Efesarja 3:8 - O Debleskro Drom 2021 (Sinte)

⁸ Ninna te hom me o tikneder kol tsele patslendar, das lo man koi shukar budi, te djap pash kolende, kai hi kek bibolde, te penap lenge, hawo baro brawlepen o Jesus Kristes lenge hi,

O Debleskro Lab 2024 (Sinte-Manouche)

⁸ Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Efesarja 3:8 ပူးပေါင်းရင်းမြစ်များ

1. Familjakro liil 17:16

djas o baro rai David an o Debleskro plachteno kheer, witsras pes tele glan o baro Debleste un penas: “Baro Dewel, miro rai, koon hom me, un hoi hi miro kheer, kai tu kral jaake bud mange?

Debleskri gili 31:19

kolla chochene, kai hi pre-phurde un praassenn kolen, kai an o tchatchepen tardo hi.

Louka 14:22

Un pal i tsiro was o budepaskro pale un penas: Me krom, hoi tu penal. O kheer hi gar pherdo.

Johanni 1:16

Mer halauter lam pale un pale bud latchepen lestar, kai les jaake bud hi.

Bičepangre 5:41

Koi djan jon penge i pralstunendar. Un jon his bachtelo, te hi le o Debleske jaake bud moldo, te rodas lo len win, te chan le dawa o Jesuseske.

Bičepangre 9:15

Penas o rai Jesus leske: “Dja pash leste! Me rodom koles win, te well job mange koi, te djal lo pash kolende, kai kek bibolde hi, pash lengre bare rajende, un pash kol tsele biboldende, te penell lo lenge mandar.

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.

Remarja 12:10

Kamenn i phralen un i phenjen o tselo djijestar! Hakeno hunte rikrell o wawares bareder har pes kokres.

Remarja 2:4

Hi tuke o Debleskro baro latchepen tchi moldo? Les hi i baro dji un dell i menshen gar sik pre. Djineh tu gar o Debleskro latchepen, hoi kamell tut ap leskro drom te anell?

1. Korintarja 1:30

O Dewel kras, te wan tumer ap o Jesus Kristeskro drom. Kanna djinah, hoi tchatchepah goswepen hi. O Jesus Kristo kras men tchatcho glan o Debleste. Job rodas men win, te was leske koi, un las mari doosh mendar krik.

1. Korintarja 15:9

Me lom i patslen palla, te marap len. Doleske hom me o tikneder mashkral lende, kolen o Jesus bitchras, te penenn le i menshenge o latcho lab lestar. Un me hom gar moldo, te penenn jon, kai me jek lendar hom.

1. Korintarja 2:9

An o Debleskro lab hi tchinlo: Ko latcho koowa, hoi kek jak dikas, un hoi kek kand shunas, un hoi an kek mensheskro dji dren was, kowa lauter dell o Dewel kolen, kai les o djijestar kamenna.

Galatarja 2:8

Kowa, kai bitchras o Petres pash i biboldende, hi kowa, kai man bitchras pash kolende, kai kek bibolde hi.

Efesarja 2:7

Jaake baro hi leskro latchepen ap mende, kai patsah ap o Jesus Kristeste. Ninna an ko tsiro, hoi wella, dikenna i menshe, har baro leskro latchepen ap mende hi.

Efesarja 3:1

Doleske bitchras o Jesus Kristo man, o Paules, pash tumende, kai kek bibolde han. Dran kowa hom me kanna an o stilepen. Tumer shunan, har das man o Dewel miri budi, te penap kolenge, kai kek bibolde hi, har baro leskro latchepen ninna lenge hi.

Efesarja 3:16

Un leskri soor hi bari. Doleske mangau lestar, te krell leskro Ducho tumare djia soreles.

Efesarja 3:19

ninna te hi leskro kamlepen bareder har lauter, hoi an mare shere dren djala. Te haiwah leskro kamlepen bud un budeder, palle djiwell o Dewel bud un budeder an mende.

Filiparja 2:3

Kek te krell tchomone, hoi leske kokres mishto hi, witar tchi, te well lo sharedo pash i menshende! Kek te krell, har te wals lo feteder har ko wawar! Na-a, ap hakeneste penau: Dik jaake ap o wawareste, har te wals lo bareder har tu!

Filiparja 4:19

Miro Dewel dell ninna tumen lauter, hoi tumen hunte well djipaske. Les hi i baro brawlepen an o bolepen. Kowa dell lo kolen, kai djan ap o Jesus Kristeskro drom.

Kolossarja 1:27

Kolen sikras o Dewel, har baro un shukar ko drom hi, hoi anell ninna kol menshen pash leste, kai kek bibolde hi. Un ko drom hi o Jesus Kristo, kai djiwell an tumende. Doleske djinenn nai, te djiwenn tumer leha khetne an o bolepen.

1. Timoteo 1:13

His i tsiro, kai rakrom djungeles pral leste, un lom i patslen palla, te marap len. An ko tsiro prindjrom les gar, un djinom gar, hoi me krom. Job kras mange peskro dji pre, un las man dran o tchilatchepen win.

1. Timoteo 1:15

Hi tchatcho, hoi kanna penau. Un tumer nai patsenn man: Maro rai, o Jesus Kristo, was ap kai phub, te anell lo kolen ap o drom pash o Debleste, kai dur lestar an o tchilatchepen djiwenna. Kolendar hom me o djungleder.

1. Timoteo 2:7

Doleske bitchras man o Dewel pash kolende, kai kek bibolde hi, te penap lenge o latcho lab o Jesus Kristestar, un te sikrap lende o tchatcho patsepen. Man hi o Jesuseskro wast. Kowa hi o tchatchepen. Me chochau gar.

2. Timoteo 1:11

O Dewel bitchras man, te penap o latcho lab o Jesus Kristestar i menshenge, un sikrap len leskro drom.

Debleskro tsiro 3:18

Doleske penau tumenge: Ginenn mandar sonakai, sawo sonakai, hoi an i jag thodo was, jaake te wenn tumer tchatchepah brawelo. Ginenn mandar ninna parne ripja, un riwenn kolla ap tumende, te han buder gar nango, un hunte ladjenn tumen buder gar. Un ginenn kutch djet, un makenn tumare jaka, te nai dikenn pale!