Debleskro tsiro 8:12 - O Debleskro Drom 2021 (Sinte)

¹² Un o starto bolepaskro phurdas an peskri phurdepaskri. Un o kham las i dap, un o triinto kotar lestar was kalo. Ninna o tchon un i wawar bolepangre momlia lan i dap. Un o triinto kotar lendar was kalo. Jaake chatchas o kham gar ap o triinto kotar ap o diwes, witar gar chatchan o tchon un i bolepangre momlia ap o triinto kotar an i rat.

O Debleskro Lab 2024 (Sinte-Manouche)

¹² Oun o starto bolepaskro phourdas an peskri phourdepaskri. Oun o kham las i dap, oun o triinto kotar lestar vas kalo. Ninna o čon oun i vavar bolepangre momlia lan i dap. Oun o triinto kotar lendar vas kalo. Yaake rhačas o kham gar ap o triinto kotar ap o dives, vitar gar rhačan o čon oun i bolepangre momlia ap o triinto kotar an i rat.

Debleskro tsiro 8:12 ပူးပေါင်းရင်းမြစ်များ

Jesaja 13:10

I bolepangre momlia chatchenn buder gar. Hi sawe koi, kai dikeh buder gar. O kham well kalo, sik pal kowa kai lo pre djas. Un o tchon hi buder gar djelto.

Jesaja 24:23

Un o tchon well lolo i ladjatar, un o kham ladjell pes un khatrell pes. O baro Dewel, ko rai pral o bolepen un i phub, well o baro rai ap i berga Zion an o foro Jerusalem. Un i phureder dikenn leskro railepen.

Jeremia 4:23

Me dikom ap kai phub. Koja his mulo. Kek djipen his koi. Me dikom an o bolepen. Kowa his tamlo.

Joel 2:10

I phub un o bolepen trissenna glan lende, o kham un o tchon wenn kalo, un i bolepangre momlia chatchenn buder gar.

Amos 8:9

O baro Dewel, maro rai, penell: An ko diwes djal o kham tele mashkral o diwes. Un mashkral o diwes well i rati pral o them.

Mateo 24:29

Un sik pal kol tchilatche diwessa, well o kham kalo har i rat, un o moonto dikell kek buder. Un i bare momlia ap o bolepen perenn tele. Un i bolepaskri soor perell khetne.

Mateo 27:45

His deesh-te-dujenge, koi was o diwes kalo har i rat an o tselo them. Un kowa atchas jaake bis trinenge.

Markus 13:24

An kol diwessa pal ko tchilatcho tsiro, well o kham kalo har i rat, un o moonto dikell kek buder.

Markus 15:33

His deesh-te-dujenge, koi was o diwes kalo har i rati an o tselo them. Un kowa atchas jaake bis pash trinenge.

Louka 21:25

“Ap o kham un ap o moonto un ap i bolepangre momlia dikenn tumer baro koowa. Pral i menshende an bud themma well i bari traash, te dikenn le, har well o baro pani diwjo un hadell pes pral un dell bari gole.

Bičepangre 2:20

O kham well kalo, un o tchon well lolo har o rat. Koi djinenn tumer, te well ko baro diwes sik, kai well o rai Jesus pale.

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

Debleskro tsiro 12:4

Un leskri pori tserdell o triinto kotar kol bolepangre momelendar krik, un witsras len tele ap i phub. Un ko baro lolo sap hi glan koi djuwjate tardo, kai an o tsiro was, te well o ternepen. Un jaake sik, har ko ternepen wals, kamas les lo pre te chal.

Debleskro tsiro 16:10

Un o pantchto bolepaskro tchoras peskro tcharo win pral o viecho un leskro them, kai job o rai hi. Un i rati was ap lende. Un leskre menshe dandran ap pengri tchip i dukatar.

Debleskro tsiro 6:12

Un me dikom, har o terno bakro i shobti dori pre pandas, hoi ko liil khetne rikras. Koi trissas i phub soreles. Un o kham was kalo har i kalo gono. Un o tselo tchon was lolo har o rat.

Debleskro tsiro 9:15

Un kol starenge wan lengre shelle pre kerdo, te krenn le koi budi, hoi hunte krenn le ap kau diwes, an kau tchon, an kau bersh: Jon hunte marenn hako triinto menshes ap i phub.

Debleskro tsiro 9:18

Koi jag un koi khand maran hako triinto menshes.