Efesarja 4:2 - O Debleskro Drom 2021 (Sinte)

² Ma krenn tumen bares! Awenn latches jek ap o wawareste! Denn i wawaren gar jaake sik pre! Djiwenn khetne an o kamlepen!

O Debleskro Lab 2024 (Sinte-Manouche)

² Ma krenn t'men bares! Avenn lačes yek ap o vavareste! Denn i vavaren gar yaake sik pre! Djivenn khetne an o kamlepen!

Efesarja 4:2 ပူးပေါင်းရင်းမြစ်များ

Debleskri gili 138:6

Awa, ninna te hal jaake dur pral halauter, dikeh tu kolen, kai tele rikede hi. Un kol pre-phurden prindjreh fun dural.

Debleskri gili 45:4

Tchip tiro charo ap tiri rig, tu tchatcho mursh, un sike tiro railepen un soor!

Gosewe laba 16:19

Hi feteder te weh gar an-diklo un djiweh i tchorwelentsa, har te wess jek kolendar, kolen i baro mui hi, un djiweh fun lengro tchoredo koowa.

Gosewe laba 3:34

Kolla, kai praassenn i wawaren, kolen praassell lo ninna. Kolla, kai krenn pen gar bares, ap kolende dikell lo latches.

Sikepaskro 7:8

Feteder hi, te pandess tiro mui, har te kress tiro mui pre o rakepaske. Feteder hi, te dess gar sik pre, har te wess pre-phurdo.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Zefanja 2:3

Tumer wawar, kai kran tumen gar bares un rikrenn o Debleskro tchatchepen, tumenge penau: Rodenn o baro Debles! Krenn, hoi glan leste tchatcho hi! Rikrenn tumen gar baro! Nai well, te rikrell lo peskro wast pral tumende, ap ko diwes, kai leskri choli pral i menshende well.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

4. Mose 12:3

O Mose his i mensho, kai kras pes gar bares. Kek mensho his ap i phub, kai his jaake har o Mose un hadas pes gar.

Mateo 11:29

Me hom tumenge i latcho rai, un dikau ap kekeste tele. Shunenn ap mande un krenn, hoi me tumenge penaua! Un tumaro dji well pale sorelo.

Markus 9:19

Koi penas o Jesus ap lende: “Hawe menshe han tumer, kai hi tumen kek patsepen! Har rah hunte atchap pash tumende? Har rah rikrap me pash tumende win? Anenn les kate pash mande!”

Bičepangre 20:19

Me krom man gar bareder har me hom. Me hom o rai Jesuseske koi. His mange jek, te djal mange djungeles. I bibolde lan man palla, un bud kope his mange ropaske.

Remarja 15:1

Mer, kai ham sorelo an o patsepen, hunte dikas ap kolende, kai hi gar sorelo an o patsepen, te hidjras mer lentsa, hoi lenge pharo hi. Mer hunte dikas gar ap mende kokres, te djal menge mishto.

1. Korintarja 13:7

Te hi les o Debleskro kamlepen an o dji un i menshe dukrenn les, hi job gar chojedo pral kowa. Kones hi o Debleskro kamlepen an o dji, kowa patsell halauter. Job dell o wawares gar pre, un rikrell lauter win.

Galatarja 6:2

Jek hunte dikell ap ko wawareste un hidjrella leha, hoi an leskro dji leske dukrella. Jaake krenn tumer kowa, hoi o Jesus Kristo tumendar kamella.

Efesarja 1:4

Har o bolepen un i phub gar koi his, rodas lo men win, te djas ap o Jesuseskro drom. Job rodas men win, te dell lo men i djudjo dji, te hatsell lo kek doosh ap mende. Jaake bud kamas lo men,

Kolossarja 1:11

Lestar mangah, te dell lo tumen peskri bari soor, te wenn tumare djia soreles, te djan bachteles dureder ap leskro drom, ninna an ko tsiro, kai hi tumaro djipen pharo.

1. Timoteo 6:11

Tu hal i Debleskro mursh. Rike tut ko tselo koowa pale! Kre lauter, te wess an o tchatchepen tardo, un te djiwess jaake, har o Dewel kamella! Kre ninna lauter, te atchess an o patsepen, un te kamess i menshen o tselo djijestar! Te djal tuke gar mishto, rike win! Ab latches ap i wawarende!

2. Timoteo 2:25

ninna te kamenn le gar ap leste te shunell. Job rakrell latches lentsa, te anell lo len ap o tchatcho drom! O Dewel nai dell len o dji, te mukenn le pengro tchilatcho drom, un te haiwenn le, hoi o tchatchepen hi.

Jakobo 1:21

Doleske mukenn hako djunglepen un tchilatchepen! Un patsenn ko lab, hoi o Dewel an tumende tchiwas! Krenn kowa i latcho djijeha! An o Debleskro lab hi koi soor, te lell lo tumen dran o tchilatchepen un o merepen win.

1. Petro 3:15

O Jesus Kristo kokres te well o rai an tumare djia! Un te putchenn le tumendar tchomone pral tumaro patsepen, ma darenn kek tsiro, te penenn lenge, ap koneste tumer patsenna.

1. Petro 3:8

Ap tumende lauterende penau: Rikrenn khetne! Hakenes te well i dji o wawareske! Tumer lauter han phrala un phenja. Awenn latches jek ap o wawareste! Ma krenn tumen bares!