Efesarja 3:20 - O Debleskro Drom 2021 (Sinte)

^20-21 Un job nai krell budeder, har mer lestar mangah, un budeder, hoi mer haiwah. Jaake bari hi leskri soor, hoi an mende kowa lauter krella. Mer lauter, kai patsah ap o Jesus Kristeste, sharas maro Debles kanna un hako tsiro. Amen.

O Debleskro Lab 2024 (Sinte-Manouche)

^20-21 Oun yob nay krell boudeder, har mer lestar mangah, oun boudeder, hoy mer hayvah. Yaake bari hi leskri zoor, hoy an mende kova lauter krella. Mer lauter, kay patsah ap o Yezous Kristeste, sharas maro Debles kanna oun hako tsiro. Amen.

Efesarja 3:20 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Mose 18:4

Tumenge well pani anlo, te thowenn tumare herja. Un beshenn tumen tel ko ruk!

2. Samuel 7:19

Un kanna hi kowa tuke gar doha. Baro Dewel, miro rai, tu penal mange, hoi mire tchawende kameh te dell, ninna an ko tsiro, hoi dur glan mende hi. Un tu mukeh kowa man, i menshes, te djinell.

1. Rajengro liil 3:13

Koi pashel dau tut, hoi tu gar mandar mangal, brawlepen un railepen, jaake te well kek baro rai har tu an tiro tsiro.

2. Familjakro liil 25:9

Un o Amazja putchas o Debleskro murshestar: “Un hoi hi kol sheel zentnarja rup, hoi me kol lurdende dran Israel dom?” O Debleskro mursh penas: “Pash o baro Debleste hi jaake, te nai dell lo tut budeder har tu len dal.”

2. Familjakro liil 9:12

Un o rai Salomo das i rajetsa dran Saba halauter, hoi li kamas un lestar mangas. Kowa his budeder, har kowa, hoi joi leske anas. Un palle djas li pale an lakro them, joi un lakre budepangre.

2. Mose 34:6

Job djas glan o Moseste dureder un das gole: “Me hom o baro Dewel. O baro Dewel hom me. Man hi i baro dji, pherdo kamlepen. Me wau gar sik chojedo. Miro latchepen hi baro un me dau mire menshen gar pre.

Kamlepaskri gili 5:1

Me wau an miri baar, hejo, miri pirni. Un lau mire sungepaskre rukengre, kashta un patria. Un chau miro gudlo gwin, un pijau miri mool un miro thud. Chan, mala, un pijenn! Un wenn mate an tumaro kamlepen!

Jesaja 35:2

Shukar har diwje blume well o them, un giwell un dell gole i bachtjatar. O baro Dewel krell les railo har i berge Libanon, un shukar har i berga Karmel un i tala Sharon. Un i menshe dikenn o railepen o baro Deblestar, ko baro koowa, hoi maro Dewel kras.

Jesaja 55:7

Koon kamas tchi o Deblestar te djinell, kowa te djal kanna peskro tchilatcho dromestar tele! Un kowa, kai tchilatcho koowa an peskro shero hi, job te mukell sawo koowa, un well pale pash maro baro Debleste, jaake te krell job peskro dji leske pre, un lell leskri doosh krik.

Jeremia 32:17

Baro Dewel, miro rai, tu kral o bolepen un i phub dran tiri bari soor un tiro sorelo wasteha. Un tchi hi koi, hoi nai kreh gar.

Jeremia 32:27

Dik, me, o baro Dewel, hom o Dewel pral i tsele menshende. Dell tchomone ap i phub, hoi nai krau gar?

Daniel 3:17

Maro Dewel, koles mer an-mangah, te kamell job, palle nai lell lo men win dran i bobeskri jag un dran tiro wast.

Daniel 6:20

Sik taissarlakro, har o kham gar pre djas, stas o baro rai pre, un djas sik pash i gruba, kai i lewe hi.

Mateo 3:9

Ma penenn: O Abraham hi maro dad! Me penau tumenge: O Dewel nai krell dran kal barra o Abrahameskre tchawen.

Johanni 10:10

Ko tchorepaskro wella, te tchorell lo kol bakren, te marell lo len, un te chal lo len. Me wom, te dap len o djipen, budeder har doha.

Remarja 16:25

Sharedo well o baro Dewel! Les hi i soor, te krell lo tumaro patsepen soreles. Jaake penell les o latcho lab, hoi me penau i menshenge, ko latcho lab o Jesus Kristestar. Kate well siklo o drom pash o Debleste. Kowa djinan le i rah tsiro gar.

Remarja 4:21

Peskro tselo djijeha djinas lo, o Dewel nai krell kowa, hoi job penas.

1. Korintarja 2:9

An o Debleskro lab hi tchinlo: Ko latcho koowa, hoi kek jak dikas, un hoi kek kand shunas, un hoi an kek mensheskro dji dren was, kowa lauter dell o Dewel kolen, kai les o djijestar kamenna.

2. Korintarja 9:8

O Dewel nai dell tumen jaake bud, kai hi tumen hako tsiro doha halauterestar, jaake te nai denn tumer i wawaren tchomone.

Efesarja 1:19

Un me mangau lestar ninna, te haiwenn tumer, har bari leskri soor hi, hoi an mende hi, kai patsah. Koi soor hi i emligi bari soor,

Efesarja 3:7

Kau latcho lab penau i menshenge. O Dewel his mange latcho, te das lo man kai budi. Ninna das lo man i soor, te krap kowa.

Kolossarja 1:29

Dran kowa budrau i tseli sorjah, hoi o Jesus Kristo an mande das.

1. Timoteo 1:14

Jaake latcho his o Jesus Kristo mange, te das lo man ninna o patsepen ap leste un o kamlepen i wawarenge.

Hebrearja 11:19

Kolla laba wan o Abrahameske an o shero un job penas peske: O Dewel nai krell les i mulendar djido. Jaake baro his leskro patsepen ap o Debleste. Doleske das les o Dewel o tchawes pale, un job hunte maras les gar. Kowa his leske jaake, har te wals lo i mulendar djido.

Hebrearja 7:25

Doleske nai krell lo, te djal kek kolendar nashedo, koon job pash o Debleste anas. Job djiwell hako tsireske, un mangell o Debles lenge.

Jakobo 4:12

O Dewel kokres hi o tchatchepaskro rai. Job nai dell jekes i phagi, un mukell i wawares te djal. Koon hal tu, te sikreh tu ap o wawareskri doosh?

2. Petro 1:11

Un o Dewel lell tumen latches pash peste an o bolepen pre, kai hi maro rai, o Jesus Kristo, o rai hako tsiro, – job, kai las men dran i tseli bibacht win.

Judas 1:24

Maro Debles hi i soor, te rikrell lo tumen ap leskro drom, te hatsell lo kek doosh ap tumende ap ko diwes, kai han glan leste tardo, un dikenn leskro railepen, un han bachteles.