Debleskro tsiro 6:10 - O Debleskro Drom 2021 (Sinte)

¹⁰ Un dan soreles gole un penan: “Baro Dewel un tchatcho rai, ab sik un rake i phagi win pral kolende ap i phub, kai maran men. De len ko tchilatchepen pale, hoi jon ap mende kran!”

O Debleskro Lab 2024 (Sinte-Manouche)

¹⁰ Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”

Debleskro tsiro 6:10 ပူးပေါင်းရင်းမြစ်များ

1. Mose 4:10

Un o Dewel penas: “Hoi kral tu? Shun! Tiro phraleskro rat dell gole pal mande dran i phub.

Debleskri gili 119:84

Har rah, baro Dewel, rikreh tut pale, bis te deh kolen i phagi, kai man, tiro budepaskres, palla lenn.

Debleskri gili 13:1

I gili o rajeske pral i gipangre. O David kras kai gili.

Debleskri gili 35:17

Rai, har rah kameh tu kowa te dikell un kreh tchi? Le miro djipen dran i wasta kolendar win, kai peran pral mande har diwje vieche.

Debleskri gili 79:10

Hoske nai penenn i wawar menshe: ‘Kai hi tumaro Dewel?’ Muk men te dikell, har tu len khetne stakreh koleske, kai maran le tire budepangre!

Debleskri gili 9:12

Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

Jesaja 61:2

Me wom bitchedo, te dap win gole, te was ko bersh, kai sikrell o baro Dewel peskro latchepen ap peskre menshende. Ninna was ko diwes, kai dell maro Dewel hakenes ko tchilatchepen pale, hoi job ap o them Juda kras. Job bitchras man, te khossap i swa tele kolenge, kai kanna rowenn.

Ropaskre gilja 3:64

De lenge les pale, baro Dewel, har jon mantsa kran!

Daniel 12:6

Un job penas ap ko mursheste, kai an laintikre koola rido his, un pral ko lengsto pani tardo his: “Kaana hi ko tsiro, kai kau baro sorelo koowa pre herella?”

Daniel 8:13

Un me shunom i bolepaskres te rakrell. Un i wawar bolepaskro putchas lestar: “Har rah djal kowa, hoi an kau dikepen diklo was? Har rah well o Debleske buder gar kowa dino, hoi leske hako diwes hunte wals? Un har rah well o Debleskro kheer pale-tchiddo kerdo, un ap i bolepangre lurdende trujel stakedo?”

Zakarie 1:12

Koi penas o bolepaskro: “Baro Dewel, tu rai pral o bolepen un i phub, har rah kameh tu gar tiro dji pre te krell i menshenge an Jerusalem un an i wawar forja an o them Juda? 70 (efta-deesh) bersha hal chojedo pral lende.”

Louka 2:29

“Miro Dewel, miro rai, kanna nai merau me an o latchepen, jaake har tu penal.

Louka 21:22

An kol diwessa well o Debleskri choli ap i menshende tele. Palle well lauter tchatcho, hoi an o Debleskro lab tchinlo hi.

Remarja 12:19

Mire kamle phrala un phenja, ninna te kras jek tumenge tchilatcho koowa, ma denn leske pale! Mukenn les! O Dewel dell les i phagi. An o Debleskro lab hi tchinlo: O Dewel penas: Me dau len pale. Me dau len i phagi.

Hebrearja 12:24

Kote hi ninna o Jesus, maro rakepaskro, kai kras menge o newo drom, te djiwas khetne o Debleha. Job meras menge, un leskro rat las mari doosh mendar. O Jesuseskro rat hi feteder har o Abeleskro rat. Har o Abel maredo was, das leskro rat gole pal i phagi pral o Kain. O Jesuseskro rat lell mari doosh mendar.

2. Petro 2:1

Glan i rah tsiro his chochene rakepangre an o them Israel, kai kran, har te bitchras len o Dewel. Jaake wenna ninna mashkral tumende chochene sikepangre, kai sikrenn tumen i chocheno drom, kai anell tumen krik o Deblestar. Kol sikepangre denn o Jesuses, maro rajes, buchoste, kai plaissras peskro rateha lenge, te lell lo len dran o tchilatchepen win. Jon nashenn an pengri bibacht.

Debleskro tsiro 11:18

I tsele natsjone choiran pen pral tute. Doleske was tiri choli pral lende. Kanna hi o tsiro kai, te well o tchatchepen wi-rakedo pral i mulende. Kanna was ko tsiro, te dess tiro brawlepen kolende, kai tuke budran, kai an tiro lab rakran, lauterende, kai tire menshe hi, un tut sharenna, un tutar darenna, i tikne har i bare. I tsiro hi ninna kai, te maress kolen, kai i menshen ap i phub maran.

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.

Debleskro tsiro 18:24

Ninna nashas an o foro o rat, hoi ratan kol Debleskre rakepangre un o Debleskre menshe, kai kote maredo wan, awa, o rat kolendar lauter, kai ap i phub maredo wan.”

Debleskro tsiro 19:2

Latcho un tchatcho hi lo. I phagi, hoi job i menshen das, hi mishto un tchatcho. Job das i bari lubjat lakri phagi. Joi tserdas i menshen ap i tseli phub an wi-ladjedo koowa un maras o Debleskre budepangren. O Dewel das lat ko tchilatchepen pale, hoi joi ap lende kras.”

Debleskro tsiro 3:10

Tumer rikran ko lab, hoi tumenge penom, un wan gar khino an o patsepen ap mande. Doleske rikrau mire wasta pral tumende an ko pharo tsiro, kai i bibacht wella pral i tsele menshende ap kai phub, te well diklo, hoi an lengre djia hi.

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.

Čačepangre 16:28

Kote das o Simson ap o baro Debleste gole un penas: “Baro Dewel, miro rai! Dik gomme jek kopo ap mande, un de man soor, mo Dewel, gomme kau jek kopo, te nai dap kal Filistarjen pale, hoi jon mire jakentsa kran.”

1. Samuel 24:12

Miro dad, dik kau kotar dran tiri baja an miro wast! Me tchinom les dran tiri baja tele, un dom tut gar mulo. Ap kowa nai dikeh un haiweh, te hom kek phukepaskro un kamau tut kek tchilatchepen te krell. Tu leh man palla te dess man mulo, ninna te krom tuke tchi.