Debleskro tsiro 3:14 - O Debleskro Drom 2021 (Sinte)

¹⁴ “Tchin kau liil ap o Debleskro budepaskro, kai dell jak ap i patslende an o foro Laodicea: Kawa penell kowa, kai kharell Amen, un penell hako tsiro o tchatchepen, un sikrell i menshende o tchatcho drom pash o Debleste. Job his koi pashel, har o Dewel lauter kras.

O Debleskro Lab 2024 (Sinte-Manouche)

¹⁴ “Čin kava liil ap o Debleskro boudepaskro, kay dell yak ap i patslende an o foro Laodicea: Kava penell kova, kay kharell Amen, oun penell hako tsiro o čačepen, oun sikrell i menshende o čačo drom pash o Debleste. Yob his koy pashel, har o Devel lauter kras.

Debleskro tsiro 3:14 ပူးပေါင်းရင်းမြစ်များ

1. Mose 49:3

Tu, o Ruben, miro phureder tchawo hal, miri soor hi an tute. Har homs terno un sorelo, wom tiro dad. Tu hal bareder un sorleder har tire phrala.

Gosewe laba 14:5

Te penell i mursh o labestar, hoi lo dikas un shunas, rakrell lo o tchatchepen. Te penell i chocheno, hoi lo dikas un shunas, anell lo chochepen pre.

Gosewe laba 8:22

O baro Dewel kras man glan i rah tsiro. Glan hako wawar koowa kras lo man.

Jesaja 55:4

Dikenn, me krom les, te well lo rai un pralstuno pral wawar themma, te sikrell job lende, koon me hom.

Jesaja 65:16

Palle penenn kolla an o them Juda, kai rakrenn i bacht win pral jekeste: “I bacht o tchatchepaskro Deblestar well pral tute!” Un kowa, kai dell pes sowel an o them, kowa dell pes sowel pash o tchatchepaskro Debleste. Palle hi bistedo kol phare diwessa pherdi bibacht, hoi glan kau tsiro his, un wenn mange buder gar glan i jaka.

Jeremia 42:5

Kote penan jon ap o Jeremia: Mer kamah lauter te krell, hoi tiro baro Dewel menge dran tiro mui penell. Job kokres nai penell, te kram mer kowa lauter jaake oder gar. Hoi job penell pral mende, hi mishto un tchatcho.

Johanni 1:3

Khetne leha kras o Dewel o bolepen un i phub. Tchi hi koi, hoi gar leha kerdo was.

Johanni 8:14

Penas o Jesus: “Ninna te rakrau mandar kokres, hi kowa tchatcho, hoi penau. Me djinau, konestar me wom, un kai me djaua. Tumer djinenn gar, konestar me wom, witar gar, kai me djaua.

2. Korintarja 1:20

Lauter, hoi mukas o Dewel glan i rah tsiro menge te penell, kowa kras o Jesus Kristo menge. Dran kowa penah mer Amen, te well o Dewel sharedo.

5. Mose 21:17

Na-a, job hunte dell ko wawares dui kope jaake bud, job hi o phureder, ninna te his lo koi romjatar, kolat kamell lo gar. Job was glanstunes boldo un leske hi o tchatchepen, te lell lo, hoi o phureder lell.

Kolossarja 1:15

Kek nai dikell o Debles. Har leskro tchawo ap i phub was, sikras job har o Dewel hi. O Jesus Kristo hi jaake har peskro dad. Un job hi bareder har lauter, hoi kerdo was.

Kolossarja 1:18

Job hi o pralstuno pral i tsele patslende. Har o Dewel les i mulendar djido kras, das lo les o newo djipen glan hako wawareste, koles o Dewel newes krella. Jaake kras o Dewel, kai hi o Jesus Kristo o pralstuno pral halauter, hoi koi hi.

Kolossarja 2:1

Me kamau, te djinenn tumer, har me marau man tele tumenge un kol patslenge an o foro Laodicea, ninna kolenge, kai prindjrenn man gar.

Kolossarja 4:16

Tumer te draweran kau liil, palle denn les ninna i patslende, kai wenn khetne an o foro Laodicea. Un drawerenn ninna ko liil, hoi tchinom kolenge!

Debleskro tsiro 1:11

Un ko rakepen penas: “Tchin an i liil, hoi tu dikeh! Un bitche ko liil ap kol patslende, kai an kol efta forja khetne wenna: Efesus, Smirna, Pergamon, Tiatira, Sardes, Filadelfia un Laodicea!”

Debleskro tsiro 1:5

Latchepen un bacht tumenge! Kowa dell tumen o Jesus Kristo! Job sikrell i menshende o tchatcho drom pash o Debleste. Un job hi o glanstuno lauterendar, kai stenn i mulendar pre un wenn djido. Un job hi ninna o rai pral i tsele raja ap kai phub! Job kamell men o tselo djijestar, un las men dran mari doosh win, un plaissras menge peskro rateha.

Debleskro tsiro 19:11

Un me dikom, har o bolepen pre hi. Un kote his i parno grai. Un kowa, kai pre beshdo hi, kharella: Mursh labestar, kai rakrell o tchatchepen. Job te dell i menshen i phagi un kurell pes kolentsa, kai tchilatche hi, djal job pal o tchatchepen.

Debleskro tsiro 2:1

“Tchin kau liil ap o Debleskro budepaskro, kai dell jak ap i patslende an o foro Efesus: Kawa penell kowa, kai rikrell kol efta bolepangre momlia an peskro tchatcho wast, un kai djal mashkral kol efta sonakangre momlia trujel.

Debleskro tsiro 21:6

Un job penas pale: Halauter was jaake, har penom. Mandar was halauter. Un lauter wella pale glan mande. Me hom o glanstuno un o palstuno. Kones trush hi, kowa lell mandar o djido pani tchitcheske.

Debleskro tsiro 22:13

Mandar was halauter. Un lauter well pale glan mande. Me hom o glanstuno un o palstuno, kowa, kolestar lauter was, un koleha lauter pre-herell.

Debleskro tsiro 22:6

Un o bolepaskro penas ap mande: “Kal laba hi tchatcho. Un jaake well kowa. O Dewel, maro rai, kai das peskre rakepangren peskro Ducho, kowa bitchras peskro bolepaskres, te sikrell lo peskre budepangren, hoi an i tikno tsiro hunte wella.”

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.