Efesarja 1:23 - O Debleskro Drom 2021 (Sinte)

²³ Kolla hi leskre. Job djiwell an lende peskri tseli sorjah. Un leskri tseli soor hi an halauter an o bolepen un ap i phub.

O Debleskro Lab 2024 (Sinte-Manouche)

²³ Kolla hi leskre. Yob djivell an lende peskri tseli zoryah. Oun leskri tseli zoor hi an halauter an o bolepen oun ap i phoub.

Efesarja 1:23 ပူးပေါင်းရင်းမြစ်များ

Johanni 1:16

Mer halauter lam pale un pale bud latchepen lestar, kai les jaake bud hi.

Remarja 13:5

Doleske hunte shuness ap lende, gar kokres dran i daar glan i phagi, na-a, ninna dran tiro dji, hoi tuke penell, te kress tu o latchepen.

1. Korintarja 12:6

Un della bud dromma, har o Debleskro Ducho an i patslende budrella. Hi jek Dewel, kolestar kowa lauter wella.

1. Korintarja 15:28

Te was o Jesus Kristo o rai pral halauter, tchiwell job pes ninna tel o Debleskro wast, te well o Dewel ninna o rai pral o tchaweste. Un o Dewel kokres hi o rai pral halauter.

Efesarja 2:16

Har meras lo ap o trushel, anas lo kol dujen khetne o Debleha, te wenn le leskre mala. Kote las lo o tchingepen lendar krik, hoi mashkral lende his.

Efesarja 3:10

Kanna dikenn i raja un i pralstune an o bolepen, har baro o Debleskro goswepen hi. Kowa dikenn le ap kowa, hoi job i patslenge kras.

Efesarja 3:19

ninna te hi leskro kamlepen bareder har lauter, hoi an mare shere dren djala. Te haiwah leskro kamlepen bud un budeder, palle djiwell o Dewel bud un budeder an mende.

Efesarja 4:10

Kowa, kai was tele ap i phub, hi ninna kowa, kai djas pre an o pralstuno bolepen, te djiwell lo an o bolepen un ninna ap i phub.

Efesarja 4:12

Lauter kolla krenn pengri budi, te wenn i tsele patsle soreles an o patsepen, un te haiwenn le o Debleskri budi mishto te krell.

Efesarja 4:13

Kowa te well jaake, palle ham mer lauter khetne an jek patsepen, un prindjrah o Debleskro tchawes mishto. Bud un budeder haiwah, hoi job mendar kamella, bis te djiwah jaake har job djiwas.

Efesarja 4:4

Tumer patsle han jek familja. Tumen hi o emligo Debleskro Ducho an tumende. Un o Dewel das tumen gole, te djiwenn tumer lauter leha khetne.

Kolossarja 1:24

Un kanna hom bachtelo an kol duka, hoi anom tumenge ap mande. Jaake har o Jesus Kristo anas duka ap peste i patslenge, jaake hunte anap me ninna duka ap mande i patslenge.

Kolossarja 2:19

Jon rikrenn pen gar ap o Jesus Kristeste, ko rai pral i tsele patslende. Jaake har i kokale i menshes khetne rikrenna, jaake rikrell job i patslen khetne pash leste, un dell len lauter, hoi len hunte well djipaske. Un jon wenna baro un sorelo an o patsepen jaake, har o Dewel kowa kamella.

Kolossarja 3:11

Kote, kai o Dewel i menshen newes kras, kote hi jek jaake bud moldo har o wawar: I bibolde un kolla, kai kek bibolde hi; kolla, kai ap o mass tchinlo hi un kolla, kai gar ap o mass tchinlo hi; wi-themarja un diwje; raja un budepangre. O Jesus Kristo djiwell an hakeneste mendar.

Kolossarja 3:15

O Jesus Kristo das tumen pash peste gole, te djiwenn lauter leha khetne. Djiwenn kanna jaake, te han tumer jek dji un jek djipen! Un parkrenn tumen pash o Debleste!