Debleskro tsiro 5:5 - O Debleskro Drom 2021 (Sinte)

⁵ Un jek kol tchatchepangre phurendar penas ap mande: “Ma rob! Dik, jek las i soor o Deblestar pral o tchilatchepen un o merepen, un hi moldo, te krell lo ko liil pre, te dikell lo dren. Job hi kowa, kai kharenn le lewo, kai well dran o them Juda. Job hi o Davideskro tchawo.”

O Debleskro Lab 2024 (Sinte-Manouche)

⁵ Oun yek kol čačepangre phourendar penas ap mande: “Ma rob! Dik, yek las i zoor o Deblestar pral o čilačepen oun o merepen, oun hi moldo, te krell lo ko liil pre, te dikell lo dren. Yob hi kova, kay kharenn le levo, kay vell dran o them Youda. Yob hi o Davideskro čavo.”

Debleskro tsiro 5:5 ပူးပေါင်းရင်းမြစ်များ

1. Rajengro liil 10:20

Un deesh-te-dui lewe his tardo ap kol shob stufe, ap haki stufa tchatches un serwes jek lewo. An kek wawar them un kek tsiro was o baro rajeske sawi shukar beshepaskri kerdo.

2. Familjakro liil 9:18

Shob stufe his glan i beshepaskri, un i tikno banko i pirenge dran sonakai. Un tchatches un serwes his mussjengre. Pash haki mussjakri his i lewo tardo.

Hiob 41:15

Leskro per hi masselo un sorelo har saster.

Jesaja 11:1

Jaake har well i tikno newo kasht dran i tele dino ruk, un i newo tikno ruk mank leskre draba win, jaake well i newo baro rai dran o Davideskro kheer.

Jesaja 11:10

Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.

Jeremia 31:16

Kanna penell o baro Dewel: Muk tiri gole un tiro ropen! Khosse tire swa! Kowa, hoi kral tire tchawenge, his gar tchitcheske, penell o baro Dewel. Jon wenn pale pale dran o them, kai wan le tele rikedo.

Daniel 7:16

Un me djom pash jekeste, kai kote tardo his. Un mangom les, te sikrell lo mande, hoi kowa lauter kamell te penell. Un job rakras mantsa un mukas man te djinell, hoi kowa kamell te penell:

4. Mose 24:9

O Israel tchiwas pes tele har i bari margodja, awa, har i terni bari margodja. Kek kamell lat pre djangrell. Bacht un soor well koles, kai rakrell i bacht pral tute win, Israel! Un bibacht well ap koleste, kai rakrell i bibacht win pral tute.

Louka 23:28

Un o Jesus rissras pes trujel un penas ap lende: “Djuwjale dran o foro Jerusalem, rowenn gar pral mande! Rowenn pral tumende un pral tumare tchawende!

Louka 7:13

Un o Jesus dikas lat, un leskro dji dukas. Un job penas ap late: “Ma rob!”

Louka 8:52

Un halauter rowan, un dan pengre wasta pral o shero khetne. Un job penas ap lende: “Ma rowenn! Joi hi gar muli. Joi sowella.”

Johanni 20:13

“Hoske roweh tu, romnija?” putchan kol bolepangre i Mariatar. “Jon lan miro rajes krik,” penas li, “un me djinau gar, kai jon les tchiwan.”

Remarja 1:3

Ko drom hi o Debleskro tchawo. Kowa was i mensho un was o Davideskre menshendar. Job was ninna o Deblestar. O Dewel sikras i bari sorjah, te hi lo leskro tchawo, har kras lo les i mulendar djido. Kowa hi o Jesus Kristo, maro rai.

Remarja 15:12

Un o Debleskro rakepaskro, o Jesaja, penas glan i rah tsiro: Koi well i mursh i menshendar, kolengro dad hi o Isai, kowa well o rai pral i menshende an i tsele themma. Ap koleste dikenn le, te well lo lenge latches.

Debleskro tsiro 1:1

An kau liil hi kowa tchinlo, hoi o Dewel mukas o Jesus Kristes te dikell, te sikrell job peskre budepangren, hoi an i tikno tsiro hunte wella. Un o Jesus Kristo bitchras peskro bolepaskres pash mande, te sikrell lo mande kawa lauter. Me, o Johanni, hom leskro budepaskro

Debleskro tsiro 22:16

Me, o Jesus, bitchrom miro bolepaskres pash tumende, te penell lo kau koowa i patslenge. Me hom o Davideskro tchawo. Me hom koi raili bolepaskri momeli, hoi djal pre taissarlake ap o bolepen.”

Debleskro tsiro 3:21

Kowa, kai soreles an o patsepen atchas, un gar pre das, kowa nai beshell pes mantsa ap miro rajeskro beshepaskro, jaake har me ninna soreles tardo homs, un me beshom man miro dadeha ap leskro rajeskro beshepaskro.

Debleskro tsiro 4:10

Hako kopo, kai krenn le kowa, witsrenn pen kol biish-te-star tchatchepangre phure glan koleste tele, kai ap o rajeskro beshepaskro beshdo hi, un sharenn koles, koleskro djipen gar pre-herella. Un jon tchiwenn pengro sherengro sonakai glan o rajeskro beshepaskro tele, un penenna:

Debleskro tsiro 4:4

Un trul o rajeskro beshepaskro his biish-te-star wawar rajengre beshepangre tardo. Un ap kolende his biish-te-star tchatchepangre phure beshdo. Kolen his parne ripja ap lende, un i shereskro sonakai ap lengre shere.

Debleskro tsiro 5:4

Un har dikom, te his kek moldo, te krell lo ko liil pre, te dikell lo dren, koi rowom soreles.

Debleskro tsiro 6:1

Un me dikom, har ko terno bakro jek kol efta dorjendar pre pandas, hoi ko liil khetne rikrenna. Un me shunom, har jek kol star sorele bolepangrendar soreles penas: “Ab!”

Debleskro tsiro 7:13

Un jek kol tchatchepangre phurendar putchas mandar: “Koon hi kolla, kai hi len parne ripja ap lende? Kai wan le?”