Efesarja 1:5 - O Debleskro Drom 2021 (Sinte)

⁵ te penas lo glan i rah tsiro an peskro dji, te was mer leskre tchawe. Un o Jesus Kristo kras, te wam mer o Debleskre tchawe, jaake har o Dewel kowa kamas,

O Debleskro Lab 2024 (Sinte-Manouche)

⁵ te penas lo glan i rah tsiro an peskro dji, te vas mer leskre čave. Oun o Yezous Kristo kras, te vam mer o Debleskre čave, yaake har o Devel kova kamas,

Efesarja 1:5 ပူးပေါင်းရင်းမြစ်များ

Jeremia 3:19

Me, o baro Dewel penom, har nai rikrau me tut, har te wess tu miro tchawo? Kamoms te dap tut ko latcho them, ko shukester kotar them i tsele themendar. Un patsom, tu peness palle ap mande ‘kamlo tata’, un djals buder gar mandar krik.

Jeremia 3:4

Un kanna peneh ap mande: ‘Kamlo dad, tu hal miro maal jaake rah har djiwau.

Mateo 1:25

Jaake rah, har ko ternepen gar boldo was, tchiwas lo pes gar pash late. Un har o tchawo boldo was, das job les o lab Jesus.

Mateo 11:26

Awa tata, jaake kamal tu kowa.

Louka 10:21

An ko tsiro das o Debleskro Ducho o Jesuses i bari bacht an o dji. Un job penas: “Tata, tu hal o rai pral o bolepen un i phub, un me sharau tut. Kowa, hoi tu kreh, sikral tu kolende, kai gar bud djinenna. Un kolla, kai gosewo hi un bud djinenna, kolla haiwenn kowa gar. Awa, jaake kamal tu kowa.

Louka 11:32

Ap ko tsiro, kai rakrell o Dewel o tchatchepen win pral i tsele menshende ap i phub, stenna ninna i menshe dran o foro Ninive pre. Un jon penenna, te hi kal menshe, kai kanna djiwenna, tchilatcho. Glan rah tsiro penas o Debleskro rakepaskro, o Jona, i menshenge an o foro Ninive o Debleskro lab. Un jon mukan pengro tchilatcho drom, un djan ap o Debleskro drom. Kawa, kai glan tumende tardo hi, kawa hi bareder har o Jona.”

Louka 12:32

Ma darenn! Kate han tumer gar bud un gar an-diklo. O Dewel, kai hi tumaro dad an o bolepen, kowa kamella, te lenn tumer leskro brawlepen un railepen.

Johanni 1:12

Halauter kolla, kai lan les pre un ap leste patsan, kolen das job i soor, te wenn jon o Debleskre tchawe.

Johanni 11:52

un gar i biboldenge kokres. Job hunte merella ninna, te anell lo i tsele Debleskre tchawen khetne.

Johanni 20:17

Penas o Jesus ap late: “Ma tape ap mande! Me djom gomme gar pash o dadeste pale. Dja pash mire phralende un pen lenge: Me djau pash miro dadeste un pash tumaro dadeste un pash miro Debleste un pash tumaro Debleste.”

Bičepangre 13:48

Har kolla, kai hi kek bibolde, kowa shunan, wan le bachtelo, un sharan o Debleskro lab. Un lauter kolla wan patslo, kai o Deblestar win rodedo wan, te lenn jon ko djipen, hoi gar pre-herella.

Remarja 8:23

Un gar kolla kokres, na-a, men ninna hi duka un dikah o tselo djijeha ap ko tsiro, kai wah tchatchepah Debleskre tchawe un merah buder gar. Ninna te hi men kanna o Debleskro Ducho an mende, dikah ap ko tsiro, kai merah buder gar.

1. Korintarja 1:1

Kau liil tchinau me, o Paulo. O Jesus Kristo rodas man win, te wap leskro bitchepaskro. Kowa kamas o Dewel jaake. Un me un maro phraal Sostenes tchinah kau liil

1. Korintarja 1:21

Ninna te dikenn i menshe o Debleskro goswepen an halauter, hoi job kras, prindjran jon pengro goswepah o Debles gar. Doleske hatsas o Dewel i wawar drom. Job lell kol menshen dran o tchilatchepen win, kai patsenn ap o rakepen pral o Jesuseskro merepen ap o trushel. Kol wawar menshe, kai gar patsenna, penenna: “Kowa hi i dinelo rakepen, hoi tumer kate rakrenna.”

2. Korintarja 6:18

Un me kamau tumaro dad te well, un tumer han mire tchawe un mire tcha. Kowa penell o baro Dewel, kai hi o rai pral o bolepen un i phub.

Galatarja 3:26

Dran tumaro patsepen ap o Jesus Kristeste han lauter Debleskre tchawe.

Efesarja 1:11

Job kras, te wam mer o Debleskre tchawe. Un ko bolepaskro brawlepen, hoi leskro hi, well ninna maro. Kowa kamas o Dewel glan i rah tsiro jaake. Un lauter, hoi job kamella, krell lo.

Efesarja 1:9

Kek mensho djinas, hoi o Dewel kamas te krell. Mende sikras lo, hoi les an peskro dji hi. Kowa, hoi job kamell te krell, krell lo o Jesus Kristeha.

Filiparja 2:13

Job sikrell tumen, hoi job kamella. Ninna krell lo an tumende, te kamenn tumer kowa, hoi job kamella, un te nai krenn kowa ninna.

Kolossarja 1:19

O Debles his an peskro dji, te djiwell lo an peskro tchaweste, te well o tchawo jaake har o dad.

2. Tessalonikarja 1:11

O Dewel rodas tumen win, te djiwenn pash leste. Doleske mangah lestar hako tsiro, te djiwenn tumer kanna jaake ap kai phub, har job kowa peskre tchawendar kamella. Ninna mangah lestar, te dell lo tumen i soor, te nai krenn o latcho koowa, hoi kamenn te krenn dran tumaro patsepen.

Hebrearja 2:4

Un o Dewel das len peskri soor, te krenn le baro un sorelo koowa, hoi kek wawar mensho nai krella. Jaake sikras lo, te penan le o tchatchepen. Ninna das lo i patslende peskro Ducho un peskri soor, te krenn le peskri budi mashkral i menshende. Hakeneste das lo i soor, te krell job koi budi, hoi o Dewel lestar kamas.

1. Johanni 3:1

Dikenn, har baro o Debleskro kamlepen menge hi. O Dewel, maro dad, penell ap mende: “Mire tchawe.” Un tchatchepah, kolla ham mer. Dran kowa haiwenn men kol menshe gar, kai o Debles gar prindjrenna. Jon haiwenn gar, koon job hi.

Debleskro tsiro 21:7

Kowa, kai soreles an o patsepen atchas, un gar pre das, kowa lell kau shukar koowa mandar. Me wau leskro Dewel. Un job well miro tchawo.