Debleskro tsiro 3:9 - O Debleskro Drom 2021 (Sinte)

⁹ Shunenn, hoi me kol bengeskre menshentsa krau, kai chochenn un penenn pendar, te hi le o Debleskre menshe, un jon hi kek Debleskre menshe. Me krau, te wenn le pash tumende, te witsrenn le pen glan tumende ap i phub, un te haiwenn le, te kamau tumen o tselo djijestar.

O Debleskro Lab 2024 (Sinte-Manouche)

⁹ Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.

Debleskro tsiro 3:9 ပူးပေါင်းရင်းမြစ်များ

Ester 8:17

Un an hako them un an hako foro, kai o baro rajeskro lab was, his bacht un sapen pash i biboldende. Un jon kran baro chapen un wan bachteles khetne. Un bud menshe i wawar menshendar lan daar i biboldendar un wan bibolde.

2. Mose 11:8

Palle wenna tire pralstune lauter pash mande un witsrenn pen glan mire pire tele un mangenn man an un penenn: ‘Djan tumenge, tu un tire tsele menshe, djan!’ Un palle djah mer menge.” Un mulo chojedo djas o Mose peske dran o Faraeskro kheer win.

Jesaja 43:4

Tu hal mange jaake kutch un bud moldo, un kamau tut o tselo djijestar, te dap menshen tuke koi, un dau themma koi, te nai djiwess tu.

Jesaja 45:14

Kawa penell o baro Dewel: O brawlepen dran o them Egiptia, un kowa, hoi i menshe dran Etiopia dren lan, well pash tute, te well lo tiro. Un kol bare sorele mursha dran Seba wenn tire budepangre. Pandles shellentsa wenn le pash tute, un witsrenn pen glan tute ap i phub, un penenn: Kokres pash tute hi o Dewel, un dell kek wawar dewel.

Jesaja 49:23

Un bare raja wenn tuke koi un lengre romja denn jak ap tire tikne tchawende. Un bare raja witsrenn pen glan tute ap i phub, un tchumrenn i tchik tire pirendar. Kote haiweh tu palle, te hom me o baro Dewel. Un kolla, kai dikenn ap mande, te wap ap lengri rig, dikenn gar tchitcheske ap mande.

Jesaja 60:14

Un i tchawe kolendar, kai rikran tut tele, wenn pash tute, un tchiwenn pen glan tute tele. Un kolla, kai praassan tut, witsrenn pen glan tire herja an i tchik. Un jon kharenn tut ‘foro o baro Deblestar’, un ‘Zion, o foro o Israeleskro Deblestar’.

Johanni 17:23

Me djiwau an lende. Un tu djiweh an mande. Jaake te wenn jon jek. Un i menshe dikenna, kai tu man bitchral, un kai tu len jaake kameh, har tu man kameh.

Debleskro tsiro 2:9

Me djinau, te lenn le tumen palla. Ninna djinau, har tchorwelo han. Tchatchepah han tumer brawelo! Me djinau ninna, te rakrenn kolla djungeles pral tumende, kai penenn pendar, te hi le Debleskre menshe. Jon hi kek Debleskre menshe. Na-a, jon hi bengeskre menshe.

1. Samuel 2:36

Kowa, kai dran tiro kheer pral atchas, well palle pash leste un witsrell pes tele glan leste, te mangell lo peske i rupeni bema un i kotar maro lestar, un penell ap leste: “Muk man rashajengre budi te krell, te well man i kotar maro te chal.”