Debleskro tsiro 9:8 - O Debleskro Drom 2021 (Sinte)

⁸ Un lengre balla his har djuwjengre balla. Un len his danda har i bari diwji margodja.

O Debleskro Lab 2024 (Sinte-Manouche)

⁸ Oun lengre balla his har djouvyengre balla. Oun len his danda har i bari divyi margodja.

Debleskro tsiro 9:8 ပူးပေါင်းရင်းမြစ်များ

2. Rajengro liil 9:30

Har o Jehu an o foro Jesreel was, un i Isebel kowa shunas, kras joi peskre jaka shukar un peskre balla ap o shero railes, un dikas dran i wochni win.

Debleskri gili 57:4

Dran o bolepen mu well lo mange ap i rig, un lell man win dran o praassepen kolestar, kai man palla lell. O Dewel mu sikrell man, te hi lo mange latcho, un te rikrell lo pash mande.

Jesaja 3:24

Un palle well, te hi djungeli khand, kai shukar sungepen his, un kote, kai i shukar pereskro pandepen his, hi kanna i dori. Un kolat, kai shukar bal his, kolat hi palle kek bal ap o shero, un kolat, kai kutch koola his, koja riwell palle i gono trul peste. Un kote, kai shukapen his, hi kanna tchi har i ladj.

Joel 1:6

Bud bud stepangre peran an maro them dren. Len hi danda har lewen hi.

Remarja 9:29

Kowa hi jaake har o Debleskro rakepaskro, o Jesaja, penas: Te mukals o Dewel, ko rai pral o bolepen un i phub, gar tchawe mendar te atchenna pral, palle merans mare tsele menshe jaake har i menshe an i forja Sodom un Gomorra.

1. Timoteo 2:9

Ninna kamau, te riwell i djuwel kek wi-ladjede ripja. Te riwell li pes gar jaake, te dikell hakeno ap late. Lakro shukapen te well gar diklo an kowa, har joi peskre balla hidjrella, witar gar an o sonakai un wawar kutch koowa, witar gar an kutch ripja.

1. Petro 3:3

Tumaro shukapen hunte well gar diklo an kowa, hoi i menshe dikenna: har tumer tumare balla hidjrenna, witar gar an o sonakai un kutch ripja!