Efesarja 4:25 - O Debleskro Drom 2021 (Sinte)

²⁵ Ma chochenn buder! Mer ham lauter phrala un phenja. Doleske rakrenn o tchatchepen jek o wawareha!

O Debleskro Lab 2024 (Sinte-Manouche)

²⁵ Ma rhorhenn bouder! Mer ham lauter phrala oun phenya. Doleske rakrenn o čačepen yek o vavareha!

Efesarja 4:25 ပူးပေါင်းရင်းမြစ်များ

1. Rajengro liil 13:18

Kote penas o phuro ap leste: “Me hom ninna i Debleskro rakepaskro har tu, un i bolepaskro o baro Deblestar penas mange: ‘An les khere pash tute, te nai chal lo maro un te nai pijell lo pani!’” Chochepen his kowa, hoi ko phuro penas.

Debleskri gili 119:29

Rike man pale i chocheno dromestar! An tiro latchepen sike man, har te djap ap tiro drom.

Debleskri gili 15:2

Koles kokres, kai i djudjo djipen djiwell, un hako tsiro krell, hoi tchatcho hi. Kowa, kai kek chochepen rakrella,

Debleskri gili 52:3

Hoske shareh tu tut tiro tchilatchepah, tu, kai kameh te well tut penepaske pral halauter! O latchepen o Deblestar hi o tselo diwes kai.

2. Mose 23:7

Ma shun ap kolende, hoi anenn chochepen pre ap i wawareste! Ma pen, te well kowa temerl dino, kai kek tchilatcho koowa kras un kai an o tchatchepen tardo hi. Miri phagi well ap koleste, kai sawo tchilatcho koowa krella.

Gosewe laba 12:17

I mursh o labestar rakrell o tchatchepen win. I chocheno, kai dell glan, te penell lo, hoi lo dikas un shunas, anell chochepen pre.

Gosewe laba 12:19

O tchatcho rakepen atchell hako tsireske. Chochene laba rikrenn gar rah.

Gosewe laba 12:22

O baro Dewel dikell chojedes ap kolende, kai chochenna. Latches dikell job ap kolende, kai krenn o tchatchepen.

Gosewe laba 21:6

Ko brawlepen, hoi khetne anlo was o chochepah, hi har o ducho, hoi sik krik djal kolendar, kai o merepen rodenna.

Gosewe laba 24:28

Ma an chochepen pre ap i wawareste! Pen o tchatchepen!

Gosewe laba 6:17

jaka, kai dikenn tele ap i wawarende; i mui, hoi rakrell chochepen; wasta, hoi marenn sawen, kai kek tchilatchepen kran;

Gosewe laba 8:7

Awa, miro rakepen hi o tchatchepen. Kamau te rakrap kek tchilatchepen. Kowa wals djungeles an mire jaka.

Jesaja 63:8

Job penas: Tchatchepah, mire menshe hi le, menshe kek chochepah. Doleske was lo, te lell lo len win

Jesaja 9:15

I pralstune pral i menshende anenn i menshen ap bange dromma un krenn te djinenn jon buder gar, hoi tchatcho hi.

Hosea 4:2

Kowa, hoi pash tumende hatslo well hi koshepen, chochepen, tchorepen, menshe wenn mulo dino, un bud mursha chochenn pengre romjen, un bud djuwja pengre romen. Un jon marenn jekes pal o wawares.

3. Mose 19:11

Ma tchorenn! Ma rakrenn chochepen! Ma krenn chocheno koowa jek o wawareske!

Zakarie 8:16

Kowa hi, hoi hunte krenn tumer: Rakrenn o tchatchepen jek o wawareha. Denn hakeneste peskro tchatchepen, te well o tchingepen krik lino.

Zakarie 8:19

Kowa penell o baro Dewel, ko rai pral o bolepen un i phub: “Kol diwessa an o starto, pantchto, eftato un deshto tchon, kai i menshe tchi chan, te rodenn le man, kal diwessa wenn i bachtelo tsiro o khereske Juda. An kal diwessa giwenn un khelenn le i bachtjatar. Tumenge penau, rodenn o tchatchepen! Un denn jak, te well kek tchingepen mank tumende!”

Johanni 8:44

Tumaro dad hi o beng. Un tumer krenna, hoi tumaro dad ninna kamella. Job hi jek, kai marell i menshen hako tsiro. Un job hi gar an o tchatchepen tardo. O tchatchepen hi gar an leste. Te rakrell job o chochepen, well kowa dran leste. Job hi i chocheno, un anas o chochepen ap kai phub.

Remarja 12:5

Jaake ham mer bud patsle un djah khetne ap o Jesuseskro drom, un jaake hi jek o wawareske koi.

1. Korintarja 10:17

Mer chah jek maro. Doleske hi men jek djipen khetne o Jesuseha, ninna te ham bud patsle.

2. Korintarja 7:14

O Tito dikas ko latcho koowa, hoi leske tumendar penom, kowa his kek chochepen. Jaake har lauter tchatcho hi, hoi tumentsa rakram, jaake hi ninna ko tselo latchepen tchatcho, hoi leske penom tumendar.

Efesarja 4:15

Mer hunte djiwas an o tchatchepen un penas o tchatchepen i menshenge. Maro kamlepen hunte well kek chocheno kamlepen. Jaake wah mer bud un budeder har o Jesus Kristo. Kowa hi o pralstuno pral lauterende, kai patsenn ap leste.

Efesarja 4:22

Ma djiwenn buder gar tumaro phuro djipen! An tumaro phuro djipen was o tchilatcho koowa baro an tumare djia, un tumer kran, hoi tumenge gar mishto hi. Sawo koowa krell tumaro djipen paash.

Efesarja 4:31

Awenn ap kekeste tchilatcho un chojedo! Tchingrenn ap kekeste, un praassenn kekes!

Efesarja 5:30

Mer ham leskri familja.

Kolossarja 3:8

Kanna djiwenn tumer buder gar tumaro phuro djipen. Doleske tchiwenn i choli tumendar krik, ninna o tchilatchepen, o djungelo rakepen pral o wawareste, wi-ladjede laba! Ma chochenn tumen!

1. Timoteo 1:10

O Moseskre laba wan tchinlo kol murshenge, kai sowenn wawar djuwjentsa, un kol djuwjenge, kai sowenn wawar murshentsa. Kol laba wan ninna tchinlo kol murshenge, kai sowenn i murshentsa un tchawentsa. Kol laba wan tchinlo kolenge, kai tchorenn menshen un bikrenn len, un kolenge, kai penenn o chochepen, un kolenge, kai denn pen chochenes sowel. Un te dell wawar koowa, kai o Debleskro lab lestar penella, te kras mer kowa gar, palle wan o Moseskre laba kolenge tchinlo, kai kowa krenna.

1. Timoteo 4:2

Kolla, kai anenn len o tchatcho dromestar tele, hi chochene, kai penenn pendar, te haiwenn le o tchatchepen. Un jon djinenn buder gar, hoi mishto un tchatcho hi. Ninna haiwenn le gar, hawo tchilatcho koowa jon krenna.

Tito 1:12

Jek lendar, kowa djiwas ninna an o them Kreta, his i sikepaskro un penas pral lende: “I Kretarja chochenn hako tsiro. Har diwje vieche hi le! Jon haidjrenn pengro pesso per o tselo diwes un budrenn tchi.”

Tito 1:2

Jon hunte djinenn, te lenn le o djipen, hoi gar pre-herella. Kowa penas o Dewel glan i rah tsiro. Un job chochella gar.

Hebrearja 12:1

Kanna dikah, bud bud menshe patsan, te hi kowa tchatcho, hoi o Dewel penas. Mer ham gar kokres, kai patsah. Doleske hunte kras har jon kran, un mukas gar tele te nashas ap o Debleskro drom, hoi glan mende hi. Te tchiwas lauter tele, hoi kamell men pale te rikrell! Ninna hunte tchiwas o tchilatchepen tele, hoi kamell men te taprell.

Jakobo 1:21

Doleske mukenn hako djunglepen un tchilatchepen! Un patsenn ko lab, hoi o Dewel an tumende tchiwas! Krenn kowa i latcho djijeha! An o Debleskro lab hi koi soor, te lell lo tumen dran o tchilatchepen un o merepen win.

1. Petro 2:1

Doleske mukenn hako tchilatcho koowa! Ma chochenn! Ma rakrenn dui tchipjentsa! Ma silwerenn! Rakrenn kek djungelo koowa pral kekeste!

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.

Čačepangre 16:11

Un job penas ap late: “Te pandenn le man newe shellentsa, kolentsa kek budras, palle nashrau miri soor, un wau har hako wawar mursh.”