Efesarja 1:12 - O Debleskro Drom 2021 (Sinte)

¹² Doleske sharas mer maro baro Debles! I rah tsiro das maro dji pal o Kristeste gole, ko baro rajeste, kolestar o Dewel penas, te well job. Un kanna hi lo kai.

O Debleskro Lab 2024 (Sinte-Manouche)

¹² Doleske sharas mer maro baro Debles! I rah tsiro das maro dji pal o Kristeste gole, ko baro rayeste, kolestar o Devel penas, te vell yob. Oun kanna hi lo kay.

Efesarja 1:12 ပူးပေါင်းရင်းမြစ်များ

Debleskri gili 2:12

Tchumrenn o tchawes, te well lo gar chojedo ap tumende, un tumer ap o drom merenna. Leskri choli nai chatchella sik. Bachtele hi kolla lauter, kai khatrenn pen pash leste.

Jesaja 11:10

Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.

Jesaja 12:2

O Dewel lell man dran i bibacht win. Me rikrau ap leste, un darau gar. Peskri sorjah was o baro Dewel ap miri rig. Miri giljah sharau les dran o dji. Job las man win.

Jesaja 45:23

Me dom man sowel pash mande kokres, un hoi penom, hi tchatcho un nai well gar krik lino: Hakeno hunte witsrell pes glan mande ap i phub, un hako mui dell pes sowel

Jesaja 45:25

O baro Dewel tchiwell o tselo Israel an o tchatchepen. Un jon wenn bachtelo pral kowa, hoi me, o baro Dewel, krom.

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

Johanni 14:1

“Tumaro dji hunte trashell gar. Patsenn ap o Debleste un patsenn ap mande!

Efesarja 1:6

te sharas mer leskro baro latchepen. Job his jaake latcho ap mende, te das lo peskro kamlo tchawes menge!

Efesarja 2:7

Jaake baro hi leskro latchepen ap mende, kai patsah ap o Jesus Kristeste. Ninna an ko tsiro, hoi wella, dikenna i menshe, har baro leskro latchepen ap mende hi.

2. Tessalonikarja 2:13

Mire phrala, mer hunte parkras men tumenge pash o Debleste hako tsiro. Maro rai Jesus kamell tumen o djijestar. Glan i rah tsiro, har o Dewel kras o bolepen un i phub, rodas lo tumen win, te djiwenn leha khetne an leskro railepen. Har patsan tumer leskro tchatcho lab, das lo peskro Ducho an tumende. Un kowa krell, te djiwenn tumer i djudjo djipen glan leste.

2. Timoteo 1:12

Doleske hunte lap kawa lauter ap mande kate an o stilepen, un me ladjau gar. Me djinau, ap koneste patsaua. Un me djinau, kai o Jesus Kristo rikrell peskre wasta pral kowa, hoi job an miro wast das, bis te job pale wella.

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.

1. Petro 1:21

Job anas tumen ap o Debleskro drom. O Dewel kras les i mulendar djido, un das les peskro railepen. Doleske tchiwenn tumaro tselo patsepen ap leste!