Debleskro tsiro 7:4 - O Debleskro Drom 2021 (Sinte)

⁴ Un me shunom kitse menshe ko sikepen lan. Kolla his 144.000 (jek-sheel-te-star-deesh-te-star serja) menshe, kai wan dran i tsele menshende, kai wenna pal o Israeleskre deesh-te-dui tchawende.

O Debleskro Lab 2024 (Sinte-Manouche)

⁴ Oun me shounom kitse menshe ko sikepen lan. Kolla his 144.000 (yek-sheel-te-star-deesh-te-star zerya) menshe, kay van dran i tsele menshende, kay venna pal o Israeleskre deesh-te-douy čavende.

Debleskro tsiro 7:4 ပူးပေါင်းရင်းမြစ်များ

1. Mose 15:5

Un o Dewel anas les win un penas: “Dik an o bolepen! Un dik i bolepangre momlia! Nai peneh tu, har bud kolla hi? Jaake bud menshe wenna tutar.”

2. Mose 28:21

Un tchin an lende i laba o Israeleskre tchawendar, kolendar i deesh-te-dui bare familje wenn. Tchin an hako bar jek lab.

Ezekiel 47:13

Kawa penell o baro Dewel, maro rai: Kanna penau tuke, har baro kau them hi, un hawo kotar lestar lell hakeno kol deesh-te-dui tchawendar o Jakobestar. Denn hakeneste leskro kotar them, te atchell kowa leske hako tsireske! Kal deesh-te-dui kotja hi emliges baro. O kheer Josef lell dui kotja. Me dom man sowel, te dap kau them tumare phurende. Un jaake well lo tumenge, te atchell lo an tumare familje.

Ezekiel 48:19

Jon wenna dran kol tsele 12 (deesh-te-dui) bare familje an Israel.

Zakarie 9:1

Kawa hi o lab, hoi rakras o baro Dewel; kau lab well an o them Hadrach un djal bis an o foro Damaskus. Tchatchepah, o baro Dewel dikell ap i tsele menshende, gar kokres ap i menshende an Israel.

Mateo 19:28

Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.

Louka 14:22

Un pal i tsiro was o budepaskro pale un penas: Me krom, hoi tu penal. O kheer hi gar pherdo.

Louka 22:30

Un tumer chana un pijenna mantsa kote, kai me o baro rai hom, un han beshdo ap rajeskre beshepangre, un penenn o tchatchepen win pral i tsele menshende, kai wenna o deesh-te-dui Israeleskre tchawendar.”

Bičepangre 26:7

Mare menshe, kai wenna i deesh-te-dui Israeleskre tchawendar, kolla mangenn o Debles diwes un rati, te well kowa, hoi job mare phurenge penas. Baro Agrippa, me patsau, kai kowa was, kolestar o Dewel penas, te well job. Doleske kamenn man i bibolde i phagi te dell.

Remarja 9:27

Pral i Israelitarja rakras o Debleskro rakepaskro, o Jesaja, kol laba: Ninna te wans i Israelitarja jaake bud har i tikne barra pash o baro pani, kol budendar atchella jek wast pherdo pral, un well dran o Debleskri choli win.

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.

Debleskro tsiro 14:1

Un me dikom ko terno bakres ap i berga Zion tardo. Un leha his jek-sheel-te-star-deesh-te-star serja (144.000) menshe. Kolen hi o Jesuseskro lab un o lab leskro dadestar glan ap lengre shere tchinlo.

Debleskro tsiro 14:3

Un jon giwenn i newi gili glan o rajeskro beshepaskro, un glan kol star sorele bolepangre un glan kol tchatchepangre phurende. Un kek nai giwas koi gili, har kokres kol jek-sheel-te-star-deesh-te-star serja (144.000) menshe. O terno bakro plaissras lenge peskro rateha, te lell lo len i phubjatar win, un te anell lo len khetne o Debleske.

Debleskro tsiro 7:5

Deesh-te-dui serja wenna dran o Juda. Deesh-te-dui serja wenna dran o Ruben. Deesh-te-dui serja wenna dran o Gad. Deesh-te-dui serja wenna dran o Asser. Deesh-te-dui serja wenna dran o Naftali. Deesh-te-dui serja wenna dran o Manasse. Deesh-te-dui serja wenna dran o Simeon. Deesh-te-dui serja wenna dran o Levi. Deesh-te-dui serja wenna dran o Issachar. Deesh-te-dui serja wenna dran o Sebulon. Deesh-te-dui serja wenna dran o Josef. Deesh-te-dui serja wenna dran o Benjamin.

Debleskro tsiro 9:16

Un me shunom, kitse lurde ap pengre graja an o kurepen djan. Kolla his biish serja kope deesh serja.