Debleskro tsiro 4:11 - O Debleskro Drom 2021 (Sinte)

¹¹ “Tu, o Dewel, maro rai, tu hal moldo, te less o railepen, un o sharepen, un i soor. Tu kral o bolepen un i phub. Jaake, har tu kamal, jaake kral tu kowa, un was kowa.”

O Debleskro Lab 2024 (Sinte-Manouche)

¹¹ “Tou, o Devel, maro ray, tou hal moldo, te less o raylepen, oun o sharepen, oun i zoor. Tou kral o bolepen oun i phoub. Yaake, har tou kamal, yaake kral tou kova, oun vas kova.”

Debleskro tsiro 4:11 ပူးပေါင်းရင်းမြစ်များ

1. Mose 1:1

Glan i rah rah tsiro kras o Dewel o bolepen un i phub.

2. Samuel 22:4

Me sharau o baro Debles! Te dau ap leste gole, lell lo man win dran i wasta kolendar, hoi mange tchilatchepen kamenna.

Nehemia 9:5

Un i Levitarja, o Jeshua, un o Kadmijel, un o Bani, un o Hashabneja, un o Sherebja, un o Hodija, un o Shebanja, un o Petachja penan: Stenn pre! Sharenn o baro Debles! Job hi tumaro Dewel. Sharenn les kanna un hako tsireske! Baro Dewel, hakeno te sharell tiro railo lab! Kek wawar lab hi jaake baro un railo har tiro lab.

Hiob 36:3

Me sikrau tuke ko bud koowa, hoi me djinau, te sikrap, te hi kowa tchatcho un mishto, hoi kras o Dewel, kowa, kai man kras.

Debleskri gili 18:3

Baro Dewel, tu hal mange har i baro sorelo bar, kai nai khatrau man, har i sorelo kheer, kai nai krell kek mange tchilatchepen. Miro Dewel, tu hal kowa, pash koleste nai wau un man khatrau. Tire wasta rikreh tu pral mande. Tu hal ko sorelo ap miri rig, un hal mange har i sorelo kheer pral ap i berga.

Debleskri gili 68:34

Job ulerell pral pre ap o bolepen, hoi hako tsiro koi his. Shunenn, har soreles job gole dell!

2. Mose 20:11

An shob diwessa kras o baro Dewel o bolepen un i phub, o pani un halauter, hoi koi dren hi. Un o eftato diwes kras lo tchi. Doleske penas lo: Kau diwes hi i baro diwes mange. Kau diwes hi miro.

Gosewe laba 16:4

Lauter, hoi o baro Dewel kras, hi tchomoneske, ninna kras lo o tchilatcho menshes ko diweske, kai i bibacht wella.

Jesaja 40:26

Hadenn tumare jaka pre, un dikenn: Koon kras kowa? Job anell kol tsele bolepangre momlia ap lengro drom, un djinell kitse jon hi, un dell hakeni pash peskro lab gole. Un kek hi koi, hoi palle gar well. Jaake baro un sorelo hi lo.

Jesaja 40:28

Haiwan tumer gar? Shunan tumer gar? O baro Dewel hi i Dewel kai atchell hako tsireske. Job kras i tseli phub. Khino well lo gar, un lestar djal i soor gar krik. Leskro goswepen hi jaake baro, te nai hatsell les kek win.

Jeremia 10:11

Pen lenge: Kol deblenge, kai kran gar o bolepen, witar gar i phub, hi kek platsa ap kai phub un tel o bolepen, un nai atchenn gar.

Jeremia 32:17

Baro Dewel, miro rai, tu kral o bolepen un i phub dran tiri bari soor un tiro sorelo wasteha. Un tchi hi koi, hoi nai kreh gar.

Bičepangre 14:15

“Murshale, hoi krenn tumer kote? Mer ham menshe har tumer, un penah tumenge o latcho lab o djido Deblestar. Job kamell, te wenn tumer ap leskro drom, un mangenn buder gar kol chochene deblen dran kasht un bar an. Job hi ko Dewel, kai kras o bolepen un i phub, un o baro pani, un lauter, hoi djiwella.

Bičepangre 17:24

Ko Dewel kras o bolepen un i phub, un lauter, hoi koi pre hi. Job hi o rai pral o bolepen un i phub. Job djiwell gar an i Debleskre khera, kai i menshe pengre wastentsa kran.

Remarja 11:36

Lestar was halauter. Halauter djiwell lestar, un halauter djal pale pash leste. Sharas o Debles kanna un hako tsiro! Amen.

Efesarja 3:9

un te sikrap lauterende, har kras o Dewel kowa, hoi his les an o dji. Kowa djinan i menshe i rah tsiro gar. O Dewel kokres, kai kras o bolepen un i phub, djinas les.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.

Hebrearja 1:10

Pale penas lo ap leste: Tu hal o baro rai, un kral i phub glan i rah tsiro. Un tire wasta kran o bolepen.

Hebrearja 1:2

Kanna, an kau tsiro, bitchras lo peskro tchawes pash mende, te rakras job ap mende. Koleste das o Dewel lauter an leskre wasta, te well job o rai pral lauter. Koleha kras lo o bolepen un i phub.

Debleskro tsiro 1:6

Job kras men raja un rashaja o Debleske, peskro dadeske. Leske hi o railepen un i soor kanna un hako tsireske! Amen.

Debleskro tsiro 10:6

un das pes sowel pash koleste, kai djiwella kanna un hako tsiro, kowa hoi o bolepen kras, un lauter, hoi an leste hi, ninna i phub un lauter, hoi ap late hi, un ninna o baro pani, un lauter, hoi an leste hi. Un o bolepaskro penas: “O tsiro hi trujel.”

Debleskro tsiro 14:7

Un job das bari gole: “Darenn o Deblestar un sharenn les! Ko tsiro hi kanna kai, kai job o tchatchepen pral i tsele menshende wi-rakrella. Witsrenn tumen tele glan koleste, kai kras o bolepen un i phub, un o baro pani, un mangenn les an!”

Debleskro tsiro 19:1

Un pal kowa dan bud menshe an o bolepen bari gole: “Halleluja! Maro Dewel las men dran o tchilatchepen un o merepen win. Job hi o rai, un les hi i soor pral halauter.

Debleskro tsiro 5:12

Un jon giwenn soreles: O terno bakro, hoi was maredo, kowa hi moldo, te well les i bari soor, ninna o brawlepen, un o goswepen, un o sharepen, un o railepen, un i gilja, hoi les hadenna, un bares krenna.

Debleskro tsiro 5:2

Un me dikom i sorelo bolepaskres, kowa das soreles gole: “Koon hi moldo, te nai krell lo ko liil pre, te dikell lo dren?”

Debleskro tsiro 5:9

Un jon giwenn i newi gili, un penenn: Tu hal moldo, te less ko liil, un te kress ko liil pre. Tu wal maredo, un plaissral tiro rateha, te giness menshen tiro Debleske. Kolla wenna dran hako them, haki natsjona, haki harmenatsjona un hako rakepen.