Debleskro tsiro 3:3 - O Debleskro Drom 2021 (Sinte)

³ Ma bistrenn, hoi tumenge penlo was un hoi shunan! Un rikrenn ap kal laba! Un awenn pale ap o tchatcho drom! Te krenn kowa gar, un stenn gar pre o sopastar, palle wau pral tumende har i tchorepaskro. Un tumer djinenn gar, hawo tsireske pale wau.

O Debleskro Lab 2024 (Sinte-Manouche)

³ Ma bistrenn, hoy t'menge penlo vas oun hoy shounan! Oun rikrenn ap kal laba! Oun avenn pale ap o čačo drom! Te krenn kova gar, oun stenn gar pre o sopastar, palle vau pral t'mende har i čorepaskro. Oun t'mer djinenn gar, havo tsireske pale vau.

Debleskro tsiro 3:3 ပူးပေါင်းရင်းမြစ်များ

Ezekiel 20:43

Un kote well tumenge kowa an o shero, hoi kran un har djiwan, koleha tumer tumen pale-tchiddo kran. Un ko tselo tchilatcho koowa, hoi kran, well tumenge tchadepaske.

Ezekiel 36:31

Un palle well tumenge an o shero, har tchilatcho kowa his, hoi kran un har djiwan. Un ko tselo tchilatcho koowa, hoi kran, un har i chochene deblen an-mangan, well tumenge tchadepaske.

Mateo 25:13

Doleske penau me tumenge: Rikrenn tumare jaka pre! Tumer djinenn gar ko diwes, kai o rai pale wella!

Markus 13:33

Denn jak! Rikrenn tumare jaka pre! Tumer djinenn gar, kaana hi ko tsiro kai.

Markus 13:36

Jaake denn garda, te hatsell lo tumen gar ap o sopen, te well lo ap jek kopo.

1. Tessalonikarja 5:2

Tumer djinenna, o rai Jesus wella har i tchorepaskro an i rati.

1. Timoteo 6:20

Tu, Timoteo, atch pash kowa, hoi o Dewel an tiro wast tchiwas! Ma shun ap kolende, kai rakrenn laba, hoi tchi moldo hi, un hoi gar o Deblestar wenna! Jon rakrenn dinelo koowa, un patsenn, kai djinenn le budeder har kol wawar. Lengro hi gar tchatcho.

2. Timoteo 1:13

Rike tut ap kal latche laba, hoi tu mandar shunal! Jaake djineh, har tu hunte rakress. Un atch an o patsepen un an o kamlepen, hoi o Jesus Kristo men das!

Hebrearja 2:1

Glan i rah tsiro penan i bolepangre mare phurenge, har hunte djan jon ap o Debleskro drom. Koon gar ap o Debleste shunas, un gar ap leskro drom djas, kowa las peskri phagi. Jaake sorelo hi o Debleskro lab. Doleske hunte das mer baro jak ap ko lab, hoi mer shunam, te djiwas pal kowa, un te peras gar ko tchatcho dromestar tele.

2. Petro 1:13

Me patsau, hi mishto tumenge, te penap tumenge kowa jaake rah, har me djiwau, te bistrenn tumer kowa gar, un te wenn gar khino, te krenn kowa lauter.

2. Petro 3:1

Latche phrala un phenja, kawa hi o duito liil, hoi me tumenge tchinau. Kalla lila tchinau, te wenn tumer gar khino an tumaro patsepen. Ma bistrenn,

2. Petro 3:10

Kek djinell o diwes, kai maro rai Jesus pale wella. Ko diwes wella jaake har i dre-phagepaskro wella. Palle djal o bolepen krik bari goljah. I bolepangre momlia chatchrenna krik. Ninna i phub un ko tselo koowa, hoi ap i phub hi, chatchrella pre.

Debleskro tsiro 16:15

Un i triin benga anan len khetne an i them, hoi kharella ap hebretikes: Harmagedon. Kanna shunenn, hoi o Jesus Kristo penella! Job penella: “Me wau har i tchorepaskro. Bachtelo hi kowa, kai jak della, un gar sowella, un leskre koola ap leste hi, jaake te hi lo gar nango un ladjella.”

Debleskro tsiro 2:25

har kowa, te rikrenn mire laba soreles an tumare djia, jaake rah bis te wau pale.

Debleskro tsiro 2:5

Mukenn tumenge kowa an o shero te djal, har dur tumer mandar tele peran. Awenn pale o tselo djijeha pash mande! Djiwenn ko djipen, hoi djiwan, har tumaro patsepen ap mande terno his. Te krenn kowa gar, palle wau, un lau tumari momeli krik, un tchiwrau lat ap i rig.

Debleskro tsiro 22:7

“Shunenn,” penell o Jesus, “me wau sik. Bachtele hi kolla, kai rikrenn kal laba, hoi an kau liil tchinlo hi, an pengre djia. Kolla laba sikrenna, hoi wella.”

Debleskro tsiro 3:11

Me wau an i tikno tsiro pale. Rikrenn tumaro patsepen soreles, te lell kek wawar ko shukar koowa tumendar, hoi tumenge an o bolepen hi, un hoi kolla lenna, kai dan pengro patsepen gar pre.

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!

Debleskro tsiro 3:2

Stenn pre o sopastar! Mashkral tumende hi gomme menshe, kai patsenn ap mande. Kolla hi gar bud. Un lengro patsepen hi tikno. Krenn lengro patsepen pale soreles! Glan miro Debleste hi kowa gar mishto doha, hoi tumer mange krenn.