Debleskro tsiro 4:2 - O Debleskro Drom 2021 (Sinte)

² Un ap jek kopo was o Debleskro Ducho soreles ap mande, un me dikom i rajeskro beshepaskro an o bolepen tardo. Un ap koleste his jek beshdo.

O Debleskro Lab 2024 (Sinte-Manouche)

² Oun ap yek kopo vas o Debleskro Dourho zoreles ap mande, oun me dikom i rayeskro beshepaskro an o bolepen tardo. Oun ap koleste his yek beshdo.

Debleskro tsiro 4:2 ပူးပေါင်းရင်းမြစ်များ

1. Rajengro liil 22:19

O Micha penas: “Shun, hoi o baro Dewel penell! Me dikom o baro Debles, har job beshdo his ap peskri beshepaskri. Un i tsele bolepangre his pash leste tardo ap leskri tchatchi rig un ap leskri serwi rig.

Debleskri gili 11:4

O baro Dewel hi an peskro railo baro kheer. Leskro rajeskri beshepaskri hi an o bolepen. Leskre jaka dikenna tele ap i menshende, un job lell len an o jak.

Jesaja 6:1

An ko bersh. kai o baro rai Usija meras, kote dikom me o Debles, maro rajes, beshdo ap i bari raili beshepaskri. Un o Debleskro kheer his pherdo ko telstuno kotar leskri plaashka.

Jeremia 17:12

Maro Debleskro kheer hi har i rajeskri beshepaskri, pherdo o Debleskro railepen, un tardo ap i bari berga, jaake rah har lo koi hi.

Ezekiel 1:26

Pral o bolepen, hoi pral lengre sherja his, his tchomone, hoi win dikas har i rajeskri beshepaskri dran kutch blaueto bar. Un ap koleste his jek beshdo, kowa dikas win dikas har i mensho.

Ezekiel 1:28

har i brishineskro bogo, hoi well diklo ap o bolepen pal i brishin. Jaake sikras pes o baro Dewel an peskro railepen mange. Un har les dikom, mukom man glan leste ap i phub te perell. Un me shunom jekes, kai rakras.

Ezekiel 10:1

Un me dikom ap ko bolepen, hoi his pral i sherja fun i bolepangre, un dikom tchomone jaake blaueto har ko kutch blaueto bar, hoi kharell Safiro. Kowa dikas win har i rajeskri beshepaskri.

Daniel 7:9

Un me dikom har bare rajengre beshepangre pre-tchiddo wan. Un jek, kai bud phuro his, beshas pes. Leskro ripen his parno har gib. Un leskre balla ap leskro shero his parno har bakrengro bal. Un leskri beshepaskri his har i bari jag. Un i rade tel i beshepaskri his har i jag, hoi pre un tele djal.

Mateo 22:43

Penas o Jesus: “Te hi kowa tchatcho, har nai penas o David ap leste: Mo rai? Kau lab tchiwas o Debleskro Ducho an o Davideste,

Hebrearja 8:1

Kowa hunte djinenn tumer: Men hi i baro rashai, kowa hi o Jesus Kristo. An o bolepen hi lo beshdo ap i tchatchi rig o Deblestar.

Debleskro tsiro 1:10

Ap o Debleskro diwes was o Debleskro Ducho soreles pral mande. Un me shunom pal mande i sorelo rakepen. Kowa his har i gole, hoi dell i phurdepaskri.

Debleskro tsiro 12:5

Un joi las i mursh tchawes. Kowa te well o rai pral i menshende an i tsele themma ap i phub. Job anell len i sasterno wasteha. Un lakro tchawo was pre hadedo pash o Debleste, un pash leskro beshepaskro.

Debleskro tsiro 17:3

Un o Debleskro Ducho was pral mande. Un o bolepaskro anas man an o mulo them. Un me dikom i djuwel ap i lolo viecho beshdo, hoi les efta shere un deesh shinga his. Un ap koleste his sawe laba tchinlo, hoi praassenn o Debles.

Debleskro tsiro 19:4

Un kol biish-te-star tchatchepangre phure un kol star sorele bolepangre witsran pen tele glan o Debleste, kai ap peskro rajeskro beshepaskro beshdo hi, un sharan les, un penan: “Amen, Halleluja!”

Debleskro tsiro 20:11

Un me dikom i baro parno beshepaskro un koles, kai pre beshdo hi. I darjatar nashas i phub un o bolepen glan leste krik. Un kek dikas len buder pale.

Debleskro tsiro 21:10

Un o Debleskro Ducho was ap mande. Un o bolepaskro anas man ap i bari, bari berga, un sikras mande o Debleskro foro Jerusalem, har ko foro tele was o Deblestar dran o bolepen.

Debleskro tsiro 21:5

Un kowa, kai ap o Debleskro beshepaskro beshdo hi, penas: “Dikenn, me krau lauter newes.” Un ap mande penas lo: “Tchin kal laba an i liil! Kal laba hi tchatcho. Un jaake well lauter.”

Debleskro tsiro 3:21

Kowa, kai soreles an o patsepen atchas, un gar pre das, kowa nai beshell pes mantsa ap miro rajeskro beshepaskro, jaake har me ninna soreles tardo homs, un me beshom man miro dadeha ap leskro rajeskro beshepaskro.

Debleskro tsiro 4:10

Hako kopo, kai krenn le kowa, witsrenn pen kol biish-te-star tchatchepangre phure glan koleste tele, kai ap o rajeskro beshepaskro beshdo hi, un sharenn koles, koleskro djipen gar pre-herella. Un jon tchiwenn pengro sherengro sonakai glan o rajeskro beshepaskro tele, un penenna:

Debleskro tsiro 4:5

Un kotar, kai ko rajeskro beshepaskro hi, das jag karje pral un tele, un was i bari gole win, har koi gole, hoi o bolepen krella, te dell baro brishin un te djal jag tele ap i phub. Un glan o rajeskro beshepaskro chatchan efta jaga. Kol efta jaga hi o Debleskro Ducho.

Debleskro tsiro 4:9

Un jaake sharenn kol star sorele bolepangre koles, kai ap o rajeskro beshepaskro beshdo hi, un jon hadenn les un krenn les baro, un parkrenn pen pash leste, kai djiwell hako tsireske.

Debleskro tsiro 5:1

Un me dikom i liil an o tchatcho wast kolestar, kai ap o rajeskro beshepaskro beshdo hi. Ap ko liil his dren un win tchomone tchinlo. Un ko liil his khetne pandlo efta dorjentsa.

Debleskro tsiro 5:13

Un me shunom i gili, hoi lauter giwan, kai an o bolepen hi, un ap i phub, un tel i phub, un an o baro pani. Un jon giwenn: “Koleske, kai ap o rajeskro beshepaskro beshdo hi un ko terno bakreske, kolenge hi i gilja, un o sharepen, un o railepen, un i soor pral lauter, kanna un hako tsireske.”

Debleskro tsiro 6:16

un penan ap kol berge un ap kol bare barra: “Perenn ap mende, un khatrenn men kolestar, kai ap o rajeskro beshepaskro beshdo hi, un koi bari choljatar, hoi ko terno bakres hi!