Debleskro tsiro 6:13 - O Debleskro Drom 2021 (Sinte)

¹³ Un i bolepangre momlia peran ap i phub, jaake har perenn i brola ap i phub tele, te phurdell i sorelo ducho an i broleskro ruk.

O Debleskro Lab 2024 (Sinte-Manouche)

¹³ Oun i bolepangre momlia peran ap i phoub, yaake har perenn i brola ap i phoub tele, te phourdell i zorelo dourho an i broleskro rouk.

Debleskro tsiro 6:13 ပူးပေါင်းရင်းမြစ်များ

Hiob 15:33

Har i drakengro ruk hi lo, kolestar i drake tele perenn an i tsiro, kai hi le gomme tikno. Un har ko djeteskro ruk hi lo, koleskre blume tele perenn, glan te wenn drake lendar.

Jesaja 13:10

I bolepangre momlia chatchenn buder gar. Hi sawe koi, kai dikeh buder gar. O kham well kalo, sik pal kowa kai lo pre djas. Un o tchon hi buder gar djelto.

Jesaja 33:9

Ninna o them rowell un nashrell peskri soor. I ruka ap i berge Libanon ladjenn pen un merenn tele. O shukar telstuno them Sharon dikell win har i diwjo truk them. Un i ruka ap i berge Bashan un Karmel witsrenn pengre patria tele.

Jesaja 34:4

Un i tsele bolepangre momlia perenn khetne. Un o bolepen tserdell pes khetne har i liil, hoi well khetne lino. Un kol bolepangre momlia perenn tele har mule patria ap o drakengro ruk un har faige, hoi gar bares wan ap i faigetikro ruk.

Jesaja 7:2

Un har o baro rajeske pral Juda penlo was, kai tchiwan i Syrarja pengre plachtene khera pre an o Efrajimeskro them, kote trissas lo i trashatar. Un ninna i tsele menshe an Juda trissan jaake har i ruka an i wesha trissenn, te phurdell i sorelo ducho.

Ezekiel 32:7

Ap ko diwes kai tiro djipen wi-phurdedo well, tchakrau o bolepen tele, un i bolepangre momlia wenn kalo. Un glan o kham djan wolke, un o tchon well buder gar diklo.

Daniel 4:14

I bolepangre, kai lauter an o jak lenn, rakran kowa win. Un jon, kai wenna o Deblestar, kamenn, te well kowa jaake, te dikenn i menshe, te hi o pralstuno Debles i soor pral i rajengre themma, un job len koleste dell, koneste job kamell. Koles, kai tikno hi mank i menshende, nai tchiwell job pral lende.’

Daniel 8:10

Un ko shing was jaake baro, te was lo bis pash i bolepangre momlia pre, un lendar witsras lo tele ap i phub, un stakras len khetne.

Nahum 3:12

Tire sorele barrengre khera hi har faige ap i ruk. Well ko ruk trisslemen, perenn kol faige koleske an o mui, kai les trisslell. Jaake sik perell ninna tiro foro an i wasta kolendar, kai kurenn pen leha.

Mateo 24:29

Un sik pal kol tchilatche diwessa, well o kham kalo har i rat, un o moonto dikell kek buder. Un i bare momlia ap o bolepen perenn tele. Un i bolepaskri soor perell khetne.

Markus 13:25

Un i bare momlia ap o bolepen perenn tele. Un o bolepaskri soor perell khetne.

Louka 21:25

“Ap o kham un ap o moonto un ap i bolepangre momlia dikenn tumer baro koowa. Pral i menshende an bud themma well i bari traash, te dikenn le, har well o baro pani diwjo un hadell pes pral un dell bari gole.

Debleskro tsiro 9:1

Un o pantchto bolepaskro phurdas an peskri phurdepaskri. Un me dikom i bolepaskri momeli, hoi tele ap i phub peras. Un koja kras o telstunepen pre.