Debleskro tsiro 6:8 - O Debleskro Drom 2021 (Sinte)

⁸ Un me dikom i grajes. Kowa his parno har i mulo. Un kowa, kai pre beshdo his, koleskro lab his “Mulo.” Un o merepen was pal leste. Un les was i soor dino, te marell lo i menshen ap o starto kotar i phubjatar. O charo, i diwje vieche, i bok un o nasslepen marenn len.

O Debleskro Lab 2024 (Sinte-Manouche)

⁸ Oun me dikom i grayes. Kova his parno har i moulo. Oun kova, kay pre beshdo his, koleskro lab his “Moulo.” Oun o merepen vas pal leste. Oun les vas i zoor dino, te marell lo i menshen ap o starto kotar i phoubyatar. O rharo, i divye firhe, i bok oun o nasslepen marenn len.

Debleskro tsiro 6:8 ပူးပေါင်းရင်းမြစ်များ

Gosewe laba 5:5

Joi tserdell tut peha an o merepen. Ko drom, kai li djal, anell an o mulengro them.

Jesaja 25:8

O merepen lell lo krik hako tsireske. O baro Dewel, maro rai, khossell palle hakeneske i swa tele. Un koi ladj, hoi ap peskre menshende tchiddo hi an hake themma, lell lo lendar krik. Kowa penas o baro Dewel.

Jeremia 14:12

Jon nai rikrenn pen pale o chapastar, un rowenn ap mande jaake bud har kamenn le, me shunau len gar. Ninna te chatchrenn jon mange viechen un chapen, dikau gar latches ap lende. Me marau len an o kurepen, ninna i bok un o nasslepen marenn le.

Jeremia 16:16

Me kamau bud matchepangren win bitchrell. Kolla hunte matchrenn len. Pal kowa bitchrau bud jegarjen win, te taprenn jon len, kai jon ninna hi: ap haki bari un tikni berga, un mank kol bare barra, kai khatran le pen.

Jeremia 16:4

Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

Jeremia 24:10

Me anau kurepen, bok un nasslepen mank lende, bis te kek lendar pral atchas an kau them, hoi dom len un lengre phurende.

Jeremia 29:17

O baro Dewel, ko rai pral o bolepen un i phub penell: Me bitchrau kurepen, bok un nasslepen mank lende, un krau lentsa, har te wans le djungele faige, hoi nai chal kek.

Jeremia 43:11

Job peskre lurdentsa well dren an o them Egiptia un well o sorleder. Palle merenn bud menshen, wawar wenn pandles lino, un wawar o chareha maredo. Hakeno well jaake tapedo har leske glan-wi diklo hi

Ezekiel 29:5

Me witsrau tut an o mulo them, tut un i tsele matche dran tire bare lengste panja. Ap i phub witsrau tut. Kote atcheh tchiddo. Un kek well, kai hadell tut pre un paskrell tut. Me dau tut i diwje viechenge un i tchirklenge chapaske.

Ezekiel 5:12

O triinto kotar tumendar merell ap i pharo nasslepen un i bokatar. Un i triinto kotar tumendar well glan o foro o chareha mulo dino. Un i triinto kotar tumendar tradau win ap hake rigja, un me lau len palla o chareha.

Hosea 13:14

Ginap me len win dran i soor, hoi o mulengro themes hi? Lap me len win dran o merepen? Tu, merepen, kai hi tut ko nasslepen, ap koleste i menshe merenn? Tu, mulengro them, kai hi tut ko pharo nasslepen, hoi anell i menshen pash tute? Kal menshe khaitenn man buder gar.

Habakuk 2:5

O brawlepen chochell o menshes. O pre-phurdo mensho atchella gar, ninna te krell lo peskro mui dur pre, har ko mulengro them, hoi well gar tchalo, ninna te lell lo jek them pal o wawar peske dren.

Zakarie 6:3

glan o triinto parne graja un glan o starto wurdin his kalo-parne graja. Jon halauter his sorelo.

Mateo 11:23

Un tumer menshe an o foro Kapernaum, patsenn tumer, kai wenn tumer an o bolepen hadedo? Na-a! Tumer djan an o mulengro them tele. O baro koowa, hoi krom an o Debleskri soor pash tumende, te kroms kowa an o foro Sodom, palle wals ko foro gomme kau diwes.

Mateo 24:7

I pralstune pral bare themma kurenn pen i wawar pralstunentsa. Un i menshe dran jek them marenn kolen an i wawar them. An bud themma hi i menshen gar doha te chal. Un kate un kote well i phub trisslemen.

1. Korintarja 15:55

Merepen, tiri soor hi krik! Merepen, tu dukreh kekes buder!

Debleskro tsiro 1:18

Me hom o djido. Un me homs mulo, un kanna hom djido un djiwau hako tsireske. Man hi i soor pral o merepen. Un man hi o klidepaskro an o mulengro them.

Debleskro tsiro 12:4

Un leskri pori tserdell o triinto kotar kol bolepangre momelendar krik, un witsras len tele ap i phub. Un ko baro lolo sap hi glan koi djuwjate tardo, kai an o tsiro was, te well o ternepen. Un jaake sik, har ko ternepen wals, kamas les lo pre te chal.

Debleskro tsiro 9:15

Un kol starenge wan lengre shelle pre kerdo, te krenn le koi budi, hoi hunte krenn le ap kau diwes, an kau tchon, an kau bersh: Jon hunte marenn hako triinto menshes ap i phub.

Debleskro tsiro 9:18

Koi jag un koi khand maran hako triinto menshes.