Efesarja 2:3 - O Debleskro Drom 2021 (Sinte)

³ His i tsiro, kai djiwam mer halauter har jon, un kram o tchilatchepen, hoi an mende hi. Mer kram, hoi mer kamam, un hoi menge an o shero was. Un o Debleskri choli his ninna pral mende har pral kol wawar menshende.

O Debleskro Lab 2024 (Sinte-Manouche)

³ His i tsiro, kay djivam mer halauter har yon, oun kram o čilačepen, hoy an mende hi. Mer kram, hoy mer kamam, oun hoy menge an o shero vas. Oun o Debleskri rholi his ninna pral mende har pral kol vavar menshende.

Efesarja 2:3 ပူးပေါင်းရင်းမြစ်များ

1. Mose 5:3

Har o Adam 130 (sheel-te-triin-deesh) bersha phuro his, was job o dad i tchawestar, kai win dikas har job. Un das les ko lab Set.

1. Mose 6:5

O baro Dewel dikas, kai o menshengro tchilatchepen baro hi ap i phub. Halauter, hoi len an lengre djia hi, his tchilatcho o tselo diwes.

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

Hiob 14:4

I tsele menshen hi doosh ap pende. Har nai well lendar jek, koles kek doosh ap peste hi?

Hiob 25:4

Glan o Debleskre jaka hi kek mensho an o tchatchepen tardo. Kek mensho hi erligo glan leste.

Debleskri gili 51:5

Awa, djinau, kai anom doosh ap mande. Un ko tchilatcho koowa, hoi krom, hi man o tselo tsiro glan mire jaka.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Markus 4:19

Palle dikenn le ap i phubjakro koowa. Jon kamenn brawelo te well, un o brawlepen krell len gar bachtelo. Un len hi bok pal bud wawar koowa. Un kowa lauter tassrell ko lab, hoi shunan le. Un ko lab nai rakrell buder gar an lengro dji.

Johanni 1:13

Kowa wan le gar, har jon boldo wan. O newo djipen was gar dran o menshengro kamlepen. Na-a, o newo djipen lan le kokres o Deblestar.

Johanni 8:44

Tumaro dad hi o beng. Un tumer krenna, hoi tumaro dad ninna kamella. Job hi jek, kai marell i menshen hako tsiro. Un job hi gar an o tchatchepen tardo. O tchatchepen hi gar an leste. Te rakrell job o chochepen, well kowa dran leste. Job hi i chocheno, un anas o chochepen ap kai phub.

Bičepangre 14:16

An o phuro tsiro mukas job i menshen, kai kek bibolde hi, jaake te djiwell, har jon kaman.

Remarja 1:24

Doleske mukas o baro Dewel len an pengro djungelo koowa te perell, hoi an lengre djia hi, te krenn le wi-ladjedo koowa jek o wawareha.

Remarja 11:30

Glan i tsiro shunan tumer gar ap o Debleste. Un palle was o Debleskro kamlepen ap tumende. Kowa was an kau tsiro, kai i bibolde gar ap leste shunan.

Remarja 13:14

Djiwas jaake har maro rai, o Jesus Kristo, djiwas! Te kamell o djungelo koowa an tumaro shero te well, palle penenn: Na-a!

Remarja 2:14

Mank i menshende, kai prindjrenn gar o Moseskre laba, hi sawe, kai krenna, hoi o Dewel kamella, ninna te was kowa lende gar siklo. Lenge penell lengro dji, hoi latcho un tchatcho hi.

Remarja 5:10

Dikenn! Ap ko tsiro, kai kamam o Deblestar tchi te djinell, meras o Debleskro tchawo menge. Leskro merepen anas men pash o Debleste, te djiwas pale leha khetne. Un kanna ham o Debleskre mala. Un leskro tchawo djiwella, te djas mer gar nashedo.

Remarja 5:9

Leskro rateha kras lo men tchatcho glan o Debleste. Doleske nai djinah soreles: O Debleskri choli well buder gar ap mende. O Jesus Kristo kras lauter mishto.

Remarja 6:12

Mukenn gar o tchilatchepen o rai pral tumende te well! Tumer djinenn, kai well o diwes, kai hunte merenn. Ma krenn ko djungelo koowa, hoi an tumaro dji hi!

Remarja 7:18

Me djinau, kek latchepen djiwella an mande – an miro mass. Me kamau o latchepen te krell, un man hi kek soor, te krap les.

Remarja 9:22

Jaake hi kowa ninna o Debleha. Job kamas, te sikrell lo peskri soor, un te well peskri choli pral i menshende, kai nashedo hi. Ninna te kamas lo kowa te krell, rikras lo peskri choli i rah tsiro lendar pale.

1. Korintarja 4:7

Koon penas tuke, te hal tu feteder har ko wawar? Kowa, hoi tut hi, hi tut o Deblestar. Te das job tut lauter, hoske shareh tut?

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

Galatarja 3:22

O Debleskro lab penella, kai hi hako mensho pandlo ap o tchilatchepen. Ko jek drom, kai anell men win dran o tchilatchepen, hi o patsepen ap o Jesus Kristeste. Kowa penas o Dewel.

Efesarja 2:2

Tumer djan ap o tchilatcho drom, jaake har i wawar menshe, un shunan ap o bengeste. Kowa hi o rai pral i tchilatche sorja mashkral o bolepen un i phub. Un job budrell an i djia kolendar, kai shunenn gar ap o Debleste.

Efesarja 4:22

Ma djiwenn buder gar tumaro phuro djipen! An tumaro phuro djipen was o tchilatcho koowa baro an tumare djia, un tumer kran, hoi tumenge gar mishto hi. Sawo koowa krell tumaro djipen paash.

Kolossarja 1:21

Ninna tumen anas o Dewel pash peste. Glan i rah tsiro djiwan tumer dur lestar, kran tchilatcho koowa, un kaman o Debles gar.

1. Tessalonikarja 4:13

Mire phrala, mer kamah, te djinenn tumer, hoi hi kol patslentsa, kai meran, te well tumenge gar ropaske har kolenge, kai prindjrenn o Debles gar un djinenn gar, hoi pal o merepen wella.

1. Tessalonikarja 5:6

Doleske, te sowas mer gar har i wawar, te rikras mare jaka pre, un te das jak har djiwah!

1. Timoteo 6:9

Kolla, kai kamenn brawele te well, kolla perenn an o bengeskro wast, un anenn pen an bud dinelo un djungelo koowa. Un kowa anell len an i bibacht un mukell len tele te djal.

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

1. Petro 1:14

Tumer han o Debleskre tchawe. Doleske shunenn ap leste, un djiwenn buder gar jaake har an ko tsiro, kai prindjran tumer o Debles gar un kran o tchilatchepen, hoi an tumende his.

2. Petro 2:14

An lengre jaka dikeh, kai dikenn le pal haki djuwjate. Hako tsiro hi len bok pal tchilatcho koowa. Un jon anenn kolen o tchatcho dromestar tele, kai hi gar sorelo an o patsepen. Lengro dji hi pherdi bok pal i lowe. Praassedo hi le!

2. Petro 2:18

Jon rakrenn bare laba, kai tchi moldo hi. Lengro wi-ladjedo djipen tserdell kolen ap o tchilatcho drom, kai dan glan i tikno tsiro pengro phuro djipen pre.

1. Johanni 2:16

Pash i menshende ap kai phub djal lauter pal jek koowa: chapen un pipen, romedinepen un khelepen, brawlepen un sharepen. Kowa lauter well gar o Deblestar, maro dadestar. Kowa lauter hi phubjakro koowa.

1. Johanni 2:8

Ko phuro lab hi ninna newo. O Jesus djiwas pal ko lab un tumer djiwenna ninna jaake. Ap kowa dikenn le, kai i rat pale djala, un o diwes wella.