja koi djuwjatar Kloe. Kanna mangau tumen an o lab maro rajestar, o Jesus Kristestar: Ma tchingrenn tumen buder! Atchenn khetne un rikrenn khetne an kowa, hoi tumer krenna un patsenna!

2. Korintarja 13:11

Kanna, mire phrala, awenn bachteles, un awenn pale pale ap o tchatcho drom! Shunenn ap kol laba, hoi me tumenge penom. Rikrenn khetne un tchingrenn tumen gar! Un o Dewel, kai dell kamlepen un bacht an o dji, well tumentsa!

Efesarja 4:13

Kowa te well jaake, palle ham mer lauter khetne an jek patsepen, un prindjrah o Debleskro tchawes mishto. Bud un budeder haiwah, hoi job mendar kamella, bis te djiwah jaake har job djiwas.

Efesarja 4:4

Tumer patsle han jek familja. Tumen hi o emligo Debleskro Ducho an tumende. Un o Dewel das tumen gole, te djiwenn tumer lauter leha khetne.

1. Tessalonikarja 5:13

Jon krenn o Debleskri budi. Awenn latches un kamles ap lende! Un mukenn kek tchingepen mashkral tumende te well!

Hebrearja 12:14

Krenn lauter, te well tumen kek tchingepen i wawar menshentsa! Tchiwrenn o tselo tchilatchepen dran tumende win! Kek mensho dikell o Debles, te mukell lo o tchilatchepen an peste te djiwell.