Debleskro tsiro 3:8 - O Debleskro Drom 2021 (Sinte)

⁸ Me prindjrau lauter, hoi tumer mange kran. Dikenn, me krom i wudar glan tumende pre, hoi kek nai pandell. Tumen hi i tikni soor, un rikran miro lab an tumare djia, un dan man gar buchoste.

O Debleskro Lab 2024 (Sinte-Manouche)

⁸ Me prindjrau lauter, hoy t'mer mange kran. Dikenn, me krom i voudar glan t'mende pre, hoy kek nay pandell. T'men hi i tikni zoor, oun rikran miro lab an t'mare djia, oun dan man gar bourhoste.

Debleskro tsiro 3:8 ပူးပေါင်းရင်းမြစ်များ

Gosewe laba 30:9

Te wals man budeder har man hunte well, nai penaus: “Koon hi o baro Dewel?” Un te wals man gar doha, nai tchoraus un anaus ladj ap miro Debleste.

Daniel 11:34

An ko tsiro, kai wenn le jaake palla lino, wenn lenge menshe ap i rig. Kolla hi gar bud. Bud wawar rikrenn gar tchatchepah pash lende.

Louka 12:9

Koon man buchoste della glan i menshende, koles dau me ninna buchoste glan o Debleskre bolepangre.

Johanni 15:20

Rikrenn an tumaro shero, hoi me tumenge penom: I budepaskro hi gar bareder har leskro rai. Lan man jon palla, lenn jon tumen ninna palla. Te shunan jon ap kowa, hoi me lenge penom, shunenn jon ninna, hoi tumer lenge penenna.

Johanni 17:6

Tu dal menshen dran kai phub gole un dal len mande. Kolende sikrom, koon tu hal. Jon his tiro un tu dal len mande. Un jon rikran pen ap tiro lab.

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

1. Korintarja 16:9

Kate nai budrau me mishto o Debleske, ninna te hi kate bud menshe, kai krenn mange miri budi phares.

2. Korintarja 2:12

Har wom me an o foro Troas, te penap kote o latcho lab o Jesus Kristestar, kras o Dewel i menshengre djia pre.

Filiparja 4:13

O Jesus Kristo dell man i soor, te djiwap jaake te jaake.

Kolossarja 4:3

Mangenn o Debles ninna menge, te krell lo menge i drom pre, te penas nai leskro lab i menshenge, te sikras lende, te hi o Jesus Kristo ko drom, kai anell men pash o Debleste. Kowa djinan i menshe i rah tsiro gar. Har me kowa i menshenge penom, wom doleske an o stilepen.

1. Timoteo 5:8

Koon gar peskre menshenge koi hi, un kolenge, kai pash leste an o kheer djiwenna, kowa nashras peskro patsepen, un hi har jek, kai patsell gar ap o Jesus Kristeste.

2. Timoteo 4:7

Me budrom phares o Jesuseske un dom miro patsepen gar pre. Me nashom jaake ap o Jesuseskro drom, har te woms i naashepaskro, kai nashell i rah drom. Kanna nashom o tselo drom.

Judas 1:4

Me shunom, hi menshe koi, hoi tchorchanes mank tumende wan. Kolla kamenn o Deblestar tchi djinell. Jon penenn, te hi o Dewel latcho, un te nai krenn le lauter, hoi jon kamenna. Jaake djiwenn le i wi-ladjedo djipen, un denn maro rajes, o Jesus Kristes, buchoste. Kowa kokres hi maro rai. Glan i rah tsiro hi tchinlo, te lenn jon pengri phagi.

Debleskro tsiro 2:13

Me djinau, tumer djiwenn kote, kai o beng o rai pral i menshende hi. Tumer rikrenn soreles ap mande, un mukan o patsepen gar, ninna an kol diwessa, har was o Antipas maredo, har job i menshenge mandar penas an tumaro foro, kai o beng djiwella.

Debleskro tsiro 2:2

Me prindjrau lauter, hoi tumer mange kran, tumari tseli phari budi. Tumer dan tumaro patsepen gar pre. Un tumer mukenn gar tchilatche menshe mashkral tumende te well. Un tumer lan kolen an o jak, kai penan, te hi le o Jesuseskre bitchepangre, un jon hi kowa gar. Un tumer haiwan, te chochran le.

Debleskro tsiro 22:7

“Shunenn,” penell o Jesus, “me wau sik. Bachtele hi kolla, kai rikrenn kal laba, hoi an kau liil tchinlo hi, an pengre djia. Kolla laba sikrenna, hoi wella.”

Debleskro tsiro 3:1

“Tchin kau liil ap o Debleskro budepaskro, kai dell jak ap i patslende an o foro Sardes: Kawa penell kowa, koles o Debleskro Ducho hi, un koles i efta bolepangre momlia an o wast hi. Me djinau lauter, hoi tumer kran. Tumer han mulo, ninna te penenn le pral tumende, te han djido.

Debleskro tsiro 3:10

Tumer rikran ko lab, hoi tumenge penom, un wan gar khino an o patsepen ap mande. Doleske rikrau mire wasta pral tumende an ko pharo tsiro, kai i bibacht wella pral i tsele menshende ap kai phub, te well diklo, hoi an lengre djia hi.

Debleskro tsiro 3:15

Me djinau halauter, hoi tumer kran. Tumer han har i pipen, hoi hi gar shila, witar gar tato. Kamaus, te wenn tumer jek kolendar.

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.