Efesarja 3:3 - O Debleskro Drom 2021 (Sinte)

³ Kowa djinan i menshe gar. An kau tikno liil tchinom tumenge, hoi sikras man o Dewel pral kowa.

O Debleskro Lab 2024 (Sinte-Manouche)

³ Kova djinan i menshe gar. An kava tikno liil činom t'menge, hoy sikras man o Devel pral kova.

Efesarja 3:3 ပူးပေါင်းရင်းမြစ်များ

Bičepangre 22:17

Har me pale an o foro Jerusalem wom, un an o Debleskro baro kheer o Debles an-mangom, was o Debleskro Ducho soreles ap mande.

Bičepangre 22:21

O rai Jesus penas ap mande: Dja dran o foro Jerusalem win! Me bitchrau tut an i wawar themma pash kolende, kai kek bibolde hi.

Bičepangre 23:9

Halauter dan bari gole, un kol tchatchepangre, kai ninna Farisarja his, stan pre un tchingran, un penan: “Mer hatsah kek tchilatchepen ap leste. Te rakras i bolepaskro ap leste, hoi krah mer palle? Te rakras i mulo ap leste, hoi krah mer palle?”

Remarja 11:25

Mire phrala, me kamau tumenge i baro tchatchepen te penell, hoi djinenn i menshe gar. Te djinenn tumer kowa, palle penenn tumer gar: “Har gosewo ham mer!” Tumer hunte djinenn, hoske hi bud bibolden i dji dran bar, un patsenn gar ap o Jesus Kristeste. Kowa atchella jaake rah, bis te wan kol tsele menshe dran i wawar themma ap o Jesuseskro drom, kolendar o Dewel kamell, te wenn le pash leste.

Remarja 16:25

Sharedo well o baro Dewel! Les hi i soor, te krell lo tumaro patsepen soreles. Jaake penell les o latcho lab, hoi me penau i menshenge, ko latcho lab o Jesus Kristestar. Kate well siklo o drom pash o Debleste. Kowa djinan le i rah tsiro gar.

2. Korintarja 12:1

Tumer kamenn, te sharap man, ninna te molell kowa tchi. Jaake kamau te rakrap pral o bolepaskro koowa, hoi o Jesus Kristo i menshes mukell te dikell.

Galatarja 1:12

Me shunom kowa gar i menshendar. I mensho sikras les mande witar gar. O Jesus Kristo kokres sikras les mande.

Efesarja 1:17

te dell lo tumen goswepen, te haiwenn tumer, har baro job hi. Job hi o Dewel maro rajestar, o Jesus Kristestar, un maro dad an o bolepen, o rai pral halauter.

Efesarja 3:4

Te drawerenn tumer miro liil, palle haiwenn, kai prindjrau kowa, hoi o Jesus Kristo menge kras.

Efesarja 3:6

Job sikras len, te nai wenn ninna kolla o Debleskre tchawe, kai kek bibolde hi, te djiwenn le leha khetne. O latcho lab o Jesus Kristestar hi ninna lenge, jaake har o Dewel glan i rah tsiro penas.

Efesarja 3:9

un te sikrap lauterende, har kras o Dewel kowa, hoi his les an o dji. Kowa djinan i menshe i rah tsiro gar. O Dewel kokres, kai kras o bolepen un i phub, djinas les.

Efesarja 6:19

Mangenn mange ninna, te dell o Dewel man i tchatche laba, un te darap gar i menshendar, te sikrap lende o Debleskro drom un penap lenge kowa, hoi djinenn le gar.

Kolossarja 2:2

Kowa krau, te wenn tumer soreles an tumaro dji, un rikrenn khetne an o kamlepen. Ninna kamau, te haiwenn tumer mishto o Debleskro drom, hoi i menshe i rah tsiro gar djinan. Ko drom hi o Jesus Kristo.

Kolossarja 4:3

Mangenn o Debles ninna menge, te krell lo menge i drom pre, te penas nai leskro lab i menshenge, te sikras lende, te hi o Jesus Kristo ko drom, kai anell men pash o Debleste. Kowa djinan i menshe i rah tsiro gar. Har me kowa i menshenge penom, wom doleske an o stilepen.

Hebrearja 13:22

Mire phrala, me mangau tumen, shunenn ap kol laba, hoi me tumenge an kau tikno liil tchinom!

1. Petro 5:12

Maro latcho phraal, o Silwano, was mange ap i rig, te tchinell lo kau tikno liil. An kau liil kamoms te penap tumenge an o dji, te djinenn tchatchepah: O Dewel hi tumenge latcho. Atchenn pash leste!

2. Petro 3:15

Dikenn, te well maro rai Jesus gar jaake sik pale, krell lo kowa, te dell lo i menshen gomme i tsiro, te wenn le pash leste. Kowa tchinas tumenge ninna maro kamlo phraal Paulo, koles o Dewel bud goswepen das.