Debleskro tsiro 5:13 - O Debleskro Drom 2021 (Sinte)

¹³ Un me shunom i gili, hoi lauter giwan, kai an o bolepen hi, un ap i phub, un tel i phub, un an o baro pani. Un jon giwenn: “Koleske, kai ap o rajeskro beshepaskro beshdo hi un ko terno bakreske, kolenge hi i gilja, un o sharepen, un o railepen, un i soor pral lauter, kanna un hako tsireske.”

O Debleskro Lab 2024 (Sinte-Manouche)

¹³ Oun me shounom i gili, hoy lauter givan, kay an o bolepen hi, oun ap i phoub, oun tel i phoub, oun an o baro pani. Oun yon givenn: “Koleske, kay ap o rayeskro beshepaskro beshdo hi oun ko terno bakreske, kolenge hi i gilya, oun o sharepen, oun o raylepen, oun i zoor pral lauter, kanna oun hako tsireske.”

Debleskro tsiro 5:13 ပူးပေါင်းရင်းမြစ်များ

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.

Jesaja 24:14

Kolla, kai atchenn djido, giwenn i bachtjatar. Kolla, kai djiwenn ap i wawar rig o Mashkralstuno Baro Panjestar sharenn o baro Debleskro railepen:

Jesaja 42:10

Giwenn o baro Debleske i newi gili! Sharenn les ap i tseli phub bis an i palstune themma! Sharenn les, tumer, kai ap o baro pani ulerenn, un tumer lauter, kai an o baro pani djiwenn! Ninna tumer, kai an o panjeskre themma djiwenn, sharenn les!

Mateo 6:13

Ma muk men tiro dromestar tele te djal! Le men dran o bengeskro wast win!

Louka 2:14

“Baro hi o Debleskro railepen an o bolepen! O Debleskri bacht well ap i phub. Job dikell latches ap i menshende.”

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

Remarja 11:36

Lestar was halauter. Halauter djiwell lestar, un halauter djal pale pash leste. Sharas o Debles kanna un hako tsiro! Amen.

Remarja 16:27

Job kokres hi gosewo, un bitchras menge o Jesus Kristes. Sharedo well job hako tsiro! Amen.

Remarja 9:5

Lengre phure hi o Abraham, o Isaak un o Jakob. Ninna o Jesus Kristo was i Israelitari, har was lo boldo. Sharas o Debles pral kowa lauter hako tsireske. Amen!

Filiparja 2:10

Un hakeno an o bolepen un ap i phub un tel i phub hunte perell glan leste tele ap i tchanga.

Kolossarja 1:23

Jek koowa hunte krenn tumer: Atchenn ap o Jesuseskro drom! Patsenn soreles ap leste! Mukenn gar tele, te dikenn ap kowa, hoi tumen hi pash o Debleste! Rikrenn soreles ap leskro latcho lab, hoi tumenge penlo was! Ko lab was penlo ap i tseli phub. Ninna me, o Paulo, hunte penap ko lab i menshenge. Kowa hi miri budi.

1. Timoteo 4:16

De garda ap tute, har tu djiweh un har tu sikreh o Debleskro drom! Kre ko koowa, hoi tuke penom! Jaake djah tu ap o drom pash o Debleste. Un kolla, kai shunenn ap kowa, hoi tu peneh, aneh tu ninna ap ko drom.

1. Petro 4:11

Das tut o Dewel gole, te rakress o Debleskro lab, palle rake o Debleskro lab! Das tut o Dewel i soor, te budress i patslenge, palle kre kowa an o Debleskri soor! Jaake sharah mer o Debles an halauter, hoi o Jesus Kristo men das. Les hi o railepen un i soor kanna un hako tsiro. Amen!

1. Petro 5:11

I tseli soor hi leske kanna un hako tsiro! Amen!

Judas 1:25

Sharas koles, kai kokres o Dewel hi! Job las men dran o tchilatchepen win, har maro rai, o Jesus Kristo, menge meras. Maro Dewel hi o baro rai. Les hi i tseli soor kanna un glan kau tsiro un an ko tsiro, hoi wella. Amen.

Debleskro tsiro 1:6

Job kras men raja un rashaja o Debleske, peskro dadeske. Leske hi o railepen un i soor kanna un hako tsireske! Amen.

Debleskro tsiro 13:8

Lauter, hoi ap i phub djiwenna, sharenn ko vieches, – lauter kolla, kolengre laba gar tchinlo hi an o djipaskro liil. Kolla, kai lengre laba dren tchinlo hi an kau liil, hi jaake rah dren tchinlo, har i phub koi hi. Kau liil hi o terno bakres, hoi maredo was.

Debleskro tsiro 5:1

Un me dikom i liil an o tchatcho wast kolestar, kai ap o rajeskro beshepaskro beshdo hi. Ap ko liil his dren un win tchomone tchinlo. Un ko liil his khetne pandlo efta dorjentsa.

Debleskro tsiro 5:12

Un jon giwenn soreles: O terno bakro, hoi was maredo, kowa hi moldo, te well les i bari soor, ninna o brawlepen, un o goswepen, un o sharepen, un o railepen, un i gilja, hoi les hadenna, un bares krenna.

Debleskro tsiro 5:3

Un an o bolepen, un ap i phub, un tel i phub his kek koi, kai hi moldo, te krell lo ko liil pre, te dikell lo dren.

Debleskro tsiro 5:6

Un me dikom i terno bakres pash o rajeskro beshepaskro, hoi wi-dikas, har wals lo maredo. Kowa hi tardo mashkral kol star sorele bolepangre un kol tchatchepangre phurende. Les hi efta shinga un efta jaka. Kol efta jaka hi o Debleskro Ducho, hoi pral i tseli phub win bitchedo was.

Debleskro tsiro 5:9

Un jon giwenn i newi gili, un penenn: Tu hal moldo, te less ko liil, un te kress ko liil pre. Tu wal maredo, un plaissral tiro rateha, te giness menshen tiro Debleske. Kolla wenna dran hako them, haki natsjona, haki harmenatsjona un hako rakepen.

Debleskro tsiro 6:16

un penan ap kol berge un ap kol bare barra: “Perenn ap mende, un khatrenn men kolestar, kai ap o rajeskro beshepaskro beshdo hi, un koi bari choljatar, hoi ko terno bakres hi!