Efesarja 3:18 - O Debleskro Drom 2021 (Sinte)

¹⁸ Jaake nai haiwenn tumer i tsele patslentsa, har baro o Jesus Kristeskro dji tumenge hi,

O Debleskro Lab 2024 (Sinte-Manouche)

¹⁸ Yaake nay hayvenn t'mer i tsele patslentsa, har baro o Yezous Kristeskro dji t'menge hi,

Efesarja 3:18 ပူးပေါင်းရင်းမြစ်များ

2. Familjakro liil 6:41

Un kanna, baro Dewel, maro rai, ste pre, un dja pash koi platsa, kai khere hal, tu un ko mochton, hoi men tiri bari soor sikrell. Baro Dewel, maro rai, tchip o tchatchepen pral tire rashajende har i ripen! Mu denn tire menshe gole i bachtjatar pral tiro latchepen!

Debleskri gili 103:17

O latchepen o baro Deblestar hi gar jaake. Kowa atchella hako tsireske. An kek tsiro lell lo les krik kolendar, kai djiwenn leha. Ninna lengre tchawenge un kolengre tchawenge rikrell job peskro lab,

Debleskri gili 116:15

O baro Dewel dikell i dukentsa ap o merepen peskre menshendar.

Debleskri gili 132:9

Tchip o tchatchepen pral tire rashaja har i ripen! Mu denn tire menshe gole i bachtjatar!

Debleskri gili 139:6

Tu prindjreh man jaake mishto, kowa hi mange bares un phares. Me nai haiwau kowa gar.

Debleskri gili 145:10

Kolla lauter, kai tu kral, mu sharenn le tut, baro Dewel, mu parkrenn pen pash tute kolla, kai tire hi,

Jesaja 55:9

Jaake dur o bolepen pral i phub hi, jaake dur hi ninna mire dromma pral tumare dromma, un kowa hoi mange an miro shero djal, hi feteder har kowa, hoi tumenge an tumare sherja djal.

Zakarie 14:5

Koi tala djal jaake dur har Azel. An koi tala mank o baro Debleskre berge nashenn tumer tumenge jaake, har tumare phure nashan penge, har i berge trissan an ko tsiro, kai o Usija o baro rai pral o them Juda his. Un palle well miro baro Dewel. Un leskre tsele bolepangre wenn khetne leha.

Johanni 15:13

Kekes hi bareder kamlepen har kowa, kai merell peskre malenge.

Remarja 10:3

Jon haiwenn gar, har o Dewel i menshen an o tchatchepen tchiwella. Un jon djan ap pengro drom, un djiwenn pal pengro tchatchepen. Jaake krenn le gar, hoi o Dewel lendar kamella.

2. Korintarja 13:13

O latchepen maro rajestar, o Jesus Kristestar, djal tumentsa! Un o Debleskro kamlepen well an tumende! Un o Debleskro Ducho atchell pash tumende!

Galatarja 2:20

Kowa hom gar me, kai djiwau kanna. Hi o Jesus Kristo, kai djiwell an mande. Un ko djipen, hoi kanna djiwau, djiwau me an o patsepen ap o Debleskro tchaweste. Job kamas te djiwap, un das peskro djipen mange an o merepen.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

Efesarja 1:10

Te well o tchatcho tsiro, anell lo halauter khetne, hoi hi an o bolepen un ap i phub. Un o Jesus Kristo well o rai pral halauter.

Efesarja 1:15

Me shunom, har baro hi tumaro patsepen ap maro rajeste, o Jesuseste. Ninna kamenn tumer i tsele patslen o djijestar.

Efesarja 3:19

ninna te hi leskro kamlepen bareder har lauter, hoi an mare shere dren djala. Te haiwah leskro kamlepen bud un budeder, palle djiwell o Dewel bud un budeder an mende.

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

Debleskro tsiro 3:21

Kowa, kai soreles an o patsepen atchas, un gar pre das, kowa nai beshell pes mantsa ap miro rajeskro beshepaskro, jaake har me ninna soreles tardo homs, un me beshom man miro dadeha ap leskro rajeskro beshepaskro.