Efesarja 2:19 - O Debleskro Drom 2021 (Sinte)

¹⁹ Kanna han tumer buder gar sawe menshe, kai win hi un o Debles gar prindjrenna. Na-a, khetne kol wawar patslentsa han tumer kanna o Debleskre menshe un han khere pash leste.

O Debleskro Lab 2024 (Sinte-Manouche)

¹⁹ Kanna han t'mer bouder gar save menshe, kay vin hi oun o Debles gar prindjrenna. Na-a, khetne kol vavar patslentsa han t'mer kanna o Debleskre menshe oun han khere pash leste.

Efesarja 2:19 ပူးပေါင်းရင်းမြစ်များ

Mateo 10:25

Jek, kai djal an o sikepaskro kheer, koleske hi doha, te djinell lo jaake bud har peskro sikepaskro. Un i budepaskro, koleske hi doha, te haiwell lo jaake bud har peskro rai. Un te penenn le ap o rajeste pral o kheer: Beng! palle kharenn le ninna kolen jaake, kai an leskro kheer djiwenna. Doleske ma darenn lendar!

Galatarja 6:10

Doleske kras latcho koowa jaake bud, har krah nai, hake menshenge, budeder kol patslenge.

Efesarja 2:12

Ap ko tsiro prindjran tumer o Jesus Kristes gar un hans gar o Debleskre menshendar. Ko latcho koowa, hoi o Dewel peskre menshenge penas, te dell lo len, his gar tumenge. Tumer prindjran o Debles gar, un djiwan har an i kali rat un dikan kek momeli glan tumende.

Efesarja 3:15

Job hi o tchatcho dad leskre tsele tchawendar an o bolepen un ap i phub.

Efesarja 3:6

Job sikras len, te nai wenn ninna kolla o Debleskre tchawe, kai kek bibolde hi, te djiwenn le leha khetne. O latcho lab o Jesus Kristestar hi ninna lenge, jaake har o Dewel glan i rah tsiro penas.

Filiparja 3:20

Maro them, kai khere ham, hi o bolepen, kai o rai, o Jesus Kristo, hi. Mer dikah ap ko diwes, kai well lo pale, un te dell lo men o djipen, hoi gar pre-herella.

Hebrearja 11:13

Kol phure patsle meran lauter. Ninna te lan le kowa gar, hoi kamas o Dewel len te dell, patsan le, te lenn le les. Jon dikan kowa dur glan pende, un his bachtelo pral kowa. Jon penan pendar, te hi len kek them ap i phub, un te hi le kate gar khere.

Hebrearja 13:14

Ap kai phub hi men kek foro, kai nai atchenna. Na-a. Mer dikah ap ko tsiro, kai djiwah an o Debleskro foro, hoi wella.

1. Petro 2:11

Kamle mala, tumer djinenn, kai han gar khere ap kai phub. Me mangau tumen, awenn sorelo! Te well o djungelo koowa an tumare djia pre, palle penenn: “Na-a!” ap kowa un krenn les gar!

1. Johanni 3:1

Dikenn, har baro o Debleskro kamlepen menge hi. O Dewel, maro dad, penell ap mende: “Mire tchawe.” Un tchatchepah, kolla ham mer. Dran kowa haiwenn men kol menshe gar, kai o Debles gar prindjrenna. Jon haiwenn gar, koon job hi.