Debleskro tsiro 9:20 - O Debleskro Drom 2021 (Sinte)

²⁰ Un kol wawar menshe, kai gar maredo wan, kolla mukan gar pengro tchilatcho drom, un mukan gar tele, te mangenn le kowa an, hoi jon pen pengre wastentsa kran. Jon mukan gar tele, te mangenn le i bengen an, witar gar kol figuren dran sonakai, rup, saster, barra un kasht, hoi gar nai dikenna, un gar nai shunenna, un gar nai nashenna.

O Debleskro Lab 2024 (Sinte-Manouche)

²⁰ Oun kol vavar menshe, kay gar maredo van, kolla moukan gar pengro čilačo drom, oun moukan gar tele, te mangenn le kova an, hoy yon pen pengre vastentsa kran. Yon moukan gar tele, te mangenn le i bengen an, vitar gar kol figuren dran sonakay, roup, saster, barra oun kasht, hoy gar nay dikenna, oun gar nay shounenna, oun gar nay nashenna.

Debleskro tsiro 9:20 ပူးပေါင်းရင်းမြစ်များ

2. Rajengro liil 22:17

I menshe an Jerusalem mukan man un anan wawar deblenge viechen, te choirenn le man halautereha, hoi le pengre wastentsa kran; doleske well miri choli har i jag ap kau foro, un kek nai krell les win.”

2. Familjakro liil 28:22

Ninna te his ko tsiro jaake pharo o baro rajeske Ahas, anas lo i budeder doosh ap peste glan o baro Debleste.

2. Familjakro liil 34:25

I menshe an Jerusalem mukan man un anan wawar deblenge sungepaskro koowa. Halautereha, hoi le pengre wastentsa kran, choiran le man. Doleske well miri choli har i jag ap kau foro, un kek nai krell les win.’

Debleskri gili 106:37

Jon maran pengre tchawen un tchen i bengenge.

Jesaja 2:8

Ninna hi o them pherde chochene deblen, un jon witsrenn pen tele glan kolende, kolen jon pengre wastentsa kran.

Jesaja 41:7

O budepaskro, kai kras i figura, penell ap koleste, kai tchiwell sonakai trul late: Ko kral tu mishto! Un kowa, kai das o sonakai sano, penell ap koleste, kai kol kotja khetne tchiwas: Hi mishto jaake! Ko rikrell. Un jon denn saster an koi figura, te atchell li soreles tardo.

Jeremia 1:16

Un me dau i menshen an Juda i phagi lengro tchilatchepaske, hoi jon kran. Jon djan krik mandar un anan viechen wawar deblenge un mangan kol figuren an, hoi le pengre wastentsa kran.

Jeremia 25:6

Ma nashenn wawar deblenge palla, te perenn tele glan lende, te mangenn len an! Ma choirenn man kolentsa, hoi tumare wastentsa kran, te anap kek bibacht pral tumende!”

Jeremia 44:8

Tumer choirenn man koleha, hoi krenn kote an o them Egiptia, kai djan, te djiwenn koi. Tumer chatchrenn sungepaskro koowa wawar deblenge. Kamenn tumer halauter te merell? Kamenn, te praassenn tumen i menshe dran i tsele wawar themma un san pral tumende?

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Jeremia 51:17

Glan sau baro koowa hi hako mensho dineles koi tardo. Sawo koowa nai haiwell lo gar te krell. Kolla lauter, kai kran figure, te mangenn le len an, hunte ladjenna pen. Lengre figure hi kek tchatche debla, kek djipen hi an lende.

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

Daniel 5:4

Koi pashel sharan le i deblen dran sonakai, rup, lolo saster, wawar saster, kasht un bar.

3. Mose 17:7

I Israelitarja hunte marenn buder kek viechen i bengenge, kolenge jon kanna gomme palla nashenn. Ap kowa hunte rikrenn le pen, ninna lengre tchawenge un kolengre tchawenge un jaake dureder hako tsireske.

Micha 5:13

Kol kashta, hoi i debletsa Ashera sikrenn, tserdau win dran i phub, un tumare forja krau paash.

Mateo 21:32

Har o Johanni pash tumende was, te sikrell lo tumende o tchatcho drom, patsan tumer leske gar. I pale-tchidde un i lubja patsan ap leskre laba. Ninna har tumer dikan, te patsan kolla ap leskre laba, mukan tumer gar tumaro tchilatcho drom un patsan leske witar gar.”

Bičepangre 17:29

Mer te wah o Deblestar, palle hi kowa dinlepen, te patsenn tumer, kai hatsenn o Debles an kowa, hoi tumer tumare wastentsa kran dran sonakai, rup un barra.

Bičepangre 19:26

Tumer dikan un shunan, kai o Paulo i menshenge penella: I dewel, kai i wastentsa kerdo wella, hi kek dewel. I menshe an o foro Efesus un an o them Asia shunenn ap o Pauleskro rakepen.

Bičepangre 7:41

An ko tsiro kran le i grumni dran sonakai, te well kaja lengro dewel. Un jon anan viechen, maran len un chatchran len lake, un wan bachtelo pral kowa, hoi jon kran.

2. Korintarja 12:21

Me trashau te ladjap man tumenge glan o Debleste ap ko diwes, kai wau pale pash tumende, un te well mange ropaske pral budende, kai kamenn pengro phuro djipen gar pre te dell, un djiwenn an djungelo un wi-ladjedo koowa un lubrenn pen trujel jaake har kran le an ko tsiro, har jon gomme gar patslo his.

5. Mose 31:29

Me djinau, pal miro merepen dukrenn tumer o baro Debles, un djan ko dromestar tele, hoi tumende sikrom. Tumer krenn, hoi tchilatcho hi glan o baro Debleskre jaka, un mangenn wawar deblen an, un choirenn les koleha. Doleske well bari bibacht pral tumende.”

5. Mose 32:17

Jon anan viechen sawe deblenge, kai kek debla hi. Kolen prindjran jon glan kowa gar. Kolla wan newes pre. I phure mangan len gar an.

5. Mose 4:28

Un kote mangenn tumer kol deblen dran kasht un bar an, hoi menshengre wastentsa kerdo wan. Un kol debla nai dikenn un shunenn, nai chan un sungenn gar.

1. Timoteo 4:1

O Debleskro Ducho penell menge, te perenn i menshe o Debleskro dromestar tele an ko tsiro, hoi wella. Jon shunenn ap o chochepen, un ap kowa, hoi wella o bengestar.

Debleskro tsiro 15:1

Un me dikom i wawar baro koowa an o bolepen. Kowa his baro un dareno. Kote his efta bolepangre, kai anenn efta kope i bari phagi pral i phub. Pal koi eftati phagi well buder kek phagi. Palle hi o Dewel buder gar chojedo.

Debleskro tsiro 16:8

Un o starto bolepaskro tchoras peskro tcharo win pral o kham. Un o kham las i soor, te nai chatchrell lo i menshen.

Debleskro tsiro 9:19

I grajen hi lengri soor an lengre muja un an lengre porja. Lengre porja hi har sapa, un len hi shere. Kolentsa dukrenn le i menshen phares.

Debleskro tsiro 9:21

Un jon mukan gar pengro bengeskro koowa un pengro wi-ladjedo koowa, un mukan gar tele te marell un te tchorell.